Sura ya 11
Siku za Mwisho za Taratibu Hii Mbovu ya Mambo
1. Ni lini “siku za mwisho” zilipoanza, na zitakoma na tukio gani?
BIBLIA husema juu ya wakati ambao katika huo tunaishi kama “siku za mwisho” au “wakati wa mwisho.” (2 Timotheo 3:1; Danieli 11:40) Mambo ya hakika huonyesha kwamba huu ni muda ulio na mpaka ulio na mwanzo halisi na mwisho halisi. Ulianza katika mwaka wa 1914 wakati Yesu Kristo alipowekwa penye kiti cha enzi kama mfalme katika mbingu. Utakoma wakati Mungu aiharibupo taratibu hii mbovu iliyopo ya mambo. Kitakuwa kitulizo namna gani wakati matengenezo na watu ambao hupunja na kudhulumu, na wote ambao huhatirisha usalama wa wanadamu wenzio, watakapotoweka!
2. Nini Yesu alisema katika Mathayo 24:34 kwa habari ya lini “wakati wa mwisho” ungemalizika?
2 Hiyo itakuwa upesi kiasi gani? Mwana wa Mungu mwenyewe, Yesu Kristo, hutoa jibu. Baada ya kuelekeza kwenye mambo mengi ambayo huonyesha muda kutoka mwaka wa 1914 na kuendelea kama “wakati wa mwisho,” Yesu alisema: “Kizazi hiki hakitapita kamwe mpaka mambo haya yote yatakapotukia.” (Mathayo 24:34, NW) Ni kizazi kipi alichomaanisha?
3. (a) Ni kizazi kipi ambacho Yesu alisema kisingepita kabla mwisho haujaja? (b) Basi jinsi gani twaweza kujua kwamba tunakaribia sana mwisho wa taratibu hii mbovu?
3 Yesu alikuwa amekwisha kutaja watu ambao wangeona “mambo haya yote.” “Mambo haya” ni matukio ambayo yametukia tangu mwaka wa 1914 na yale ambayo bado yanatazamiwa kutukia mpaka mwisho wa taratibu hii mbovu. (Mathayo 24:33, NW) Watu waliozaliwa hata kama miaka yapata hamsini hivi iliyopita wasingeweza kuona “mambo haya yote.” Wao walizaliwa baada ya matukio yaliyotabiriwa yalipokuwa yamekwisha kuanza kutukia. Lakini wapo watu ambao wangali wanaishi ambao walikuwa hai katika mwaka wa 1914 na waliona lililokuwa likitukia wakati huo na ambao walikuwa wenye umri wa kutosha hata wangali wanakumbuka matukio hayo. Kizazi hiki sasa kinazeeka. Idadi kubwa yao wamekwisha kutoweka katika mauti. Hata hivyo Yesu kwa waziwazi sana alisema: “Kizazi hiki hakitapita kamwe mpaka mambo haya yote yatakapotukia.” Baadhi yao watakuwa wangali hai kuona mwisho wa taratibu hii mbovu. Maana yake ni kwamba kunabaki wakati mfupi tu kabla haujaja mwisho! (Zaburi 90:10) Basi sasa ndio wakati wa kuchukua tendo la haraka ikiwa wewe hutaki kuja kukumbwa pamoja na taratibu hii mbovu.
KWA NINI “WAKATI WA MWISHO”
4. (a) Kwa nini twaweza kufurahi kwamba Mungu hakuharibu mara hiyo wale wasiokuwa wakimtumikia wakati ufalme wake ulipoanza kutawala katika mwaka wa 1914? (b) Jinsi gani Biblia, katika 2 Petro 3:9, hutusaidia kuona jambo hili sawasawa?
4 Ijapokuwa Ufalme ulianza kutawala katika mwaka wa 1914, Yehova hakuwaharibu mara hiyo wale waliokuwa hawamtumikii yeye. Jinsi tuwezavyo kuwa na furaha juu ya hilo! Kwa maana uvumilivu wa Mungu umetupa nafasi ya kuchukua kusimama imara kwa ajili ya ufalme wake, na hivyo kuepuka uharibifu. Biblia hutusaidia sisi kuona jambo hili katika njia inayofaa, ikisema: “[Yehova] hakawii kuitimiza ahadi yake, kama wengine wanavyokudhani kukawia, bali huvumilia kwenu, maana hapendi mtu ye yote apotee, bali wote wafikilie toba.”—2 Petro 3:9; tazama pia Mathayo 24:21, 22.
5. (a) Yesu alisimuliaje kazi ya kutenga ambayo angefanya wakati huu? (b) Jambo gani huwapata wale ambao juu yao hukumu hufikilizwa mwishoni mwa hizi “siku za mwisho”?
5 Kwa kusudi hili, Yehova Mungu ameruhusu wakati kwa kazi ya kutenga katika hizi “siku za mwisho.” Katika masimulizi yake ya “mwisho wa taratibu ya mambo,” Yesu alitabiri jambo hili, akisema: “Hapo atakapokuja Mwana wa Adamu [Yesu Kristo] katika utukufu wake, na malaika watakatifu wote pamoja naye, ndipo atakapoketi katika kiti cha utukufu wake; na mataifa yote watakusanyika mbele zake; naye atawabagua kama vile mchungaji abaguavyo kondoo na mbuzi; atawaweka kondoo mkono wake wa kuume, na mbuzi mkono wake wa kushoto. Kisha Mfalme atawaambia wale walioko mkono wake wa kuume, Njoni, mliobarikiwa na Baba yangu, urithini ufalme mliowekewa tayari tangu kuumbwa ulimwengu. . . . Kisha atawaambia na wale walioko mkono wake wa kushoto, Ondokeni kwangu, mliolaaniwa, mwende katika moto [wa uharibifu] wa milele, aliowekewa tayari Ibilisi na malaika zake. . . . Na hao watakwenda zao kuingia katika adhabu ya milele; bali wenye haki watakwenda katika uzima wa milele.” (Mathayo 25:31-46) Wakati hukumu itakapofikilizwa mwishoni mwa hizi “siku za mwisho,” wale watakaoharibiwa wataingia katika “adhabu ya milele.” Hapatakuwa na kurudi kwenye uzima kwa njia ya ufufuo kwao. (2 Wathesalonike 1:7-9) Basi, sasa, wakati wa hizi “siku za mwisho,” kwa rehema Mungu amewapa wanadamu kila mahali nafasi kuchagua upande wa ufalme wake na kuishi.
6. (a) Kazi ya kutenga hutimizwaje? (b) Basi, lazima tufanye nini sasa ikiwa tunataka uzima chini ya ufalme wa Mungu?
6 Jinsi gani Mungu hufanya hivi! Jinsi gani kazi ya kutenga hutimizwa? Chini ya uongozi wa malaika wa-tumishi waaminifu wa Mungu katika dunia yote hutangaza ujumbe wa ufalme wa Mungu ili watu wenye mioyo minyofu waweze kusikia na kutenda juu yake. Hii ndiyo kazi ambayo Yesu alitabiri kama sehemu ya “ishara” ikionyesha kukaribia kwa mwisho, akisema: “Lazima habari njema zihubiriwe kwanza katika mataifa yote, pia.” (Marko 13:10, NW; tazama pia Mathayo 24:14 na Ufunuo 14:6, 7.) Juu ya msingi wa kuitikia kwao kwenye ujumbe huu, na nia yao kuelekea wale ambao Yehova huwatumia kama wajumbe wake, watu wanahukumiwa kama watahifadhiwa hai ama sivyo. (Mathayo 25:40, 45) Ikiwa wewe unataka uzima chini ya ufalme wa Mungu, ni lazima uonyeshe kutaka huko sasa kwa njia ya kuitikia vizuri ujumbe wa Ufalme na kuwahimiza wengine wafanye lilo hilo. Katika wakati ujao ulio karibu kazi hii ya kuhubiri itamalizika. Mlango wa nafasi utafungwa. Ndipo itakapokuwa kuchelewa mno!—Ezekieli 33:8, 9.
NANI WATAKAOHARIBIWA?
7. Jinsi gani Yeremia 25:33 husimulia mwisho wa taratibu hii mbovu, na jinsi gani Biblia hutusaidia sisi kuepuka kuwa miongoni mwa wale watakaouawa?
7 Katika maneno ya waziwazi Maandiko hufunua kwamba, wakati taratibu hii mbovu ifikapo kwenye ukomo wake, wale “waliouawa na [Yehova] siku ile watakuwapo, toka upande mmoja wa dunia hata upande wa pili.” (Yeremia 25:33) Lakini si lazima uwe miongoni mwa watakaouawa. Katika Neno lake Biblia Mungu husema waziwazi ni aina gani ya watu, taratibu na matengenezo watakaoharibiwa. Kwa kuonywa mbele, watu wapendao uzima, na ambao kwa unyofu wa moyo hutaka kutenda yaliyo mema machoni pa Mungu, wanaweza kutoka katika hatari.
8. (a) Nani ambao Mungu husema kuwa wataharibiwa? (b) Ni aina gani za watu ambao Mungu huainisha kama waovu? Je! wanaweza kubadili njia zao?
8 Hivyo, basi, ni nani ambao Mungu husema kuwa wataharibiwa? Kama ambavyo yamkini tukatarajia, ni waovu. “Wasio haki wakichipuka kama majani, na wote watendao maovu wakisitawi. Ni kwa kusudi waangamizwe milele.” (Zaburi 92:7) Lakini tusipotezwe kwa kuwa na maoni ya kilimwengu juu ya jambo gani la haki na jambo gani bovu. Mungu hutuambia sisi waziwazi kwamba mengi ambayo ulimwengu huu huona kama mambo ya kawaida ni maovu machoni pake. Hata ijapokuwa uasherati, uzinifu na kulalana wanaume kwa wanaume na wanawake kwa wanawake vinavumiliwa na watu wa kisasa, wale wenye kuzoea mambo ya namna hiyo hawatahifadhiwa hai na Mungu mwishoni mwa taratibu hii ya mambo. Vilevile, wale ambao ni waongo, wevi, walevi na wauaji watazuiwa kuinga katika milki ya ufalme wa Mungu. (1 Wakorintho 6:9, 10; Ufunuo 21:8) Labda wengine wamejitia katika mazoea ya namna hiyo kwa sababu ya kuchangamana na rafiki wabaya. Lakini sasa, kwa kujua Mungu anasema nini, ni lazima kwa hawa wabadili njia zao ikiwa wanataka kuepuka uharibifu. Katika taratibu mpya ya Mungu hamtakuwamo nafasi kwa watu ambao huchafua na kupunja na ambao huhatirisha maisha za wanadamu wenzio.
9. (a) Jambo gani litaipata dini iliyojengwa juu ya uongo, na kwa nini? (b) Ikiwa sisi hatutaki kuhesabiwa miongoni mwa adui hao wa Mungu, lazima tufanye nini?
9 Wala hamtakuwamo matengenezo yo yote yenye kupoteza watu. Tumekwisha kujifunza kutokana na Biblia kwamba si dini zote zinakubaliwa na Mungu. Basi tusishangazwe kwamba dini iliyojengwa juu ya uongo itaharibiwa. Hata ijapokuwa tengenezo la kidini lina majengo mazuri na utaratibu wa kanuni za dini wenye mapambo, ikiwa halifundishi kweli juu ya Mungu kwa kweli linatumikia kusudi la adui wa Mungu, Shetani Ibilisi. (1 Wakorintho 10:20; 2 Wakorintho 11:13-15) Hata ijapokuwa linatumia Neno la Mungu kwa kiasi fulani, ikiwa linatafuta kuwa sehemu ya ulimwengu kwa kushiriki katika mambo ya kilimwengu, ndipo kama Biblia hutangaza, huwa “adui wa Mungu.” (Yakobo 4:4; Yohana 15:19) Je! tunataka kuhesabiwa miongoni mwa adui za Mungu? Ikiwa sivyo, ni juu yetu kuthibitisha kwa Mungu sa-sa kwamba sisi hatuko shirika nao, kwamba tunapendezwa tu katika kweli na ya kwamba sisi wenyewe tunafuata ibada “iliyo safi, isiyo na taka mbele za Mungu Baba.”—Yakobo 1:27.
10. (a) Kwa nini Mungu ataiharibu taratibu nzima ya kisiasa duniani? (b) Basi, sisi kila mtu tunatakiwa kufanya uamuzi gani?
10 Pia iliyoandikiwa kuharibiwa ni taratibu ya siasa ambayo imewadhulumu sana wanadamu. Kama vile funzo lo lote la historia hufunua, taratibu hii ina maandishi yenye umwagaji wa damu na yenye kushika mamlaka kwa choyo. Kwa kufaa, Neno la Mungu hulinganisha mpango mzima wa siasa duniani kwa “mnyama,” na linaeleza kwa nini serikali zimedhihirisha tabia za kinyama. Linatuambia kwamba Shetani Ibilisi, “joka,” ametoa kwa serikali za kilimwengu mamlaka yao na ya kwamba wao hufanya kazi chini ya utawala wake. (Ufunuo 13:2; Danieli 8:20, 21; Luka 4:5-8) Mungu hufanya habari hii kupatikana kwetu ili tuweze kuamua kwa akili kwamba tutakuwa na lo lote la kufanya na mambo ya kisiasa ya ulimwengu ama sivyo. Pia Mungu hutupasha sisi habari jambo ambalo yeye atafanya. Katika Danieli 2:44 ye-ye husema habari ya wakati “Mungu wa mbinguni atausimamisha ufalme ambao hautaangamizwa milele.” Hilo lilitukia katika mwaka wa 1914 C.E. Lakini, kwa habari ya tendo ambalo ufalme wa Mungu utachukua katika wakati ujao ulio karibu, katika vita ya HarMagedoni, yeye huendelea kusema: “Utavunja falme hizi [zilizopo wakati wa mwisho] zote vipande vipande na kuziharibu, nao utasimama milele na milele.” —Tazama pia Ufunuo 16:14, 16; 19:17-21.
11. (a) Sehemu ionekanayo ya taratibu hii mbovu itakapokwisha kuvunjwa-vunjwa, Mungu atamgeukia nani? (b) Jinsi gani hili husimuliwa katika Ufunuo 20:1-3?
11 Taratibu nzima ionekanayo ya Shetani itakapokwisha kuvunjwa-vunjwa, jambo la pili Yehova atamgeukia Shetani Ibilisi, mungu wa taratibu hii mbovu. Yeye atamvunja-vunja Shetani, naye atafanya hivi karibuni. (2 Wakorintho 4:4; Warumi 16:20) Wa-kati ambao Ibilisi alipofukuzwa kutoka mbinguni baada ya kusimamishwa kwa Ufalme katika mwaka wa 1914, Shetani alijua kwamba yeye alikuwa ana “wakati mchache tu.” (Ufunuo 12:12) Sasa wakati huo ni mfupi hata zaidi. Karibuni njozi ya unabii iliyoandikwa katika Ufunuo 20:1-3 itatimizwa: “Nikaona malaika akishuka kutoka mbinguni, mwenye ufunguo wa kuzimu, na mnyororo mkubwa mkononi mwake. Akamshika yule joka, yule nyoka wa zamani, ambaye ni Ibilisi na Shetani, . . . akamtupa katika kuzimu, akamfunga, akatia muhuri juu yake.” Hivyo Shetani, pamoja na malaika zake, wataondolewa. Uongozi wao utatoweka. Taratibu hii mbovu iliyopo ya mambo, katika sehemu zake zote, itakuwa imekuja kwenye mwisho wake.
12. (a) Je! Wakristo wa kweli watakuwa na sehemu yo yote katika uharibifu huo? Ni nani ambaye Mungu atamtumia kwa kufikiliza hukumu? (b) Wakati mateso yanaelekezwa juu yao, jinsi gani imewapasa watumishi wa Mungu kuitikia?
12 Wakristo wa kweli hapa duniani hawatakuwa na sehemu katika uharibifu huo. Ni vita ya Mungu. Yeye atayatumia majeshi ya kimalaika chini ya Kristo kutimiza ufishaji. Yeye pia ataifanya sehemu moja ya tengenezo lionekanalo la Shetani kuigeukia sehemu nyingine katika chuki yenye jeuri. Lakini watumishi wa Yehova hawatajiunga katika jeuri. ( Wakorintho 10:3, 4) Hata ijapokuwa mateso yanaelekezwa juu yao, haiwapasi kurudisha kwa kutafuta kulipiza kisasi juu ya watawala au kujaribu kupindua serikali. Wao humngojea Mungu. “Wapenzi, msijilipize kisasi, bali ipisheni ghadhabu ya Mungu; maana imeandikwa, Kisasi ni juu yangu mimi; mimi nitalipa, anena [Yehova].”—Warumi 12:19.
KITU AMBACHO HAKITAKOMA KAMWE
13. Je! dunia itaharibiwa wakati taratibu hii itakapokoma?
13 Mwisho wa taratibu hii ya mambo hautakuwa mwisho kwa dunia hii ya sayari. Neno la Mungu mwenyewe huhakikisha: “Dunia hudumu daima.” “Ye-ye ameiweka dunia juu ya mahali pake palipoima-rishwa; haitafanywa kutikisika kwa wakati usiojulikana, au milele.” (Mhubiri 1:4; Zaburi 104:5, NW) Si dunia iliyo na kosa, bali ni taratibu mbovu iliyo juu yake ndiyo yenye kosa.
14. Ni aina gani ya watu watakaotoweka, lakini ni nani watakaobaki?
14 Tena, si uhai wote wa kibinadamu utakoma. “Wasiomcha Mungu” ndio wataharibiwa. (2 Petro 3:7) Watu ambao wamo katika ulimwengu usiosadiki ndio watakaotoweka. Lakini, baada ya kusema hili, 1 Yohana 2:17 huongeza: “Yeye afanyaye mapenzi ya Mungu adumu hata milele.” Ilikuwa kwa sababu ya kuwezesha hilo kwamba Yesu Kristo akautoa uhai wake kwa ajili ya wanadamu.—Waebrania 5:9.
15. Ili kuokoka mwisho wa taratibu hii mbovu na kuishi katika taratibu mpya ya Mungu, lazima tufanye nini sasa?
15 Kwa waokokaji wa mwisho wa taratibu hii mbovu ya mambo kuna taraja la ajabu la uzima wa milele chini ya ufalme wa haki wa Mungu. Je! wewe utakuwa mmoja wao? Huenda ukawa. Lakini, ikiwa ndivyo, lazima ‘ufanye bidii’ sasa, ili Neno la Mungu litavuta sana maisha yako yote. (2 Petro 3:13, 14; Warumi 12:1, 2) Jinsi tuwezavyo kuwa wenye shukrani kwamba Yehova, katika upendo na rehema yake, amefanya mpango kwa kuokoka!
[Picha katika ukurasa wa 95]
KATIKA KIZAZI KIMOJA
1914
MWISHO WA TARATIBU MBOVU
Ongezeko la uasi wa sheria.
Taifa juu ya taifa.
Matetemeko ya dunia
Upungufu wa chakula
Huzuni ya mataifa, wasijue njia ya kutokea.
Nyakati za hatari.
akutokutii wazazi.
wasiotaka kufanya makubaliano yoyote.
wanaume bila-kujizuia.
“SIKU ZA MWISHO”