Naha Iblis téh Diciptakeun ku Allah?

Jawaban Alkitab

Alkitab némbongkeun yén Allah henteu nyiptakeun Iblis. Sabalikna, Mantenna nyiptakeun pribadi nu tungtungna ngajadi Iblis. Alkitab nyebutkeun, ”Adil sampurna dina saniskara. Allah maraneh satuhu sarta saestu, lempeng bener sagala damel-Na.” (Pamindo 32:3-5) Tina ayat éta, urang bisa nyimpulkeun yén tadina mah Sétan si Iblis téh sampurna jeung ngalampahkeun nu bener sabab manéhna téh salah sahiji putra Allah, nyaéta malaikat.

Yeheskel 28:15 ngajelaskeun kumaha putra Allah ieu ngajadi Sétan. ”Ti barang maneh dijadikeun, kalakuan maneh istuning sampurna, nepi ka tungtungna maneh mimiti nyieun kagorengan.” Ayat ieu ngajelaskeun yén tadina mah Sétan téh ngalampahkeun nu bener jeung sampurna.

Tapi siga malaikat-malaikat séjénna, malaikat nu ngajadi Sétan ieu ogé boga kabébasan milih, naha rék ngalakukeun nu bener atawa nu salah. Manéhna milih pikeun nangtang Allah jeung ngawujuk pasangan manusa nu mimiti pikeun milu barontak ka Allah. Ku kituna, manéhna ngajadikeun dirina Sétan, nu hartina ”Tukang Ngalawan”.—Kajadian 3:1-5; Wahyu 12:9.