Ujitoaji Kimungu​—Una Manufaa kwa Mambo Yote

MASHAHIDI wa Yehova wajua kwamba “ujitoaji kimungu una manufaa kwa mambo yote” na ni muhimu kwa ibada ya kweli. (1 Timotheo 4:8) Bila huo, dini ni kufuata kawaida ya kidesturi tu. Kwa hiyo “ujitoaji kimungu” lilikuwa jina lenye kufaa sana mfululizo wao wa mikusanyiko ya wilaya iliyoanza Juni uliopita.

Katika Agosti mitatu ya mikusanyiko hiyo ilifanywa katika Polandi kukiwa kumetangulia kuwa na matukio yenye shangwe. Yalifanyika baada ya Mashahidi wa Yehova kuwa wamepewa utambuzi rasmi katika Mei. (Ili upate ripoti yenye maelezo marefu kuhusu mikusanyiko ya Kipolandi, ona Amkeni! ya Desemba 22, 1989.) Acheni tuipitie hapa programu ya mkusanyiko kama ilivyotolewa katika Polandi.

Piątek w Poznaniu (Ijumaa Katika Poznan)

Wakiwa wanadai chakula na uhuru, waandamanaji 50,000 walifanya fujo katika Poznan katika Juni 1956. Hiyo ikatokeza kufa kwa watu 50 na kuundwa kwa serikali mpya ya Kipolandi. Kwa utofautiano mkubwa kabisa, miaka 33 baadaye, katika hali yenye utele wa chakula cha kiroho na uhuru wa Kikristo, Wakristo wenye amani walikutana wasikie hotuba juu ya “Kutumikia Mungu Mwenye Kusisitizia Ujitoaji Usiotia Ndani Wengine,” kichwa cha Ijumaa. Kilele cha watu 40,442 walikusanyika huko Jumapili.

Baada ya hotuba ya mwenyekiti ya kukaribisha na hoji moja pamoja na watu wenye “Kuongoza Maisha Pamoja na Ujitoaji Kimungu Uliojaa,” mashauri yenye mafaa yalitolewa katika ile hotuba “Epuka Midomo ya Maumizo.” Ni rahisi kama nini maongeo ya kipuuzi kugeuka yawe porojo yenye maumizo! Na porojo yenye kudhuru yaweza kuongoza kwenye uchongezi wenye kufisha. Lakini kabla ya kuongea kuhusu watu wengine Wakristo wakomavu, wakiwa na hamu nyingi ya kuhifadhi amani na umoja, hujiuliza wenyewe kwa hekima hivi: ‘Je! Yesu angalisema jambo hili? Je! lahitaji kusemwa? Je! litajenga? Sababu yangu ya kulisema ni nini?’

Jambo lisilo na kifani kuhusu mikusanyiko katika Polandi lilikuwa wakati uliowekwa kando kila siku ili kusikia ripoti zenye kutolewa na Mashahidi kutoka mabara mengine. Maono yenye kusimuliwa na wajumbe wenye kuwakilisha mataifa 24 tofauti-tofauti yalikazia ukweli wa kwamba hapa ilikuwapo jamaa ya kimataifa yenye kuungamana kikweli kwa utambuzi wa uhakika wa kwamba “Yehova Husisitizia Ujitoaji Usiotia Ndani Wengine.” Kwa kuwa Mungu astahiki kupokea ujitoaji huo, ni lazima watumishi wake wawe wasiogawanyika katika shauku na ibada. Kielelezo cha Yesu chatoa kielezi cha kwamba ujitoaji kimungu hauwezi kamwe kamwe kuwa wa moyo nusunusu.

Ujitoaji kimungu wahusisha ndani kila jambo tufanyalo. Hivyo, zungumzo lenye sehemu tatu liliwapa Wakristo onyo la kwamba “Epuka Kuacha Njia” katika maeneo ya chakula na kinywaji, mavazi na kujipamba, na vitumbuizo. Ulafi na ulevi ni namna za pupa ambazo hufanya hisia za kiroho zisinzie, husababisha matatizo ya kiafya, huanzisha mwenendo mbaya, na kuongoza kwenye aksidenti (misiba). Mitindo ya kuruka mipaka katika mavazi​—yasiyo ya kiasi, ya kiajabu-ajabu, yasiyopatana na mapendezi ya kawaida ya watu, au hata yenye kushtusha​—ni lazima yaepukwe. Nguo za kizembe, za ustarehe wa kupita kiasi, au nguo zenye kubana hazifai. Suala si kama mtindo fulani ndio au sio wa kisasa, bali kama wamfaa mhudumu wa Mungu. Na vitumbuizo ambavyo vina alama za uasi, jeuri, dawa za kulevya, mafumbo yenye kuhusiana na roho wabaya, au ukosefu wa adili haviwapasi Wakristo.​—Wafilipi 1:27.

Programu ya alasiri ya Ijumaa ilianza kwa ile hotuba “‘Mtumwa Mwenye Imani’ na Baraza Linaloongoza Lake.” Yehova hugawia-gawia watu mamlaka akiwa na uhakika juu ya uaminifu-mshikamanifu wa viumbe wake wenye imani. Ndivyo na Mwana wake. Kutoka miongoni mwa wafuasi wake wapakwa-mafuta, “mtumwa mwenye imani na mwenye busara,” yeye amechagua wachache watumikie wakiwa baraza linaloongoza lenye kuonekana. (Mathayo 24:45, NW) Katika karne ya kwanza, kikundi hiki kilijumlika kuwa hivyo kutokana na mitume na wanaume wazee wengine kadhaa katika Yerusalemu.

Katika nyakati za ki-siku-hizi Baraza Linaloongoza limetambulishwa kwa ukaribu pamoja na kikoa cha wahariri wa Sosaiti ya Mnara wa Mlinzi na baraza la wakurugenzi wayo. Lakini, Baraza Linaloongoza latofautiana na shirika hilo la kisheria, kama vile mnenaji alivyoonyesha wazi: “Kwa kuwa shirika lipo kulingana na sheria tu, likiwa na makao makuu yaliyokazika mahali pamoja pa kijiografia, laweza kuvunjwa na Kaisari, Serikali.” Lakini hawezi kuvunja Baraza Linaloongoza, ambalo ni chombo cha kisheria lakini washirika walo ‘huwekwa kupitia roho takatifu chini ya mwelekezo wa Yehova na Kristo.’ Hivyo, Baraza Linaloongoza laendelea kufanya kazi na kupokea tegemezo kamili la Mashahidi wa Yehova ulimwenguni pote.

Mikusanyiko ya Kipolandi ilihudhuriwa na washirika 5 wa Baraza Linaloongoza lenye wanaume 12 wanaotumikia sasa. Mmoja wao alitoa hotuba ya msingi, “Sababu ya Kujifunza Siri Takatifu ya Ujitoaji Kimungu.” Humo ilisemwa kwamba ile siri ya ujitoaji kimungu si siri tena, kwa kuwa ‘ilikuja kudhihirishwa katika utu wa Yesu.’ Mnenaji alizungumza nyuso sita za siri takatifu hii iliyotajwa kwenye 1 Timotheo 3:16, NW, na akataarifu hivi: “Uthamini wetu kwa ile siri takatifu ya ujitoaji kimungu wapasa utuongoze sikuzote kufuata hatua za Yesu kwa ukaribu.”

Mifululizo miwili ya hotuba ilielewesha wazi kwamba ujitoaji kimungu watakwa kwa vijana na wazee kadhalika. Wazazi wana daraka la kuwapa watoto wao urithi wa kiroho kwa kuwafundisha kusitawisha hisia ifaayo kuhusu mambo yaliyo sawa na yaliyo makosa. Funzo la jamaa lenye umaana, kutia na zungumzo lenye kuhusu matatizo halisi ya utotoni, ni la lazima. Wakiwa chonjo sikuzote kuona viishara vya hatari, ni lazima wazazi walinde watoto wao na ushirika usioleta mafaa, hata ndani ya kundi.

Kwa upande ule mwingine, ikiwa vijana wataishi maisha zenye kuthawabisha, ni lazima wategemee Kristo, ambaye ‘aliwaachia kiolezo ili wafuate hatua zake kwa ukaribu.’ (1 Petro 2:21, NW) Kwa kufaa, wao waliulizwa hivi: ‘Ikiwa wewe ulilelewa katika ukweli, wajua kile ambacho wakiamini, lakini je! wewe wajua ni kwa nini wakiamini?’ Walitiwa moyo kufanya ukweli uwe mali yao wenyewe kwa kujithibitishia wenyewe kwamba Biblia ni Neno la Mungu na kwamba kwa kweli Mashahidi wa Yehova ndio wenye ukweli.

Katika nchi nyingi zungumzo hili lilifikishwa kwenye upeo kwa kutolewa kile kitabu kipya cha kurasa 320 Questions Young People Ask​—Answers That Work. (Tafadhali ona sanduku ambalo laambata likisema, “‘Zawadi Kutoka kwa Yehova’ kwa Ajili ya Vijana.”) Yatumainiwa kwamba siku fulani vijana katika Polandi na nchi nyingine za Ulaya ya Mashariki wataweza kunufaika pia kutokana na mashauri mazuri sana yaliyo katika kichapo hiki, kwa kukisoma katika lugha yao wenyewe.

Sobota w Chorzowie (Jumamosi Katika Chorzów)

Chorzow ni kitovu chenye viwanda katikati ya nyanja za makaa-mawe za kusini mwa Polandi. Migodi ya makaa-mawe ya Silesia yamaanisha pato la kiuchumi kwa eneo hilo. Lakini kichwa kikuu cha mazungumzo miongoni mwa wale watu 65,710 kwenye Stediamu ya Slaski Agosti uliopita yalikuwa juu ya pato la aina kubwa zaidi.

“Ujitoaji Kimungu Humaanisha Pato Kubwa,” kikiwa ndicho kichwa cha Jumamosi, kikafanyiwa uelezaji na mnenaji wa kwanza kwenye kipindi cha alasiri. (1 Timotheo 6:6, NW) Yenye kukazia ukweli wa maneno ya mnenaji yalikuwa mahoji pamoja na watu mmoja mmoja waliokuwa wamejionea pato kubwa katika maisha zao wenyewe kwa kufuatia ujitoaji kimungu.

Wakati wa programu ya asubuhi, uhakika huu ulikuwa umekwisha kaziwa katika mfululizo mmoja. “Kwa Kusoma [Neno la Mungu] Kikawaida Ukiwa na Ufahamu,” huku tukichunguza kindani maana ya jambo tusomalo, na kufikiria kwa sala jinsi ya kutumia mambo ambayo twajifunza, sisi Wakristo twaweza kufuatia ujitoaji kimungu “Kwa Kuacha Daima Nuru Yetu Ing’ae.” (Yoshua 1:8) Ilisemwa kwamba kama kila mmoja wa Mashahidi wa Yehova katika sehemu zote za ulimwengu angetumia dakika 15 kwa siku akiongea na wengine kivivi-hivi, saa za ziada milioni 327 zingeweza kutumiwa kila mwaka katika utendaji wa kuhubiri Ufalme.

Ujitoaji kimungu hufuatiwa pia “Kwa Kukinza Kishawishi.” Vitu kama chakula, kinywaji, ngono, au pesa, ingawa hivyo vyenyewe tu si vibaya, vyaweza kuwa viovu chini ya hali zisizofaa. Njia ya ulinzi ni mtu kuepuka kujifichua ovyo yeye mwenyewe ili apatwe na ufuatiaji wa vitu vya kimwili, ponografia, dawa za kulevya, na ulevi wa ulimwengu, na pia ujishughulisho wao wa anasa, kama vile muziki, michezo, na mambo ya starehe za kijamii. Sala ni muhimu. Ni lazima Wakristo wajifunze kuchukia lililo baya. Yafaa kufanya hivyo, kwa kuwa mnenaji aliyefuata alionyesha wazi kwamba yawapasa wao “Kutoishi Tena kwa Ajili ya Penzi la Mwanadamu Bali la Mungu.”

Watu zaidi na zaidi wanaamua kufanya lilo hilo. Hiyo ilionekana wazi wakati Mashahidi wapya 2,663 walipoonyesha peupe azimio lao la “Fuatieni Ujitoaji Kimungu Mkiwa Wakristo Walio Wakfu na Waliobatizwa.” (Kwenye mikusanyiko yote mitatu katika Polandi, wenye kubatizwa walijumlika kuwa 6,093.) Ili kudumisha shangwe katika utumishi wa Yehova, wale walio karibu kubatizwa walitiwa moyo watafakari juu ya sababu nyingi za kuwa wenye shangwe: urafiki wa Yehova, udugu wao wa ulimwenguni pote, na tumaini la uhai katika Paradiso.

Ujitiisho wa Kikristo ulitokezwa kwa mazungumzo katika ile hotuba: “Kudhihirisha Vitendo vya Ujitoaji Kimungu​—Kama Wanaume Chini ya Ukichwa wa Kristo.” Wanaume wanaojizoeza ujitoaji kimungu watatunza wajibu wa kijamaa kwa njia ya upendo, iliyo kama ya Kristo. “Kama Wanawake Wanaoonyesha Utiisho Unaofaa,” dada zetu Wakristo watakuwa wenye kuunga mkono, wala si kutolea kichwa cha jamaa uvutano mbaya wala kuacha misisimuko ya hisia-moyo iwaelekeze vibaya kufanya maamuzi yasiyo ya hekima. “Kama Watoto Wanaotii Wazazi,” walio na umri mchanga zaidi watajifunza kutii, kutoa maelezo mikutanoni, na kushiriki katika huduma ya Kikristo.

Lo, shauri zuri kama nini! Hata hivyo, dini bandia imeshindwa vibaya kama nini kutoa mwongozo huo ufaao! Kwa kushindwa hivyo, yastahili laana kali, na hilo ndilo jambo lililofuata katika ile hotuba “Kufichua ‘Mtu wa Kuasi’ Sheria.’ “Mtu huyo wa kifumbo alitambulishwa kuwa “‘mtu’ zaidi ya mmoja, makasisi wote wa kidini wa Jumuiya ya Wakristo iliyokengeuka [iliyoasi imani].” Wakiwa na sifa mbaya sana ya kunyanyasa watumishi wa Mungu, sasa makasisi wameungwa na “wakengeuki [waasi-imani] wa ki-siku-hizi, ambao hapo kwanza walidai kuwa Mashahidi, [lakini ambao] wamekuwa wakirudia matapiko ya kimafundisho ya Jumuiya ya Wakristo na wameshirikiana na walevi wa kiroho wa Babuloni Mkubwa katika kupiga na kushambulia jamii ya mtumwa mwenye imani na mwenye busara wa Yehova.” Makofi yalionyesha kukubali wakati mnenaji alipokuwa akijulisha wazi hivi: “Sisi tutaendelea kufichua Babuloni Mkubwa na ‘mtu wa kuasi’ sheria wake.”

Hiyo yataka ujasiri, hasa kwenye wakati ambapo, kulingana na M. G. Henschel, mshirika wa Baraza Linaloongoza, watu walio wengi “wanamgeuzia Mungu kisogo na Neno lake, Biblia.” Ingawa “staha kwa Biblia imeshuka sana leo kuliko wakati mwingine wowote,” Biblia imebaki ikisimama baada ya kutahiniwa kwa muda mwingi. Mnenaji alitoa hoja ya kwamba “hakuna kitabu kilichotokezwa na binadamu tu kingeweza kuzungumzia pande tofauti-tofauti nyingi sana za maisha na kiwe na ufahamu wenye kina sana na sahihi kwa upatani sana.” Alijulisha wazi kwamba “Mashahidi wa Yehova wanaruhusu Neno la Mungu litumie nguvu maishani mwao [na] udugu wa kimataifa wa Wakristo wa kweli unaotokea ni ushuhuda wenye nguvu kwamba Biblia ni Neno la Mungu lililovuviwa.” Siku hiyo ilifikia upeo wenye upendezo mwingi kwa tangazo la kile kitabu kipya The Bible​—God’s Word or Man’s?, kilichotolewa katika lugha kadhaa.

Niedziela w Warszawie (Jumapili Katika Warsaw)

Wenye kuzuru Warsaw kwa ujumla huenda kuona kumbukumbu fulani ambayo ni alama ya kuonyesha uwanja wa ile Ghetto ya Warsaw yenye sifa mbaya sana, ambapo Wanazi walisongamanisha mamia ya maelfu ya Wayahudi waliotiwa alama ili watokomezwe kabisa wakati wa Vita ya Ulimwengu 2. Hata hivyo, siku ya Agosti 13 watu 60,366 walifurika katika Stediamu ya X-Lecia iliyo mwendo wa dakika chache tu kwa gari ili wasikie mawazo kuhusu “Kataa Katakata Kutoamini Mungu Uishi na Ujitoaji Kimungu,” kichwa cha Jumapili.​—Tito 2:12, NW.

Kuishi kwa ujitoaji kimungu hukataza wazi kudhihirisha roho ya kujitegemea ya kilimwengu. Ile drama ya maisha halisi “Jitiisheni Wenyewe kwa Yehova,” iliyotolewa kwa idili iliyo asili ya Wapolandi, ilikazia mabadiliko muhimu ambayo ni lazima Wakristo wafanye ili wapokee kibali cha Mungu.

Mshirika mmoja wa Baraza Linaloongoza alinukuu 1 Wakorintho 8:6, ambayo husema: “Kwetu sisi Mungu ni mmoja tu, aliye Baba.” Alisema kwamba fundisho kuu la Ukristo si Utatu, kama vile wengi hudai, bali ni kutetewa kwa Yehova ambako kutafanywa na Ufalme wake kupitia Kristo. “Fundisho la Utatu ni ukengeuko kutoka kwenye ukweli, kuasi imani kwa kuuacha ukweli huo,” yeye akaeleza. Hivyo, watu ambao humwita Mariamu mama ya Mungu na Mpatanishi-Mke kati ya Mungu na mwanadamu ‘hawashiki Mungu katika maarifa sahihi.’ (Warumi 1:28, NW) Kulingana na hilo, “kuabudu Mungu ifaavyo kwamaanisha kukataa fundisho la Utatu.” Makofi yalipigwa ilipotolewa broshua ya kurasa 32, Czy wierzyć w Trójcę? (Je! Yakupasa Uamini Utatu?) Lo, chombo kizuri kama nini cha kufichulia ubandia wa fundisho hili lenye kuvunjia Mungu heshima!

Ukombozi haukuja kamwe kwa majeruhi waliopatwa na msiba kule Warsaw Ghetto. Lakini ahadi ya Mungu, kama ilivyoelezwa katika mhadhara wa watu wote, ni kwamba “Ukombozi Wakaribia kwa Ajili ya Watu wa Ujitoaji Kimungu!” (2 Petro 2:9, NW) Ndivyo ilivyo ingawa Wakristo ni majeruhi wa jeuri maradufu​—ile aina ya kila siku na ile yenye kuelekezwa dhidi yao kwa namna ya mnyanyaso. Akiomba kwamba kila mtu ajichunguze mwenyewe, mnenaji alikazia kwamba “ukombozi ni kwa ajili ya wale tu walio watu wa ujitoaji kimungu, ambao ujitoaji wao ni wa kweli, wale ambao utii wao ni wonyesho wa uaminifu-mshikamanifu.”

Baada ya kikumbusho cha mwisho “Iweni Wenye Kuwaka Roho,” mkusanyiko ukamalizika kwa utoaji wenye kuchochea kuhusu kichwa “Mazoezi Yetu Yenye Kuendelea Pamoja na Ujitoaji Kimungu Ni Yenye Manufaa.” Ndipo wakusanyikaji wakafungua vitabu vyao vipya vya nyimbo kwa Kipolandi, ambavyo vilikuwa vimetoka kwenye matbaa za uchapaji majuma machache tu mapema kidogo, nao wakatoa kwa muungamano “Sala ya Shukrani” kwa namna ya wimbo 45.

Sala ya kufunga yenye juhudi motomoto ikafuata, halafu kukafoka makofi ya mngurumo. Kule Warsaw (kama kule Poznan na Chorzow) makofi yalipigwa kwa nguvu sana na makumi ya maelfu ya mikono, wimbi baada ya wimbi la makofi likirudiwa-rudiwa kwa kishindo kwa muda wa dakika 15 hivi. Hakuna mtu aliyetaka kuondoka, na msimamo huo wenye ushangilio mwingi, ambao ulionyesha sana mchachawo wa umati mkubwa huu wa Mashahidi, ambao wengi zaidi ya mia moja elfu walikuwa wakihudhuria mkusanyiko wao wa kwanza wa siku tatu, kwa njia yenye kutazamisha ulionyesha shukrani zao kwa Yehova na tengenezo lake. Ilikuwa kana kwamba ni kuitikia Zaburi 47:1, 2: “Enyi watu wote, pigeni makofi, mpigieni Mungu kelele kwa sauti ya shangwe. Kwa kuwa Bwana [Yehova, NW] Aliye juu, mwenye kuogofya, ndiye mfalme juu ya dunia yote.” Huku moja la matukio yaliyo makubwa zaidi katika historia ya ki-siku-hizi ya Mashahidi wa Yehova ikikaribia mwisho, ndugu hao wenye moyo wa bidii walijitayarisha kufunga safari makwao, mioyo yao ikiwa inafurikwa na furaha na kupiga moyo konde waharakishe mwendo wa kazi kubwa ya kutoa ushahidi kuhusu Ufalme kupatana na kielelezo cha Yesu chenye thamani kubwa cha ujitoaji kimungu.

[Sanduku katika ukurasa wa 27]

Vitolewa Vipya Vyachochea Kwenye ‘Matendo ya Ujitoaji Kimungu’

Kile kitabu kipya The Bible​—God’s Word or Man’s? na ile broshua Should You Believe in the Trinity? vyote viwili vilitokeza maneno mengi ya uthamini. Dada mmoja aandika hivi kuhusu ile broshua Trinity: “Mimi nastaajabu, nasisimuka, na kupendezwa sana nayo Asanteni kwa wakati, nishati, na kazi kubwa ajabu iliyofanywa katika kuchapa kichapo hiki kizuri sana.”

Dada mwingine bado aliandika hivi kuhusu kitabu The Bible​—God’s Word or Man’s?: “Mimi nataka kuwatolea nyinyi asante kutoka kwenye kina cha moyo wangu kwa ajili ya kitabu hiki kipya kizuri sana. Mimi najiuliza kwamba, je! kwa kweli nyinyi hata mwang’amua hii ni sanaa nzuri kama nini? Mara nyingi mimi huwa nikipiga mstari chini ya maneno yaliyo ya maana sana. Lakini nyinyi mmemweza kwa sababu ki-i-ila neno ni la maana sana Sasa tu ndiyo nimemaliza sura ya 5, lakini nikalazimika kusema asante.”

[Sanduku katika ukurasa wa 30]

‘Zawadi Kutoka kwa Yehova’ kwa Ajili ya Vijana

Sehemu ya kutokeza kwenye mikusanyiko katika United States na mabara mengine mengi ilikuwa kipindi cha Ijumaa alasiri, wakati vijana wa kati ya umri wa miaka 10 na 19 walipoombwa waketi katika kisehemu kilichowekwa akiba. Baada ya mfululizo wa hotuba za pekee, kila mmoja alipewa nakala ya bure ya kile kitabu kipya Ouestions Young People Ask​—Answers That Work. Ulimwenguni pote, nakala kama 8,840,000 zilitolewa katika lugha 21, na mamia ya barua za uthamini zimepokewa!

“Kwenye makusanyiko yaliyotangulia, kumekuwako hotuba zenye kutolewa kwa vijana,” aandika kijana mmoja tineja, “lakini tokeo la kufanya sisi sote tuketi pamoja lilikuwa la kufurahisha ajabu “Kijana mwingine aandika hivi: “Mimi nilipata kuketi katika kile kisehemu kwa ajili ya vijana. Nilitiwa moyo sana na jambo hili hivi kwamba, tangu wakati huo, nimekuwa nikiandika mambo mikutanoni, nikijifunza zaidi, na kutoa maelezo. Mimi nafikiria kubatizwa kiangazi kifuatacho.”

Kwa vijana wengi, tukio hilo lilikuwa alama itakayokumbukwa daima. “Mnenaji alipotangaza kwamba sisi tungeketi katika kisehemu fulani cha pekee,” akumbuka msichana mmoja mchanga, “mimi nilijua jambo fulani kubwa lingetokea. Walipotangaza kutolewa kwa kitabu hicho, nilihisi nikiwa mwenye furaha sana hivi kwamba nikataka kulia. Sikuzote nilijua kwamba nyinyi mmekuwa mkitujali sisi vijana, lakini tukio hili ndilo lililoshindikiza jambo hilo ndani ya moyo wangu. Kitabu hiki ndicho kitu kile hasa tulichohitaji!”

“Kimeandikwa vizuri sana,” asema kijana ambaye jina lake ni Leah, “na picha zenyewe ni za mambo halisi na zafanya ufikiri kweli kweli.” Chapa za mkusanyiko za kitabu hicho zilikuwa na ujumbe mfupi kutoka kwa Baraza Linaloongoza ukiwa umeelekezwa “Kwa Mashahidi Wote Vijana wa Yehova “Niliguswa sana na maneno hayo ya pekee,” asema kijana Andrea. “Kwangu mimi yasikika ni kama mtu fulani ambaye Yehova amechagua akaishi pamoja naye mbinguni ndiye hasa anaongea na mimi!”

Wengi walithamini kwamba kitabu hicho kilitolewa kama zawadi. Akumbuka hivi mzazi mmoja: “Machozi yalinitoka. Akina ndugu, watano kati ya vijana hao walikuwa wangu, umri wa miaka 11 hadi 16. Pesa nilizokuwa nazo zilikuwa za kuchangia vitabu viwili tu.” Kijana ambaye jina lake ni Marko aandika hivi: “Nilianza kuhesabu-hesabu gharama ambayo ni lazima iwe ilitokea kwa kumpa kila kijana nakala, lakini ndipo nikang’amua kwamba mwongozo uliomo hauhesabiki bei. Kitabu kile kikisaidia kijana mmoja tu aliyepotoka arudie barabara iongozayo kwenye uhai, au kwa njia bora hata zaidi, kisaidie wengi wetu tukae katika barabara hiyo, hapo gharama yote ile ilistahiki kuwapo.”

Vijana wengi walianza kunufaika na kitabu hicho mara hiyo “Mimi nilihudhuria mkusanyiko wetu Julai 7-9,” asema kijana mmoja, “na kufikia Jumatatu, Julai 10, nikawa nimekimaliza!” Mwingine alisema: “Sura mbili za mwisho zilinitia moyo kweli kweli ili nianze kuchukua maisha yangu kwa uzito zaidi. Wakati mmoja nilikuwa nikikaribia kubatizwa lakini nikabadili nia. Sasa kwa kuwa nimepokea kichapo hiki kizuri ajabu, nang’amua kwamba ‘ulimwengu unapitilia mbali’ na kwamba nahitaji kuchukua hatua sasa.”

“Kwa sababu nyakati zimebadilika,” akaandika msichana mmoja mchanga, “sikuzote mimi nilifikiri watu wenye umri mkubwa zaidi hawajui jinsi sisi huhisi. Nyinyi hamjui jinsi mimi naterema kuona kwamba nimekosea kufikiri hivyo Uangalifu wenu kuelekea sisi vijana wanifanya nihisi kwamba mimi ni mtu wa maana” Kikundi cha vijana kutoka Sweden kiliandika hivi: “Sisi twahisi kwamba nyinyi mwatuelewa sisi vijana, nasi pia twahisi tukiwa karibu zaidi na nyinyi.”

Kijana mmoja alijumlisha yote hayo pamoja aliposema: “Mimi na ndugu na dada yangu tulikipenda kitabu hicho. Twahisi ni zawadi ya moja kwa moja kutoka kwa Yehova.” Ni sala yetu kwamba zawadi hii itaendelea kufanya kazi kwa kubariki vijana wanaohofu Mungu!

[Chati katika ukurasa wa 29]

Ujitoaji Kimungu Unaongezeka Katika Ulaya!

1979 1964 1989 1979 1984 1989

AUSTRIA 17,847 20,908 25,153 236 257 307

DENMARK 21,057 23,267 24,645 122 147 249

FINLAND 20,293 23,501 25,679 215 302 329

HISPANIA 62,201 84,706 115,981 1,278 1,521 2,935

ITALIA 117,163 169,328 240,041 2,515 3,769 6,295

LUXEMBOURG 1,141 1,327 3,131 8 12 61

NOROWEI 10,327 11,352 13,829 107 159 294

POLANDI — 94,134a 166,518 — 3,140b 6,093

SWEDEN 21,286 25,204 30,943 279 323 410

SWITZERLAND 14,455 17,457 23,867 130 225 349

UBELGIJI 23,185 28,456 30,622 234 248 429

UFARANSA 89,073 110,745 156,751 1,361 1,856 3,201

UHOLANZI 36,768 42,060 44,185 126 143 271

UINGEREZA 113,910 137,008 160,704 605 937 1,344

UJEREMANI 129,342 140,681 159,819 1,154 1,009 1,694

URENO 35,108 47,843 59,797 862 1,068 1,546

JUMLA 713,136 977,977 1,281,665 9,232 13,116 25,807

[Maelezo ya Chini]

[Picha katika ukurasa wa 26]

Kutolewa kwa broshua “Trinity” kulikuwa chanzo cha shangwe katika Warsaw

[Picha katika ukurasa wa 31]

Mashahidi waliojiweka wakfu karibuni wafuatia ujitoaji kimungu kwa kubatizwa katika Chorzów