PALAJARAN 1

Kecap Panganteur nu Alus

Rasul 17:22

RINGKESAN: Kecap panganteur Sadérék kudu ngageuing minat batur, nyebutkeun hal-hal nu rék dibahas, jeung nyebutkeun ku naon éta téh penting.

Geuing minat batur. Béré pananya, caritakeun pangalaman, berita, atawa hal-hal nu matak pikaresepeun batur.

Saacanna, pikirkeun enya-enya minat jeung kahariwangan batur, tuluy luyukeun kecap panganteur Sadérék.
Sebutkeun hal-hal nu rék dibahas. Dina kecap panganteur Sadérék, pastikeun yén hal-hal nu rék dibahas jeung tujuanana jelas keur batur.
Sebutkeun ku naon topik ieu téh penting. Luyukeun bahan nu ditepikeun ku Sadérék jeung pangabutuh batur. Maranéhna kudu bener-bener paham yén bahan nu ditepikeun téh aya mangpaatna keur dirina sorangan.

Waktu nyiapkeun hutbah, pék lenyepan, ’Naon nu keur disanghareupan ku dulur-dulur saiman di sidang?’ Geus kitu, luyukeun kecap panganteur Sadérék jeung pangabutuh maranéhna.