Maisha na Huduma ya Yesu

Mashauri Zaidi Yenye Kusahihisha

WAKIWA bado katika ile nyumba katika Kapernaumu, jambo fulani zaidi ya ule mbishano wa mitume juu ya ni nani aliye mkubwa zaidi linazungumzwa. Kisa hicho pia huenda kikawa kilitukia wakati wa kule kurudi kwao Kapernaumu, wakati Yesu alipokuwa hayupo binafsi. Mtume Yohana anaripoti hivi: “Sisi tuliona mwanamume fulani akiondosha nje mashetani kwa utumizi wa jina lako wewe na sisi tukajaribu kumzuia, kwa sababu yeye hakuwa akituandama sisi.”

Kwa uwazi Yohana anaona wale mitume kuwa ni kikoa cha waponyaji, chenye kushikilia cheo hicho, ambamo mtu mwingineye yote hapaswi kuingia. Kwa hiyo yeye anahisi kwamba mwanamume huyo alikuwa akifanya kazi za nguvu nyingi kwa njia isiyofaa kwa sababu yeye hakuwa sehemu ya kikundi chao.

Hata hivyo, Yesu anashauri hivi: “Msijaribu kumzuia, kwa maana hakuna mtu ambaye atafanya kazi ya nguvu juu ya msingi wa jina langu ambaye ataweza kutukana mimi; kwa maana yeye ambaye hayupo dhidi yetu yuko kwa ajili yetu. Kwa maana ye yote ambaye anawapa ninyi kikombe cha maji kunywa juu ya msingi wa kwamba ninyi ni mali ya Kristo, mimi naambia ninyi kikweli, yeye hatapoteza thawabu yake kwa njia yo yote.”

Haikuhitajiwa kabisa kwa mwanamume huyo kufuata Yesu kwa uhalisi ndipo awe upande wake. Kundi la Kikristo lilikuwa halijasimamishwa bado, kwa hiyo kutokuwa kwake sehemu ya kikundi chao hakukumaanisha kwamba yeye alikuwa wa kundi tofauti. Kwa kweli mwanamume yule alikuwa na imani katika jina la Yesu na hivyo alifaulu kuondosha nje mashetani. Yeye alikuwa anafanya jambo ambalo lililingana kwa kufaa pamoja na lile ambalo Yesu alisema lilistahili thawabu. Kwa kufanya hilo, Yesu anaonyesha, yeye hatapoteza thawabu yake.

Lakini namna gani ikiwa mwanamume yule alikwazwa na maneno na vitendo vya wale mitume? Jambo hilo lingekuwa zito sana! Yesu alionelea hivi: “Ye yote yule ambaye anakwaza mmoja wa wadogo-wadogo hawa ambao wanaitikadi, ingekuwa vizuri zaidi kwa yeye ikiwa jiwe la kusagia kama lile ambalo linapinduliwa na punda lingewekwa kuzunguka shingo lake na kwa kweli yeye atupilizwe ndani ya bahari.”

Yesu anasema kwamba wafuasi wake wanapaswa kuondoa kutoka maisha zao kitu cho chote kilicho kipendwa kwao kama mkono, mguu, au jicho ambacho huenda kikasababisha wakwazike. Ni vizuri zaidi kuwa bila kitu hicho chenye kuthaminiwa sana na kuingia ndani ya Ufalme wa Mungu kuliko kukishikilia na kutupwa ndani ya Gehena (rundo la takataka zenye kuchomeka karibu na Yerusalemu), ambayo inafananisha uharibifu wa milele

Yesu anaonya pia: “Hakikisheni kwamba ninyi wanaume hamdharau mmoja wa wadogo-wadogo hawa; kwa maana mimi naambia ninyi kwamba malaika zao mbinguni sikuzote wanaangalia ule uso wa baba yangu ambaye yumo mbinguni.” Ndipo yeye anapotoa kielezi cha thamani kubwa ya “wadogo-wadogo” kwa kueleza juu ya mwanamume mmoja ambaye ana kondoo 100 lakini anapoteza mmoja. Mwanamume yule ataacha wale 99 akatafute yule mmoja aliyepotea, Yesu anaeleza, na anapopata huyo atafurahi sana juu ya huyo kuliko juu ya wale 99. “Vivyo hivyo,” Yesu anamalizia, “si jambo la kutamanika kwa baba yangu ambaye yumo mbinguni kwa mmoja wa wadogo-wadogo hawa kutoweka.”

Inawezekana ni kwa sababu ya kufikiria mbishano uliokuwa miongoni mwa mitume wake kwamba Yesu anahimiza hivi: “Mwe na chumvi katika ninyi wenyewe, na mwendeleze amani kati ya mmoja na mwingine.” Vyakula ambavyo havina ladha vinafanywa vipendeze katika kaakaa la kinywa kwa kutumia chumvi. Hivyo, chumvi ya mfano inafanya mambo ambayo mtu anasema yawe rahisi zaidi kukubaliwa. Kuwa na chumvi kama hiyo kutasaidia kuhifadhi ile amani.

Lakini kwa sababu ya kutokamilika kwa kibinadamu, nyakati nyingine magomvi mazito yatatukia. Yesu anaandaa pia miongozo ya kuyashughulikia. “Ikiwa ndugu yako anafanya dhambi,” Yesu anasema, “nenda ukafunue kosa lake kati yako na yeye peke yenu. Ikiwa anakusikiliza wewe, umempata ndugu yako.” Ikiwa yeye hasikilizi, Yesu anashauri, “chukua pamoja na wewe mtu mmoja au wawili zaidi, ili kwa kinywa cha Mashahidi wawili au watatu kila shauri lipate kuthibitika.”

Ikiwa tu hii ndiyo hatua ya mwisho inayoweza kuchukuliwa, Yesu anasema, peleka shauri I ile kwa “kundi,” yaani, kwa waangalizi wenye madaraka wa kundi ambao wanaweza kutoa uamuzi wa kihukumu. Ikiwa mtenda dhambi yule hatakaa kwa uamuzi wao, Yesu anamalizia, “mwache yeye awe kwako kama mtu wa mataifa na kama mtoza kodi.”

Katika kufanya uamuzi kama huo, waangalizi wanahitaji kufuata kwa ukaribu maagizo yaliyo katika Neno la Yehova. Hivyo, wakati wao wanapopata mtu akiwa na hatia na anastahili adhabu, hukumu ile tayari ‘itakuwa imefungwa mbinguni.’ Na wakati wao ‘wanapolegeza duniani,’ yaani, kupata mmoja akiwa bila hatia, hiyo tayari itakuwa ‘imelegezwa mbinguni.’ Katika mazungumzo kama hayo ya kuchunguza sana mambo ya hukumu, Yesu anasema, “mahali ambapo pana wawili au watatu ambao wamekusanyika pamoja katika jina langu, hapo mimi nipo katikati yao.” Mathayo 18:6-20; Marko 9:38-50; Luka 9:49, 50, NW.

◆ Kwa sababu gani haikuhitajiwa kabisa katika siku ya Yesu kumwandama yeye?

◆ Ni jinsi gani lilivyo zito lile shauri la kukwaza mmoja mdogo-mdogo, na ni jinsi gani Yesu alitoa kielezi cha umaana wa wadogo-wadogo kama hao?

◆ Ni jambo gani ambalo labda lilifanya Yesu atokeze kitia-moyo kwa mitume wawe na chumvi miongoni mwao wenyewe?

◆ Kuna umaana gani katika ‘kufunga’ na ‘kulegeza’?