Naha Saksi-Saksi Yéhuwa téh Sékte Agama ti Amerika?

Kantor pusat urang mémang di Amerika Serikat. Tapi, urang lain sékte agama ti Amerika. Ieu sababaraha alesanana:

• Sababaraha jalma ngahartikeun sékte téh sabagé kelompok nu mahiwal ti agama nu geus aya. Saksi-Saksi Yéhuwa lain kelompok nu mahiwal ti agama séjén. Sabalikna, urang nganggap yén urang mulihkeun Kakristenan nu aya di abad kahiji.

• Saksi-Saksi Yéhuwa aktif ngawawar di leuwih ti 230 nagri. Teu sual di mana matuhna, kasatiaan urang nu utama téh ka Allah Yéhuwa jeung Yésus Kristus, lainna ka pamaréntah Amerika Serikat atawa ka pamaréntah manusa séjénna.—Yohanes 15:19; 17:15, 16.

• Kabéh nu diajarkeun ku urang téh dumasar kana Alkitab, lainna tulisan para pamingpin agama di Amerika Serikat.—1 Tesalonika 2:13.

• Urang nuturkeun Yésus Kristus, lainna pamingpin manusa mana waé.—Mateus 23:8-10.