Ngawawar Ngagunakeun Hal nu Anyaran Ieu Kajadian

Waktu ngawawar, Isa ngamangpaatkeun kajadian nu anyaran keur jadi topik pangajaranana. (Luk 13:1-5) Urang gé bisa ngamangpaatkeun kajadian nu anyaran pikeun ngageuing minat batur kana warta hadé Karajaan. Mimitina Sadérék bisa nyebutkeun biaya hirup nu mahal, musibat alam, karusuhan, kacanduan narkoba, atawa topik sarupa séjénna. Sanggeusna, Sadérék bisa méré pananya nu ngageuing manéhna mikir. Misalna, ”Ceuk Bapa, masalah-masalah saperti . . . bisa leungit teu?” atawa, ”Kira-kira naon jalan kaluar tina . . . ?” Terus bacakeun ayat Alkitab nu cocog jeung topik éta. Lamun jalmana minat, setélkeun vidéo atawa bahas publikasi nu aya dina Alat Bantu Pengajaran. Bari upaya pikeun ngageuing haté jalma-jalma, mugia urang ”ngalakukeun sagalana demi warta hadé”.​—1Kor 9:22, 23.

Naon waé topik nu kira-kira bakal dipikaresep ku jalma-jalma di daérah Sadérék?