Nganuhunkeun kana Kabébasan di Mangsa Kahareup

Unggal poé, naon masalah nu kudu disanghareupan ku Sadérék? Na Sadérék téh kapala kulawarga nu boga loba tanggung jawab? Na Sadérék ngan sorangan ngagedékeun budak bari jeung kudu néang napkah? Na anjeun téh sok diganggu ku babaturan sakola? Na Sadérék ripuh lantaran gering atawa geus kolot? Kabéh jalma pasti boga masalahna masing-masing. Loba sadérék kudu nyanghareupan sababaraha masalah sakaligus. Tapi, urang nyaho sakeudeung deui urang bakal dibébaskeun ti masalah-masalah éta.​—2Kor 4:16-18.

Nepi ka éta kajadian, urang bisa dililipur sabab nyaho Yéhuwa paham kana masalah urang sarta ngahargaan kasatiaan jeung katabahan urang. Mantenna ogé geus nyiapkeun berkah keur urang di mangsa kahareup. (Yer 29:11, 12) Yésus ogé merhatikeun urang. Waktu ngajalankeun tanggung jawab salaku urang Kristen, urang bisa tabah, sabab anjeunna jangji, ”Kami tangtu nyarengan ka maraneh.” (Mat 28:20) Lamun urang ngalenyepan kabébasan nu bakal ditarima sanggeus Karajaan Allah maréntah, harepan urang leuwih nyata sarta urang bakal leuwih tabah nyanghareupan masalah.​—Rum 8:19-21.

TONGTON VIDÉO WAKTU KASUSAH NARAJANG, TERUS INGET KA YÉSUS!​—BERKAH-BERKAH TI KARAJAAN ALLAH KEUR MANGSA KAHAREUP, TERUS JAWAB PANANYA-PANANYA DI HANDAP:

• Kumaha hubungan manusa jeung Allah bisa nepi ka ruksak, jeung naon akibatna?

• Naon berkah keur jalma-jalma nu satia ka Yéhuwa?

• Kumaha ieu bakal diwujudkeun?

• Naon berkah nu paling diarep-arep ku Sadérék?