Sanduku La Swali

◼ Je, lingali jambo linalofaa kuongoza funzo la Biblia nyumbani na ndugu au dada asiyetenda kwa mwelekezo wa mmoja wa washiriki wa Halmashauri ya Utumishi ya Kutaniko?

Wazee wana daraka la kulichunga kutaniko, kutia ndani washiriki wowote ambao wamekuwa wasiotenda. Wao hutembelea watu hao na kuona ni usaidizi gani wa kibinafsi wanaohitaji. Panapofaa, huo waweza kutia ndani kumpa asiyetenda manufaa ya funzo la Biblia la kibinafsi. Kitabu Tumefanywa Tengenezo Tutimize Huduma Yetu, ukurasa wa 103, hueleza kwamba Halmashauri ya Utumishi ya Kutaniko itaamua ni nani awezaye kunufaika na uandalizi huo.

Mwangalizi wa utumishi huamua ni nani awezaye kutoa usaidizi huo vizuri zaidi, ni mambo gani ya kujifunza, na kichapo ambacho kitafaa zaidi. Labda yule aliyejifunza na mtu huyo mwanzoni au mtu ambaye amemjua na kumstahi angefaa kumsaidia. Dada mwenye uwezo na aliye mkomavu huenda akaombwa amsaidie dada asiyetenda. Kwa kawaida haingekuwa lazima mhubiri mwingine aandamane na yule aliyegawiwa kuliongoza funzo hilo. Anapogawiwa, mhubiri anayeongoza funzo anaweza kuhesabu wakati, ziara za kurudia, na funzo.—Ona Huduma ya Ufalme Yetu ya Novemba 1987, ukurasa wa 1-2.

Kwa kuwa mwanafunzi ni mtu aliyebatizwa, kwa kawaida funzo halihitaji kuendelezwa kwa kipindi kirefu cha wakati. Lengo ni kumsaidia asiyetenda arudie kuhudhuria mikutano yote na kuwa mhubiri wa kawaida wa habari njema. Mwangalizi wa utumishi atasimamia maendeleo ya mafunzo hayo. Tokeo la usaidizi huu wenye upendo lapaswa kuwa kwamba ndugu na dada hawa wataweza kubeba mzigo wao wenyewe wa daraka mbele za Yehova na “kutia mizizi na kuimarishwa” kabisa katika kweli.—Efe. 3:17; Gal. 6:5.