Jieun Rencana pikeun Acara Pangéling-ngéling

Unggal taunna, umat Yéhuwa sumanget pisan pikeun ngarayakeun acara Pangéling-ngéling. Dina minggu-minggu saacan jeung sanggeus acara Pangéling-ngéling, urang boga kasempetan istiméwa pikeun nganuhunkeun jeung ngamulyakeun Yéhuwa kana korban tebusan. (Éf 1:3, 7) Misalna, urang sabisa-bisa ngondang jalma-jalma ka acara Pangéling-ngéling. Dina bulan Maret atawa April, aya nu nyieun rencana supaya bisa naratas ékstra salila 30 atawa 50 jam. Na Sadérék hayang ningkatkeun jam dines dina bulan-bulan ieu? Naon nu bisa ngabantu Sadérék?

Lamun ti mimiti geus direncanakeun, biasana hasilna leuwih alus. (Sil 21:5) Ku sabab acara Pangéling-ngéling geus beuki deukeut, urang kudu geura nyieun rencana. Pék pikirkeun naon waé nu bisa Sadérék tingkatkeun dina palayanan jeung pastikeun naon nu kudu disiapkeun supaya rencanana suksés. Terus, pénta ka Yéhuwa pikeun ngaberkahan upaya Sadérék.​—1Yah 5:14, 15.

Naon waé nu bisa Sadérék tingkatkeun dina bulan Pangéling-ngéling?