Para Kolot Perlu Ngajar Budakna

Ayeuna, hal nu hadé sok dianggap goréng, ari hal nu goréng dianggap hadé. (Yes 5:20) Hanjakalna, loba jalma ngalakukeun hal nu dipikaijid ku Yéhuwa, misalna bobogohan jeung sasama jinis. Bisa jadi, aya babaturan nu mangaruhan barudak urang supaya pipilueun ogé. Kumaha Sadérék bisa nyiapkeun budak Sadérék pikeun nyanghareupan tangtangan siga kieu?

Ajar budak Sadérék ngeunaan prinsip-prinsip ti Yéhuwa. (Ima 18:3) Para kolot perlu terus ngajarkeun prinsip-prinsip Alkitab ngeunaan séks nu cocog jeung umur budakna. (Pam 6:7) Pék pikirkeun, ’Na urang geus ngajarkeun cara némbongkeun kanyaah nu pantes jeung pentingna maké papakéan nu sopan? Na urang geus ngajarkeun budak yén batur teu meunang sangeunahna nyepeng awakna? Na budak urang nyaho kudu kumaha lamun aya nu némbongkeun hal nu porno atawa ngajak manéhna ngalakukeun nu salah?’ Budak nu geus diajar ti leutik kénéh bisa nyingkahan masalah engkéna. (Sil 27:12; Pan 7:12) Lamun Sadérék ngahargaan kurnia ti Yéhuwa ieu, Sadérék bakal resep ngajar budak.​—Jab 127:3.

TONGTON VIDÉO NGAWANGUN IMAH NU WEWEG—JAGA BUDAK SADÉRÉK TI ”HAL-HAL ANU JAHAT”, TERUS JAWAB PANANYA-PANANYA DI HANDAP:

• 

  Ku naon para kolot sok karagok ngajar budak ngeunaan séks?

• 

  Ku naon kolot kudu ngajar budakna maké ”pranata jeung pangajaran-pangajaran kakristenan”?​—Epe 6:4

• 

  Organisasi Yéhuwa nyadiakeun bahan-bahan naon waé pikeun ngajar budak ngeunaan séks?​—w19.05 12, kotak

• Ku naon kolot perlu rutin ngobrol jeung barudakna?