Je! Wakumbuka?

Je! umefurahia kusoma matoleo ya karibuni ya Mnara wa Mlinzi? Ikiwa ndivyo, utaona kuwa ni jambo lenye kupendeza kukumbuka mambo yafuatayo:

▫ Kwa nini wapelelezi Waisraeli walichagua kukaa nyumbani mwa Rahabu yule kahaba?

Wapelelezi Waisraeli waliishi kulingana na Sheria ya Mungu, kwa hiyo hawakukaa nyumbani mwa Rahabu kwa sababu zisizo za kiadili. Huenda ikawa walisababu kwamba kuwapo kwao nyumbani mwa kahaba kusingeelekea sana kutilika shaka katika jiji hilo. Jambo la kwamba nyumba yake ilikuwa imejengwa ukutani mwa jiji lingeweza hurahisisha kutoroka kwao. Lakini zaidi ya yote, Yehova aliwaongoza kwa mtenda dhambi ambaye moyo wake ulikuwa umeathiriwa ifaavyo sana na zile ripoti juu ya jinsi Mungu alivyoshughulika na Waisraeli hivi kwamba alitubu na kubadili njia zake.—12/15, kurasa 24-5.

▫ Hasira huathirije afya yetu?

Uchunguzi mbalimbali waonyesha kwamba hasira hutokeza homoni za mkazo wa akili. Kuwaka mara kwa mara kwaweza kusababisha ukosefu wa usawaziko kati ya ule unamna-namna wa kolesteroli wenye kulinda na ule wenye kudhuru, hivyo tukiwa na hatari ya kupatwa na maradhi ya mishipa ya moyo.—12/15, ukurasa 32.

▫ Ni madokezo gani yatakayotusaidia tuongeze ugawaji wa magazeti ya Mnara wa Mlinzi na Amkeni!?

Uwe mwenye utambuzi juu ya Mnara wa Mlinzi na Amkeni!; fanya utoaji wako uwe sahili; uwe mwenye kunyumbulika kwa kutayarisha utoaji mfupi mchache; weka mradi wa kibinafsi.—1/1, kurasa 24-5.

▫ Kwa nini Musa ni kielelezo chema cha kitheokrasi cha kufuatwa na sisi?

Musa alitafuta mwongozo wa Yehova juu ya mambo. Hakuwa na tamaa za makubwa za kibinafsi lakini alihangaikia utukufu wa Yehova. Yeye alikuwa na imani yenye nguvu, na hakusahau kamwe kwamba Yehova alikuwa ndiye Mtawala halisi wa taifa la Israeli.—1/15, ukurasa 11.

▫ Ni nini baadhi ya njia ambazo ufundishaji wa kimungu hushinda?

Ufundishaji wa kimungu hushinda kwa kuwatolea watu wa Yehova uelewevu wa kweli wenye kuendelea hatua kwa hatua. Huwaleta watu katika nuru ya kiroho, na huwaonyesha wapole jinsi ya kumwabudu Mungu “katika roho na kweli.” (Yohana 4:24) Ufundishaji wa kimungu hushinda pia majaribu na ulimwengu mwovu.—2/1, kurasa 10-12.

▫ Ni nini ufunguo wa kutoa shauri kwa mafanikio?

Ufunguo ni staha ifaayo kwa yule mtu mwingine na haki yake ya kutendewa katika njia yenye heshima. Kwa hiyo, mshauri Mkristo apaswa awe mwenye fadhili na mwenye uthabiti lakini apaswa kumvika heshima yule anayepokea shauri.—2/1, ukurasa 28.

▫ Kanisa Katoliki la Roma lilikujaje kukubali kule Kuchukuliwa Mbinguni kwa Mariamu kuwa fundisho?

Katika karne za kwanza baada ya kifo cha Yesu, wazo la Kuchukuliwa Mbinguni kwa Mariamu halikujulikana hata kidogo na Wakristo. Hata hivyo, baada ya fundisho la Utatu kuwa fundisho rasmi la kanisa, Mariamu alipewa fungu la maana zaidi na zaidi. Fundisho la Kuchukuliwa Mbinguni kwa Mariamu halikukubaliwa kuwa fundisho hadi Novemba 1, 1950, wakati Papa Pius wa 12 alipotangaza hivi: “Twalifasili kuwa fundisho lililofunuliwa na Mungu.”—Munificentissimus Deus.—2/15, kurasa 26-7.

▫ Katika Yeremia sura ya 24, vile vikapu viwili vya tini, tini nzuri na zile zilizokuwa mbaya, viliwakilisha nini?

Tini nzuri ziliwakilisha wale Wayahudi waliochukuliwa mateka mwanzoni hadi utumwani Babiloni, ambao kutoka kwao baki lingerudi Yuda. Tini mbaya zilisimamia Mfalme Sedekia pamoja na wale waliokuwa naye walioasi dhidi ya Mfalme Nebukadreza ijapokuwa walikuwa wameapa katika jina la Mungu. Kulingana na hilo, twaona katika nyakati za ki-siku-hizi baki la Israeli wa kiroho, ambao wametokeza matunda mazuri maishani mwao, tofauti na makasisi wa Jumuiya ya Wakristo ambao wametokeza matunda yaliyooza.—3/1, kurasa 14-16.

▫ Wakwotodesimi walikuwa nani, na kwa nini wao ni jambo la kupendeza kwa Wakristo leo?

Baada ya wakati wa mitume, kulikuwa na wengine walioshika Mlo wa Jioni wa Bwana katika Nisani 14 kila mwaka, kwa kufuata kiolezo cha kimitume. Walikuja kujulikana kama “Wa-kumi-na-nne,” au Wakwotodesimi. Hilo ni jambo la kupendeza leo, kwani laonyesha kwamba hata baada ya mitume kufa, kulikuwa na wengine waliofuata mwendo uliofaa wa kuadhimisha kifo cha Yesu mara moja kwa mwaka katika Nisani 14.—3/15, kurasa 4-5.

▫ William Whiston alikuwa nani?

Alikuwa msomi mwenye ujuzi wa karne ya 18 katika Uingereza, mshirika wa karibu wa Sir Isaac Newton. Whiston alitafsiri Maandiko ya Kigiriki ya Kikristo, akapinga waziwazi fundisho la Utatu, na alikuwa mhadhiri wa elimu-anga na hesabu. Lakini yaelekea Whiston anakumbukwa zaidi kwa ajili ya kutafsiri kwake katika Kiingereza maandishi ya mwanahistoria Myahudi Flavio Yosefo.—3/15, kurasa 26-8.

▫ Mtu aliumbwaje kwa mfano wa Mungu? (Mwanzo 1:27)

Mtu aliumbwa akiwa na uwezo wa kuzoea sifa za Mungu zenye kutokeza za upendo, haki, hekima, na nguvu—pamoja na sifa nyinginezo.—4/1, ukurasa 25.