Je! Wewe Wakumbuka?
Je! wewe umeona shangwe kusoma matoleo ya karibuni ya Mnara wa
Mlinzi? Basi, angalia kama waweza kujibu maswali yafuatayo:
▫ Tangu malaika wasiotii wawekwe Tartaro, hilo limemaanisha nini kwao? (2 Petro 2:4, NW)
Hawana mahali tena katika tengenezo takatifu la Yehova na sasa wametenganishwa na umulikaji wa kimungu. Hata hivyo, wangali wafanya kazi chini ya mwelekezo wa Shetani na waendelea kudumisha uhusiano wa karibu na binadamu, wakijaribu sana kudhibiti wanaume, wanawake, na hata watoto. (Ufunuo 12:12, 17)—4/15, ukurasa 14.
▫ Kwa nini ni jambo la muhimu ‘kuchukia yaliyo maovu’ machoni pa Yehova? (Zaburi 97:10)
Wale wanaochukia yaliyo maovu hawatatafuta njia za kujiingiza katika hayo. Kwa upande mwingine, watu wasioyachukia huenda wakajiepusha nayo kimwili na hali kiakili wanatamani wangeweza kushiriki mambo mabaya.—4/15, ukurasa 21.
▫ Katika kielezi cha Yesu cha talanta, ni somo gani lenye uzito linatolewa kwa wote wanaodai kuwa wafuasi wa Kristo? (Mathayo 25:14-30)
Ni lazima wafanye kazi kuongeza mali za Bwana-Mkubwa wao wa kimbingu kwa kushiriki kikamili katika kazi ya kuhubiri. Ndipo tu wanapoweza kuhakikishiwa pongezi ya Yesu na kuthawabishwa. Kwa njia hiyo wanaepuka kutupwa katika giza nje na hatimaye uharibifu.—5/1, ukurasa 9.
▫ Yesu alimaanisha nini alipowaambia wanafunzi wake wasali hivi: “Usitutie majaribuni”? (Mathayo 6:13)
Maneno hayo hayapasi kuchukuliwa kuwa yamaanisha kwamba Yehova hutushawishi tufanye dhambi. Badala yake, kama ilivyo, sisi, twaweza kumwuliza Yehova asiruhusu tuanguke tunaposhawishwa au kubanwa tukose kumtii yeye. Twaweza kutoa nasiha kwa Baba yetu aongoze hatua zetu ili kishawishi chochote kisitupate ambacho ni kikali mno kwetu kuweza kuvumilia. (1 Wakorintho 10:13)—5/15, ukurasa 19.
▫ Je! ni sawa kwa Mkristo kupokea sindano yenye kisehemu kidogo cha damu, kama vile globulini au albumini ya kinga ya mwili?
Kwa kuitikia sheria ya Mungu, Wakristo hawakubali kutiwa mishipani sehemu kubwa-kubwa za damu—plasma, chembe nyekundu, chembe nyeupe, au pletileti. Hata hivyo, baadhi ya Mashahidi wa Yehova wamehisi waweza kwa kudhamiria kupokea sindano ya mojawapo vishemu vidogo vya protini vya plasma. Yapendeza kwamba baadhi ya protini hizo hupita kiasili kutoka mkondo-damu wa mwanamke mwenye mimba hadi kwenye mkondo-damu ulio tofauti wa kiini-tete chake.—6/1, kurasa 30, 31.
▫ Ni kusudi gani lililotimizwa na Yesu kusafisha nyayo za wanafunzi kwenye Sikukuu-Kupitwa halali ya mwisho?
Yesu alikuwa akifunza wanafunzi wake somo la unyenyekevu. Hakuna anayepaswa kutafuta mahali pa kwanza, akifikiri kwamba yeye ni wa maana. Badala yake, wote wapaswa kufuata kielelezo cha Yesu na kuwa na nia ya kutumikiana bila upendeleo, hata kikazi hicho kiwe kisichopendeza au cha chini jinsi gani. (Yohana 13:12-17)—6/15, ukurasa 9.
▫ Ni katika maana gani Wayahudi katika Beroya ‘walichunguza sana’ Maandiko? (Matendo 17:11)
Si kwamba Waberoya walitilia shaka Paulo na ujumbe aliokuwa amewaletea, lakini wao walifanya utafiti ili kupata ithibati ya kwamba Yesu alikuwa Mesiya. Kwamba wengi wao walikuwa waamini yaonyesha kwamba madhumuni yao yalikuwa halisi. (Matendo 17:12)—6/15, ukurasa 18.
▫ “Chuo [kitabu, NW] cha BWANA [Yehova, NW] cha vita” kilikuwa nini? (Hesabu 21:14)
Hicho kilikuwa ni historia yenye kutegemeka ya vita vya Mungu kwa niaba ya watu wake. Yawezekana mwanzo wacho ulikuwa ni ushindi wa Abrahamu juu ya wavamia Bara la Ahadi wenye silaha kama ilivyorekodiwa katika Mwanzo sura ya 14. Upeo mtukufu wa kitabu hicho utakuwa ni “vita ya siku ile kuu ya Mungu Mwenyezi” kwenye Har–Magedoni. (Ufunuo 16:14, 16)—7/1, ukurasa 20, 22.
▫ Neno la Mungu, Biblia, hutusaidiaje kuvumilia maumivu?
Biblia hutuambia ni kwa nini Yehova ameruhusu maumivu, na pia yatuhakikishia kwamba maumivu yatakoma karibuni. (Warumi 5:12; Ufunuo 21:1-5)—7/15, kurasa 4, 5.
▫ Watu wa Mungu leo wawezaje ‘kurudisha utukufu wa Bwana [Yehova, NW] kama vile kioo’? (2 Wakorintho 3:18)
Utukufu wa Mungu hung’aa kupitia “nuru ya Injili [habari njema, NW] ya utukufu wake Kristo aliye sura yake Mungu.” Mashahidi wa Yehova hurudisha utukufu huo kwa kunena juu ya utukufu wa Yehova na utukufu wa Ufalme wake kupitia Mwana wake. (2 Wakorintho 4:4-6)—7/15, ukurasa 15, 16.
▫ Mtu apaswa kubatizwa lini?
Ubatizo ni hatua ya kuchukuliwa wakati mtu amejitoa wakfu kamili, bila kubakiza chochote, na usio na masharti kwa Yehova kupitia Kristo Yesu ili afanye mapenzi ya Mungu.—8/1, ukurasa 14.