Maisha na Huduma ya Yesu

Wabarikiwa kwa Mafundisho Zaidi

WANAFUNZI ndipo tu wamepokea elezo juu ya mfano wa mpanzi. Lakini sasa wanataka kujifunza zaidi. “Eleza sisi,” wanaomba, “ule mfano wa yale magugu katika shamba.”

Lo! jinsi ulivyo tofauti mwelekeo wa wanafunzi na ule wa umati mwingine kwenye ufuo wa bahari! Watu hao wanakosa tamaa yenye shauku kujifunza maana ya mifano, wakitosheka na muhtasari tu wa mambo yaliyo katika mifano hiyo. Akitofautisha wasikilizaji hao kwenye ufuo wa bahari na wanafunzi wake wenye kutaka kujua, Yesu anasema:

“Kwa kipimo ambacho ninyi mnapima kwacho, ninyi mtapimiwa kwacho, ndiyo, ninyi mtakuwa na zaidi yakiongezwa kwenu.” Wanafunzi hao wanampimia Yesu kupendezwa kwenye shauku na kumkazia fikira na kwa hiyo wanabarikiwa kwa kupokea mafundisho zaidi. Hivyo, katika kujibu ulizo la wanafunzi wake, Yesu anaeleza hivi:

“Yule mpanzi wa mbegu nzuri ni Mwana wa mtu; shamba ni ulimwengu; kwa habari ya mbegu nzuri, hao ndio wana wa ufalme; bali magugu ni wana wa yule mwovu, na adui aliyeyapanda ni Ibilisi. Mavuno ni umalizio wa mfumo wa mambo, na wavunaji ni malaika.”

Baada ya kutambulisha kila sehemu ya mfano wake, Yesu anaeleza matokeo. Kwenye umalizio wa mfumo wa mambo, yeye asema, “Wavunaji,” au malaika, watatenganisha Wakristo wa bandia walio mfano wa magugu na wale “wana wa ule ufalme” wa kweli. Wale “wana wa yule mwovu” ndipo watakapotiwa alama kwa ajili ya uharibifu, lakini wale wana wa UfaIme wa Mungu, “wale waadilifu,” watang’aa kwa uangavu katika ule Ufalme wa Baba yao.

Kisha Yesu anawabariki wanafunzi wake wenye kutaka kujua kwa mifano mitatu zaidi. Kwanza, yeye asema: “UfaIme wa mbingu ni kama hazina iliyofichwa katika shamba, ambayo mtu mmoja aliipata na kuificha; na kwa ajili ya furaha aliyo nayo anaenda zake na kuuza vitu alivyo navyo na kununua shamba hilo.”

“Tena,” yeye anaendelea, “ule ufalme wa mbinguni ni kama mfanya biashara mwenye kusafiri atafutaye lulu nzuri. Akisha kupata lulu moja ya thamani ya juu, alienda zake na mara hiyo akauza vitu vyote alivyokuwa navyo akainunua.”

Yesu mwenyewe ni kama huyo mtu anayegundua hazina iliyofichwa na kama mfanya biashara huyo anayepata lulu ya thamani ya juu. Ilikuwa kama aliuza kila kitu, akaacha cheo chenye heshima katika mbingu awe mwanadamu wa chini. Kisha, akiwa mwanadamu duniani, anapatwa na mashutumu na mateso yenye chuki, alijithibitisha anafaa kuwa Mtawala wa Ufalme wa Mungu.

Mwito wenye ushindani unawekwa mbele ya wafuasi wa Yesu pia wauze kila kitu ili wapate thawabu nzuri ajabu ya kuwa ama mtawala mwenzi na Kristo au raia wa kidunia wa Ufalme. Je! sisi tutaona kuwa na ushirika katika Ufalme wa Mungu kuwa jambo fulani lenye thamani kubwa zaidi ya kila kitu kinginecho maishani, kuwa kama hazina ya bei kubwa au lulu yenye thamani kubwa?

Mwishowe, Yesu anafananisha “Ufalme wa mbingu” na wavu unaokusanya samaki wa kila aina. Wakati samaki wanapotenganishwa, wasiofaa kitu wanatupwa mbali lakini wale wazuri wanawekwa. Hivyo, Yesu asema, ndivyo itakavyokuwa katika umalizio wa mfumo wa mambo; wale malaika watatenganisha waovu kutoka kwa waadilifu, wakihifadhi waovu kwa ajili ya kuangamizwa kabisa.

Yesu mwenyewe anaanza kazi hiyo ya kuvua samaki, akiwaita wanafunzi wake wa kwanza wawe “wavuvi wa watu.” Chini ya uangalizi wa kimalaika, kazi hiyo ya kuvua inaendelea kupitia karne nyingi. Hatimaye wakati wafika wa kuvuta ule “wavu,” unaofananisha yale matengenezo duniani ya wanaojidai kuwa Wakristo.

Ingawa samaki wasiofaa wanatupwa kwenye uharibifu, kwa shukrani sisi tunaweza kuhesabiwa miongoni mwa wale ‘samaki wazuri’ wanaowekwa. Kwa kuonyesha tamaa yenye shauku kama ile ambayo wanafunzi wa Yesu walioonyesha ya kutaka maarifa na ufahamu zaidi, sisi tutabarikiwa si kwa kupewa mafundisho zaidi tu bali pia kwa kupewa baraka ya Mungu ya uzima wa milele. Mathayo 13:36-52, NW; 4:19; Marko 4:24, 25.

♦ Wanafunzi wanatofautianaje na umati kwenye ufuo wa bahari?

♦ Ni nani au ni nini kinachowakilishwa na mpanzi, shamba, mbegu nzuri, adui, mavuno, na wavunaji?

♦ Ni mifano gani mitatu zaidi aliyotoa Yesu, na tunaweza kujifunza nini kutokana nayo?