Sura 6
Kulinda Wakati wa “Umalizio wa Mfumo wa Mambo”
1. Kwa sababu gani tunahitaji kuendelea kulinda?
SISI tumo ndani sana ya “umalizio wa mfumo wa mambo,” lakini sisi ‘hatujui wala siku yenyewe wala saa yenyewe’ ambapo wakati wa kutoa nuru ya elimu yenye kuokoa uhai utakapokoma. Ndiyo sababu Yesu alisema: “Endeleeni kulinda, basi, kwa sababu hamjui wala siku yenyewe wala saa yenyewe.”—Mathayo 24:3; 25:13, NW.
2. Ni jambo gani lenye kukatisha tamaa linalopasa kuepukwa?
2 Lingekuwa jambo lenye kukatisha tamaa kweli kweli ikiwa mtu angefika amechelewa kwenye karamu ya arusi na kukuta mlango umefungwa. Ingawaje ndivyo itakavyokuwa kwa idadi kubwa ya wale wanaojidai kuwa Wakristo katika wakati ujao ulio karibu. Yule “Mwana-Mfalme wa Amani” alionyesha hilo kwa maneno haya: “Halafu wakaja na wale wanawali wengine, wakasema, Bwana, Bwana, utufungulie. Akajibu akasema, Amin, nawaambia, siwajui ninyi.”—Mathayo 25:11, 12.
3. (a) Mwaka wa 1919 ulionekana kuwa wakati wa nini? (b) Je! Wanadini wa Jumuiya ya Wakristo wameweza kutoa mafuta ya kiroho yanayohitajiwa?
3 Tangu 1919 nuru ya elimu ya kiroho kupitia wale wenye akili wakisaidiwa na “mafuta” ya Neno na roho takatifu ya Yehova imekuwa ikipatikana, lakini wale wapumbavu wanajaribu kununua mafuta ya kiroho kutoka kwa wale wa Jumuiya ya Wakristo wanaodai kuyauza. (Mathayo 25:9) Hata hivyo, wale wanadini wa Jumuiya ya Wakristo, hawana ile namna inayofaa ya mafuta. Wao hawakuweza kutoa nuru juu ya kuwapo kwa Yesu Kristo yule Bwana-arusi wa kimbingu. Wanatazamia kwamba watakapokufa wataenda mbinguni mara hiyo na kumlaki, bila ya kuwa wameshiriki katika kazi ya kutoa nuru ya elimu wakati huu wa “umalizio wa mfumo wa mambo.”
4. Kufikia tarehe hii, wale waliofananishwa na wanawali wapumbavu wameshindwa kufanya nini, na kwa sababu gani?
4 Kwa upande mwingine, kumekuwako wale ambao, kama wanawali wa kiroho, wamejionyesha kuwa wana akiba ya “mafuta” ya roho takatifu na Neno la Mungu kwa ajili ya kazi ya ulimwenguni pote iliyofuata baada ya vita ya kutoa nuru ya elimu kuhusu ule “ufalme.” (Mathayo 24:14) Wale waliofananishwa katika mfano wa Yesu kuwa wanawali wapumbavu hawashiriki katika kazi hiyo kwa kuacha nuru iangaze juu ya hizi habari njema zenye umaana wa kimataifa. Wao hawakuwa na “mafuta” ya Neno na roho takatifu ya Mungu yenye kutoa nuru ya elimu, na yule Hakimu Bwana-arusi kwenye hekalu la kiroho aliona kushindwa kwao huko. Mioyo yao haikuthibitika kuwa pamoja na ile kazi iliyofuata baada ya vita ambayo ilianza kufanywa mara moja katika 1919 na wale wanawali Wakristo waliokuwa wenye akili katika kufahamu wakati na kazi.
5. Wale wanawali wapumbavu wanashindwa kushiriki katika jambo gani ambalo ni la maana katika kuunganishwa kwao na Bwana-arusi Mfalme?
5 Kwa kuachana na wale waliokuwa wakiunga mkono tengenezo lionekanalo la Yehova, wale wapumbavu walikuwa wakishindwa kushiriki kutoa ushuhuda wa Ufalme wa ulimwenguni pote. Hatimaye, walipata “mafuta” ya kutia nuru ya elimu ya kidini, lakini hayakuwa mafuta ya aina inayofaa. Hayangeweza kutoa nuru kwa tukio linalofaa katika wakati unaofaa. Kwa hiyo wao hawahubiri ujumbe wa Ufalme na “siku ya kisasi upande wa Mungu wetu.” (Isaya 61:1-3, NW) Wao hawamshangilii yule Bwana-arusi Mfalme kama wanavyofanya mabaki wapakwa mafuta wa ile jamii ya wanawali.
Matokeo ya Nuru ya Taa Usiku wa Manane
6, 7. (a) Ni jambo gani lililotukia katika miaka ya katikati ya kuanzia na mwaka wa 1930 lililodokeza kwamba kulikuwako wanawali wa kutosha kukamilisha washiriki wa jamii ya bibi-arusi? (b) Fikira zilivutwa kwenye jamii gani ambayo sasa ilihitaji kukusanywa?
6 Katikati ya miaka ya kuanzia na mwaka wa 1930, jambo lenye maana kubwa lilitukia. Tukio hilo lilidokeza kwamba hesabu ya washiriki wa Bibi-arusi wa kiroho wa Kristo ilikuwa imetimizwa, kwamba hapa duniani walikuwapo wanafunzi wa kutosha wa Bwana-arusi waliozaliwa kwa roho kuweza kutimiliza hesabu ya Bibi-arusi wake wa kimbingu.
7 Wakati huo, mwaka wa 1935, fikira zilianza kuvutwa kuelekea jamii nyingine ya wanafunzi wa Yesu wenye mfano wa kondoo. Hii ndiyo ile jamii ambayo kwayo fikira za watu wote zilielekezwa wakati wa vita ya ulimwengu ya kwanza. Ilikuwa Februari 24, 1918, hotuba yenye kichwa “Mamilioni Wanaoishi Sasa Huenda Wasife Kamwe” ilipotolewa kwa wasikilizaji wenye utafiti, na pengine wenye mashaka. Kwenye mkusanyiko wa 1935 wa Mashahidi wa Yehova huko Washington D.C., jambo lenye kufaa lilianzishwa kuhusu kuwakusanya mamilioni hao wa “kondoo wengine” wa Kristo kuwaleta katika “kundi” lenye umoja chini ya Yesu Kristo akiwa “mchungaji mmoja.” (Yohana 10:16) Sehemu hii ya “kondoo wengine” kama ilivyotabiriwa katika Ufunuo 7:9-17 ilitambulishwa.
8. Wale wanawali wenye akili walikuja chini ya wajibu gani mwaka wa 1935, ambao hawakutazamia?
8 Mabaki ya lile kundi dogo sasa yakaja chini ya wajibu wa kuanza kukusanya huu “mkutano mkubwa” wa “kondoo wengine.” (Luka 12:32) Ilikuwa hivyo kwa sababu hesabu ya wanawali wenye akili iliyohitajiwa kukamilisha bibi-arusi wa Yesu ilikuwa sasa imejazwa. Lakini wanawali hao hawakuchukuliwa mara moja kwenda mbinguni. Wangali bado wataingizwa kwenye chumba kile cha karamu wanapomaliza mwendo wao wa kidunia wakiwa mashahidi washika ukamilifu wa Mungu wao, Yehova. Kwa sababu ya kazi yao ya uaminifu ya kutoa nuru ya elimu kufikia 1935, wao waliingizwa katika pendeleo la pekee ambalo wao hawakutazamia kamwe kabla ya miaka ya katikati ya kuanzia na mwaka wa 1930.
9. Wale wanaobaki wa wanawali wenye akili, hesabu yao imebadilika ikawa nini kufikia leo?
9 Zaidi ya nusu karne imepita tangu 1935, na wakati wa miaka hiyo hesabu ya wale wa jamii ya wanawali wenye akili imekuwa ikipunguka. Kwa upande mwingine, kazi ya kutoa ushuhuda imepanuka kwa kadiri ya kufikia ulimwenguni pote, ndiyo, ikatia ndani zaidi ya nchi mbali mbali 200. Kwa sasa, ile jamii ya wanawali imeshuka kufikia karibu na 9,000 hesabu yao.
Wenzi Wasaidizi wa Wale Wachukuaji Taa
10. Kwa sababu ya ukubwa wa kazi, je! mabaki ya wanawali wenye akili yanaweza kutosheleza uhitaji wa wafanya kazi?
10 Mabaki ya wapakwa mafuta ya wale wanawali wa mfano karibu yanafunikwa na wale wahubiri wa Ufalme zaidi ya milioni tatu katika zaidi ya makundi 49,000 ya Mashahidi wa Yehova kuizunguka dunia. Ile hesabu ndogo ya mabaki wapakwa mafuta ingewezaje kuangalia kazi ya kutoa ushuhuda katika nchi zaidi ya 200 ambako makundi hayo yanapatikana? Haingeweza.
11. (a) Kutambulishwa kwa “yule mtumwa mwaminifu mwenye akili” kulitokeza nini miongoni mwa wale waliodai kuwa wanawali? (b) Wale wa jamii ya “mtumwa yule mbaya” wanashindwa kufahamu nini kwa sababu ya kukosa mwangaza wa kiroho wa kutosha?
11 Bila shaka, wao wanatumikia katika cheo kilichotabiriwa kulingana na Maandiko cha “mtumwa mwaminifu mwenye akili” ambaye Bwana-arusi aliye Bwana-Mkubwa alikuta akiwa mwaminifu alipokuja kwenye hekalu kwa ajili ya kuhukumu. Ndipo mgawanyiko ulipoanza kutokea kati ya wanawali wenye akili na wale wanawali wapumbavu wa jamii ya wanawali wa mfano. Wale wanaohesabiwa kuwa jamii ya “mtumwa yule mbaya” hawana yale mafuta ya Neno la Mungu lenye kutoa nuru ya elimu na roho takatifu yake katika vyombo vyao vya kuwashia taa zao. Hivyo, hawakuwa na nuru ya kutosha ya kiroho kuweza kufahamu ule “mkutano mkubwa” wa wale “kondoo wengine,” ambao tayari ulikuwa ukikusanywa tangu mwaka wa 1935 kuwa sehemu ya lile “kundi moja.”—Mathayo 24:45-51.
12. Ni nani ambao wamepata kuwa wenzi wasioweza kutenganishwa wa jamii ya bibi-arusi?
12 Tangu Vita ya Ulimwengu ya Pili, utimizo wa unabii wa Yesu kwa “umalizio wa mfumo wa mambo” kwa sehemu kubwa ni kwa sababu ya daraka linalotimizwa na ule “mkutano mkubwa” wa “kondoo wengine.” Ule mwangaza kutoka taa zilizowashwa za mabaki umeangaza macho ya mioyo yao, nao wamesaidiwa kuonyesha nuru kwa wengine ambao wangali wamo katika giza la ulimwengu huu. (Linganisha Waefeso 1:18.) Wamesaidia mamilioni ya wakaaji wa dunia hii kufahamu kuwapo kwa yule Mfalme Bwana-arusi kadiri ile siku ya kufunga ndoa yake pamoja na jamii iliyokamilika ya bibi-arusi inapokaribia. Wamekuja kuwa wenzi wasioweza kutenganishwa wa mabaki ya ile jamii ya bibi-arusi.
13, 14. (a) Ni hali gani yenye kupendeza kwa habari ya wenzi wa mabaki inayoonyeshwa kwa njia ya mfano katika Ufunuo 7:9, 10? (b) Itikio la mara hiyo lilikuwa nini unabii huo ulipoelezwa?
13 Tangu 1935 fungu la wenzi hao wa mabaki ya jamii ya bibi-arusi limekuwa lenye furaha. Wanafurahia si yale tu mapendeleo ya ajabu ambayo katika hayo mabaki yamekwisha kuingizwa, bali pia yale mapendeleo yenye baraka ambayo katika hayo wenyewe wameingizwa kupitia mabaki ya jamii ya bibi-arusi.
14 Kwenye mkusanyiko 1935 huko Washington, D.C., watu wa Yehova walisaidiwa wafahamu andiko zuri sana, nalo lilitabiri hali yenye kupendeza sana kwa ajili ya ule “mkutano mkubwa,” wale wenzi wa wapakwa mafuta. Waone pale “wamesimama mbele ya kile kiti cha enzi [cha Yehova Mungu], na mbele za Mwana-Kondoo, wamevikwa mavazi meupe, wana matawi ya mitende mikononi mwao”! Sikiliza yale wanayolia kwa sauti kuu ili watu wote wasikie: “Wokovu una Mungu wetu aketiye katika kiti cha enzi, na Mwana-Kondoo”! (Ufunuo 7:9, 10) Tayari wamekwisha jizoeza imani katika “Mwana-Kondoo wa Mungu, aichukuaye dhambi ya ulimwengu,” na kupitia kwake wamejiweka wakfu wao wenyewe kwa Yehova Mungu na wamebatizwa katika wonyesho wa wakfu huo. (Yohana 1:29) Kwani, 840 wao walibatizwa siku iliyofuata baada ya kusikiliza maelezo hayo ya Ufunuo 7:9-17 siku ya Ijumaa, Mei 31, 1935.
15. Tangu wakati huo, ni wangapi wamepata kubatizwa, na wanaonyeshwaje katika Ufunuo 7:14-17?
15 Zaidi ya milioni tatu wamefanya vivyo hivyo tangu mkusanyiko huo wa mwaka wa 1935 huko Washington. Hivyo, wanafananishwa kuwa wamevaa mavazi meupe kwa kuwa wameyaosha katika damu yenye kusafisha ya Mwana-Kondoo. Nao wana taraja la kutoka kwenye dhiki kubwa iliyo mbele ya ulimwengu wote wa wanadamu, wakiwa na ulinzi wa kimungu mpaka waipite dhiki hiyo. (Mathayo 24:21, 22) Kwa hiyo, wanafananishwa wakiwa kwenye hekalu la kiroho la Yehova na humo wakimwabudu pamoja na mabaki ya ile jamii ya wanawali.—Ufunuo 7:14-17.
16. Kwa hiyo, shukrani nyingi zinatolewa kwa nani kwa sababu ya sehemu ambayo wameshiriki kuhusiana na utimizo wa Mathayo 24:14?
16 Kwa hiyo, shukrani nyingi sana, kwa ule “mkutano mkubwa” wa kimataifa, wenye kusema lugha nyingi kwa sababu ya sehemu kubwa ambayo umeshiriki katika kutimiza unabii wa yule Bwana-arusi kwenye Mathayo 24:14!
“Mlango Ukafungwa”
17. (a) Ni wakati gani mlango wa kuingia kwenye sherehe za karamu ya ndoa utakapofungwa? (b) Ni lazima mabaki ya jamii ya wanawali na wenzi wao wa ule “mkutano mkubwa” wafanye nini sasa?
17 Wakati wenyewe ambapo ile jamii ya mabaki ya wanawali itakapokuwa imeingia kwenye sherehe za karamu ya ndoa, nao mlango kufungwa, haujulikani. Lakini bila shaka uko karibu zaidi kuliko vile umepata kuwa hapo mbele, na wakati unakwisha! Kwa kufaa basi, Yesu alimalizia ule mfano wa wanawali kwa maneno haya yenye onyo: “Endeleeni kulinda, basi, kwa sababu hamjui wala siku yenyewe wala saa yenyewe.”—Mathayo 25:13, NW.
18. (a) Wale wanawali wapumbavu sasa wamejitambulisha wenyewe kuwa wa aina ya nani? (b) Karibuni wao watapatwa na sehemu gani ya mfano wa Yesu?
18 Kwa sababu hii, wale wanawali wapumbavu watapatikana bila kujihadhari. Kwa kuachana na wale wanawali wenye akili, wamekuwa sehemu ya ulimwengu huu uliohukumiwa maangamizi na wamejiainisha pamoja na wanadini wengine wote walioko nje katika giza la duniani pote linalozidi kuwa jingi zaidi. Hivyo wanaelekea kupatwa na yale Bwana-arusi Yesu Kristo alionyesha katika maneno haya ya mfano huo: “Halafu wakaja na wale wanawali wengine, wakasema, Bwana, Bwana, utufungulie. Akajibu akasema, Amin, nawaambia siwajui ninyi.”—Mathayo 25:10-12.
19. Kwa hiyo wale wanawali wapumbavu wanafananisha nani, na kwa sababu gani wanaainishwa pamoja na Babeli Mkuu?
19 Kwa hiyo wale wanawali wapumbavu hawatafunguliwa mlango wa kuingia kwenye karamu. Wao wanafananisha kwa kufaa wale ambao katika “umalizio wa mfumo wa mambo” wanashindwa kuingia katika “ufalme wa mbinguni.” (Mathayo 24:3, NW; 25:1) Kwa sababu ya kushikilia namna ya dini waliyochagua wenyewe, kama inavyonyeshwa na kwenda kwao sokoni kununua mafuta mengine, wanaainishwa pamoja na Babeli Mkuu.
20. (a) Wakati wale wanawali wapumbavu watakapoona “zile pembe kumi” za yule “mnyama” zikianza kumgeukia Babeli Mkuu, wataomba msaada kwa nani, na kwa kudai nini? (b) Hata hivyo, kwa sababu gani watapatwa na uharibifu?
20 Kwa hiyo, wakati yule “mnyama,” anayepandwa na yule kahaba wa kidini, amgeukiapo akiwa na zile “pembe kumi” zake, wao watalazimika kushiriki msiba wake. (Ufunuo 17:16) Wakati wanadini hao, wanaofananishwa na wale wanawali watano wapumbavu, waonapo mwanzo huo wa kukataliwa kwa dini ya Kibabuloni na ile sehemu ya majeshi yenye nguvu ya kisiasa, wao watageuka wamwelekee Mfalme Bwana-arusi, wakidai kwamba wao ni wa jamii ya “ufalme wa mbinguni” na wanastahili kufunguliwa waingie katika sherehe za karamu ya ndoa ya kiroho pamoja na wale wanawali wenye akili. Kwa kushtua, yule wanayemwita “Bwana,” yule Bwana-arusi Yesu Kristo, atakataa kuwatambua kuwa wanastahili kukubaliwa kuingia kwenye Ufalme wa kimbingu. Nao hawakushiriki lile tumaini la uzima wa milele duniani pamoja na ule “mkutano mkubwa.” Kwa hiyo hakuna jambo linalobaki kwa wanadini hao wapumbavu ila kuharibiwa tu pamoja na ile milki ya ulimwengu ya dini ya uwongo, Babeli Mkuu!
21. (a) Kwa sababu ya tazamio hilo lenye kutia woga, ni mwendo gani wanaofuata wale wanawali wenye akili na wenzi wao? (b) Washiriki wa ule “mkutano mkubwa” wanatumaini kufurahia mapendeleo gani ya utumishi?
21 Ni taraja lenye kutia woga kwao kama nini! Wakijua hivyo, mabaki na umati wa wenzi wao sikuzote watatii shauri la Yesu la ‘kuendelea kulinda.’ Sikuzote wataendelea kujawa na roho takatifu ya Mungu na kuacha taa zao zing’ae bila woga kwa utukufu wa Yehova Mungu na Yesu Kristo. Kwa kuthawabishwa, wamehakikishiwa furaha kuwa fungu lao! Na vyeo vya wana wa kifalme katika “dunia mpya” vinawangojea washiriki wa ule “mkutano mkubwa,” kama alivyoonyesha Mfalme Bwana-arusi aliyefunga ndoa.—Isaya 32:1; linganisha Zaburi 45:16, NW.
22. (a) Utimizo wa mfano huo wa wanawali unathibitisha uhakika gani? (b) Ni nani watakaofurahia ndoa hiyo ya Bwana-arusi Mfalme na bibi-arusi wake bikira?
22 Hivyo, utimizo huu uliopanuliwa wa mfano wa wale wanawali unathibitisha uhakika wa kwamba sisi tunaishi katika ule “umalizio wa mfumo wa mambo.” Tunaweza kuwa wenye shukrani kama nini kwa kuwa tumetiwa nuru ya elimu tuone ushuhuda huu wa kukaribia kwa ndoa ya Yesu Kristo pamoja na jamii ya bibi-arusi wake iliyokamilika! Mbingu na “dunia mpya” pamoja zitafurahia ndoa hii ya kimbingu kwa furaha isiyoelezeka.—Ufunuo 19:6-9.