Zaburi

107 Mshukuruni Yehova, kwa maana yeye ni mwema;+

Kwa maana fadhili zake zenye upendo ni za mpaka wakati usio na kipimo.+

 2 Wote waliookolewa wa Yehova na waseme hivyo,+

Ambao amewaokoa kutoka katika mkono wa adui,+

 3 Na ambao amewakusanya pamoja kutoka katika nchi mbalimbali,+

Kutoka mashariki na kutoka magharibi,+

Kutoka kaskazini na kutoka kusini.+

 4 Walitanga-tanga nyikani,+ jangwani;+

Hawakupata njia yoyote ya kwenda kwenye jiji la kukaa.+

 5 Walikuwa na njaa, na kiu pia;+

Nafsi yao ndani yao ikaanza kuzimia.+

 6 Nao wakaendelea kumlilia Yehova katika taabu yao;+

Akawakomboa kutoka katika mikazo iliyokuwa juu yao,+

 7 Na kuwatembeza katika njia iliyo sawa,+

Ili waingie katika jiji la kukaa.+

 8 Watu na wamtolee Yehova shukrani kwa ajili ya fadhili zake zenye upendo+

Na kwa ajili ya kazi zake za ajabu kwa wana wa binadamu.+

 9 Kwa maana ameishibisha nafsi iliyokauka;+

Na nafsi yenye njaa ameijaza vitu vyema.+

10 Kuna wale waliokuwa wakikaa katika giza na kivuli kizito,+

Wafungwa katika mateso na vyuma.+

11 Kwa maana waliyaasi+ maneno ya Mungu;+

Na shauri la Aliye Juu Zaidi hawakuwa wameliheshimu.+

12 Kwa hiyo, akautiisha moyo wao kwa taabu;+

Walijikwaa, wala hapakuwa na mtu mwenye kusaidia.+

13 Nao wakaanza kumwomba Yehova msaada katika taabu yao;+

Na kutoka katika mikazo iliyokuwa juu yao yeye akawaokoa kama kawaida.+

14 Akawatoa katika giza na kivuli kizito,+

Na hata kuzikata pingu zao.+

15 Watu na wamshukuru Yehova kwa ajili ya fadhili zake zenye upendo+

Na kwa ajili ya kazi zake za ajabu kwa wana wa binadamu.+

16 Kwa maana ameivunja milango ya shaba,+

Naye ameyakata hata mapingo ya chuma.+

17 Wale waliokuwa wapumbavu, kwa sababu ya njia ya ukosaji wao+

Na kwa sababu ya makosa yao, mwishowe walijiletea mateso wenyewe.+

18 Nafsi yao ikachukia kila namna ya chakula,+

Nao wakayafikia malango ya kifo.+

19 Nao wakaanza kumwomba Yehova msaada katika taabu yao;+

Na kutoka katika mikazo iliyokuwa juu yao akawaokoa kama kawaida.+

20 Akatuma neno lake na kuwaponya+

Na kuwaokoa kutoka katika mashimo yao.+

21 Watu na wamshukuru Yehova kwa ajili ya fadhili zake zenye upendo+

Na kwa ajili ya kazi zake za ajabu kwa wana wa binadamu.+

22 Na watoe dhabihu za kutoa shukrani+

Na kutangaza kazi zake kwa vigelegele vya shangwe.+

23 Wale wanaoshuka baharini kwa meli,+

Wanaofanya biashara katika maji mengi,+

24 Hao ndio ambao wameziona kazi za Yehova+

Na kazi zake za ajabu vilindini;+

25 Jinsi anavyosema neno na kutokeza upepo wenye tufani,+

Hivi kwamba unainua mawimbi yake.+

26 Wao hupanda juu mbinguni,

Hushuka mpaka chini.

Kwa sababu ya msiba nafsi yao hujikuta inayeyuka.+

27 Wanayumba-yumba na kwenda huku na huku kama mlevi,+

Na hata hekima yao yote huvurugika.+

28 Nao huanza kumpaazia Yehova kilio katika taabu yao,+

Naye huwatoa katika mikazo iliyo juu yao.+

29 Huituliza dhoruba ya upepo ikawa kimya,+

Hivi kwamba mawimbi ya bahari hukaa kimya.+

30 Nao hushangilia kwa sababu yanatulia,

Naye huwapeleka kwenye bandari inayowapendeza.+

31 Watu na wamtolee Yehova shukrani kwa ajili ya fadhili zake zenye upendo+

Na kwa ajili ya kazi zake za ajabu kwa wana wa binadamu.+

32 Na wamtukuze katika kutaniko la watu;+

Na katika kikao cha wazee na wampe sifa.+

33 Yeye huigeuza mito iwe nyika,+

Na chemchemi za maji ziwe nchi yenye ukame,+

34 Nchi yenye kuzaa iwe nchi ya chumvi,+

Kwa sababu ya ubaya wa wale wanaokaa humo.

35 Huigeuza nyika iwe dimbwi la maji lenye matete,+

Na nchi ya eneo lisilo na maji iwe chemchemi za maji.+

36 Na huko huwafanya wenye njaa wakae,+

Hivi kwamba wanasimamisha imara jiji la kukaa.+

37 Nao hupanda mbegu viwanjani na kupanda mashamba ya mizabibu,+

Ili yapate kutokeza mimea yenye kutoa mazao.+

38 Naye huwabariki hivi kwamba wanakuwa wengi sana;+

Wala haachi ng’ombe wao wawe wachache.+

39 Tena wanakuwa wachache na kuchutama+

Kwa sababu ya kizuizi, msiba na huzuni.+

40 Anamwaga dharau juu ya watu wenye vyeo,+

Hivi kwamba anawafanya watange-tange katika mahali penye ukiwa, pasipo na njia.+

41 Lakini humlinda maskini kutokana na mateso+

Na kumgeuza kuwa familia nyingi kama kundi.+

42 Wanyoofu huona na kushangilia;+

Lakini ukosefu wote wa uadilifu utafunga kinywa chake.+

43 Ni nani mwenye hekima? Atayashika mambo

hayo+

Na kukaza fikira zake kwa matendo ya Yehova ya fadhili zenye upendo.+