Zaburi
Kwa kiongozi. Muziki wa Daudi.
40 Nilimtumaini Yehova kwa bidii,*
Naye akanitegea sikio lake na kusikia* kilio changu cha kuomba msaada.+
2 Akanipandisha kutoka katika shimo linalonguruma,
Kutoka katika matope yenye utelezi.
Akaiweka miguu yangu juu ya jabali;
Akanifanya nisimame mahali palipo imara.
Wengi watatazama kwa hofu
Na kumtumaini Yehova.
5 Jinsi ulivyotenda mambo mengi sana,
Ee Yehova Mungu wangu,
Kazi zako zinazostaajabisha na mawazo yako kutuelekea.+
Hakuna yeyote anayeweza kulinganishwa nawe;+
Ikiwa ningejaribu kusimulia na kuongea kuzihusu,
Zingekuwa nyingi sana kwangu kusimulia!+
Hukuomba dhabihu za kuteketezwa na dhabihu za dhambi.+
7 Kisha nikasema: “Tazama, nimekuja.
Katika kitabu cha kukunjwa imeandikwa kunihusu.+
9 Ninatangaza habari njema ya uadilifu katika kutaniko kubwa.+
Tazama! Siizuii midomo yangu,+
Ee Yehova, kama unavyojua vema.
10 Siufuniki uadilifu wako moyoni mwangu.
Ninatangaza uaminifu wako na wokovu wako.
Siufichi upendo wako mshikamanifu na ukweli wako katika kutaniko kubwa.”+
11 Ee Yehova, usininyime rehema yako.
Upendo wako mshikamanifu na ukweli wako na unilinde daima.+
12 Misiba inayonizunguka ni mingi sana haihesabiki.+
Makosa yangu mengi yananilemea hivi kwamba siwezi kuona njia yangu;+
Ni mengi sana kuliko nywele za kichwa changu,
Nami nimevunjika moyo.
13 Tafadhali, Ee Yehova, uwe tayari kuniokoa.+
Ee Yehova, njoo haraka unisaidie.+
Wale wanaofurahia msiba wangu
Na wakimbie kwa aibu.
15 Wale wanaoniambia: “Aha! Aha!”
Na washtuke kwa sababu ya aibu yao.
Wale wanaopenda matendo yako ya wokovu na waseme daima:
“Yehova na atukuzwe.”+
17 Lakini sina uwezo, nami ni maskini;
Yehova na anitunze.