Carana Ngagunakeun Conto Bahasan

Ti saprak Januari 2018, aya conto bahasan dina kaca hareup Jurnal Pasamoan Kagiatan jeung Kahirupan Kristen. Kumaha cara ngagunakeunana?

Waktu Meunang Tugas: Sadérék bisa ngagunakeun pananya, ayat, jeung topik saterusna tina conto bahasan. Tapi, Sadérék teu kudu ngagunakeun kekecapan nu sarua percis jeung nu aya dina vidéo. Sadérék bisa ngarobah kecap panganteur, cara ngajelaskeun, jeung latar kaayaanana. Terus sanggeusna, Sadérék ogé bisa nawarkeun publikasi tina Alat Bantu Pengajaran, sanajan dina tugasna téh teu aya pituduh éta.

Waktu Dines: Dina conto bahasan, aya topik nu bisa ngabantu urang dina dines. Terus, lamun jalmana minat jeung hayang nyaho leuwih loba, urang bisa maké topik saterusna tina conto bahasan pikeun ngadatangan deui. Sadérék bisa ngarobah kekecapanana atawa ngagunakeun topik nu béda. Sadérék ogé bisa maké topik ti bulan-bulan saacanna nu bisa jadi leuwih cocog keur jalma-jalma di daérah Sadérék. Atawa, maranéhna leuwih resep ngobrolkeun berita nu keur héboh. Jadi teu sual conto bahasan mana nu digunakeun ku Sadérék, sing inget, tujuan Sadérék téh ”pikeun ngamashurkeun Injil Kasalametan bari ngalap berkahna”.​—1Kor 9:22, 23.