”Anu Geus Dihijikeun ku Allah . . . ”

Numutkeun Hukum Musa, lalaki nu rék pepegatan jeung pamajikanana kudu nyiapkeun surat talak nu sah sacara hukum. Hukum ieu dijieun pikeun nyegah pepegatan nu gagabah. Tapi dina jaman Yésus, para pamingpin agama nyieun pepegatan téh mani gampang dilakukeun. Lalaki meunang megatkeun pamajikanana ku alesan naon waé. (catetan nwtsty-E pikeun Mar 10:4: ”surat talak”; catetan nwtsty-E pikeun Mar 10:11: ”nyerahkeun pamajikanana”, ”ngaranyed ti pamajikanana”) Yésus ngajelaskeun yén perkawinan téh diayakeun jeung disahkeun ku Yéhuwa. (Mar 10:2-12) Salaki jeung pamajikan jadi ”hiji” jeung teu meunang dipisahkeun salilana. Dina buku Mateus, hiji-hijina alesan ti Kitab Suci pikeun pepegatan nyaéta ”nyelewer”.—Mat 19:9.

Ayeuna, loba jalma boga pandangan nu sarua siga urang Parisi. Lamun aya masalah, maranéhna langsung pepegatan. Sabalikna, keur urang Kristen mah ikrar perkawinan téh sérius pisan. Maranéhna ngupayakeun pikeun ngaréngsékeun masalah ku cara ngalarapkeun prinsip Alkitab. Sanggeus nongton vidéo Kasih dan Respek Membuat Keluarga Bersatu, jawab pananya-pananya di handap:

• 

  Kumaha Sadérék bisa ngalarapkeun Siloka 15:1 dina perkawinan, sarta ku naon ieu téh penting?

• Kumaha Sadérék bisa nyingkahan masalah ku cara ngalarapkeun Siloka 19:11?

• Lamun perkawinan keur kaancam, ti batan mikir rék pepegatan, naon nu sakuduna dipikirkeun ku Sadérék?

• Kumaha Mateus 7:12 bisa ngabantu Sadérék jadi salaki atawa pamajikan nu leuwih hadé?