Isaya
56 Yehova anasema hivi:
“Tekelezeni haki,+ na mtende uadilifu,
Kwa maana wokovu wangu utakuja hivi karibuni
Na uadilifu wangu utafunuliwa.+
2 Mwenye furaha ni mtu anayefanya jambo hili
Na mwana wa mtu anayeendelea kulishika kabisa,
Anayeishika Sabato na asiyeitia unajisi+
Na ambaye anauzuia mkono wake usitende uovu wowote.
Naye towashi asiseme, ‘Tazama! Mimi ni mti uliokauka.’”
4 Kwa maana mimi Yehova ninawaambia hivi matowashi wanaozishika sabato zangu na kuchagua mambo yanayonipendeza na kulishika kabisa agano langu:
5 “Nitawapa mnara wa ukumbusho na jina katika nyumba yangu na katika kuta zangu,
Jambo bora kuliko wana na mabinti.
Nitawapa jina linalodumu milele,
Ambalo halitaangamia.
6 Na wageni wanaojiunga nami Yehova ili kunihudumia,
Kulipenda jina langu mimi Yehova+
Na kuwa watumishi wangu,
Wote wanaoishika Sabato na wasioitia unajisi
Na wanaolishika kabisa agano langu,
7 Nitawaleta pia kwenye mlima wangu mtakatifu+
Na kuwafanya washangilie ndani ya nyumba yangu ya sala.
Dhabihu zao nzima za kuteketezwa na matoleo yao yatakubaliwa kwenye madhabahu yangu.
Kwa maana nyumba yangu itaitwa nyumba ya sala kwa ajili ya mataifa yote.”+
8 Bwana Mwenye Enzi Kuu Yehova, anayewakusanya waliotawanyika wa Israeli,+ anasema hivi:
“Nitawakusanya wengine wajiunge naye mbali na wale ambao tayari wamekusanywa.”+
10 Walinzi wake ni vipofu,+ hakuna hata mmoja ambaye ameona.+
Wote ni mbwa walio bubu, wasioweza kubweka.+
Wanahemahema na kulala chini; wanapenda kulala.
Wao ni wachungaji wasio na uelewaji.+
Wote wamefuata njia yao wenyewe;
Kila mmoja wao anatafuta faida isiyo ya haki na kusema:
Na kesho itakuwa kama leo, itakuwa bora hata zaidi!”