1 Wakorintho

5 Kwa kweli kuna habari kwamba kuna uasherati+ katikati yenu, tena uasherati wa namna ambayo hata haimo kati ya mataifa, kwamba mwanamume fulani ana mke wa baba yake.+ 2 Na je, ninyi mnajivuna,+ na badala yake hamwombolezi,+ ili mtu aliyefanya kitendo hicho aondolewe mbali kutoka kati yenu?+ 3 Mimi kwa kweli, ijapokuwa sipo katika mwili bali nipo katika roho, tayari nimemhukumu,+ kana kwamba nipo, mtu huyo ambaye amefanya tendo la namna hiyo, 4 kwamba katika jina la Bwana wetu Yesu, wakati mnapokuwa mmekusanyika pamoja, pia roho yangu pamoja na nguvu za Bwana wetu Yesu,+ 5 mkamkabidhi mtu wa namna hiyo kwa Shetani+ kwa ajili ya kuangamizwa kwa mwili, ili roho+ iokolewe katika siku ya Bwana.+

6 Sababu ya kujisifu+ kwenu si nzuri. Je, hamjui kwamba chachu kidogo huchachisha+ donge lote?+ 7 Ondoleeni mbali chachu ya zamani, ili muwe donge jipya,+ kulingana na mlivyo bila chachu. Kwa maana, kwa kweli, Kristo+ pasaka+ yetu ametolewa dhabihu.+ 8 Kwa hiyo na tufanye sherehe,+ si kwa chachu+ ya zamani, wala si kwa chachu+ ya ubaya na uovu,+ bali kwa keki zisizo na chachu za unyoofu na kweli.+

9 Katika barua yangu niliwaandikia ninyi mwache kuchangamana katika ushirika na waasherati, 10 si kumaanisha kabisa na waasherati+ wa ulimwengu+ huu au watu wenye pupa na wanyang’anyi au waabudu-sanamu. Ikiwa hivyo, kwa kweli ingewabidi mwondoke katika ulimwengu.+ 11 Lakini sasa ninawaandikia ninyi mwache kuchangamana katika ushirika+ pamoja na mtu yeyote anayeitwa ndugu ambaye ni mwasherati au mtu mwenye pupa+ au mwabudu-sanamu au mtukanaji au mlevi+ au mnyang’anyi, hata msile chakula pamoja na mtu wa namna hiyo. 12 Kwa maana inanihusu nini kuwahukumu wale walio nje?+ Je, ninyi hamwahukumu wale walio ndani,+ 13 huku Mungu akiwahukumu wale walio nje?+ “Ondoeni yule mtu mwovu kati yenu.”+