Maisha na Huduma ya Yesu

Shauri kwa Martha, na Agizo Juu ya Sala

WAKATI wa mwendo wa huduma ya Yesu ya Kiyudea, yeye anaingia kijiji cha Bethania. Hapa ndipo Martha, Mariamu, na Lazaro ndugu yao wanaishi. Labda Yesu aliwakuta hawa watatu mapema kidogo katika huduma yake na kwa hiyo tayari ni rafiki zake wa karibu. Vyovyote vile, sasa Yesu anaenda kwenye maskani ya Martha na anakaribishwa naye.

Martha ana hamu nyingi ya kuandalia Yesu kilicho bora kabisa ambacho yeye anacho. Kweli kweli, ni heshima kubwa mmoja kufanyiwa ziara na Mesiya kwenye maskani yake! Kwa hiyo Martha anajihusisha ndani ya kutayarisha mlo wenye madoido mengi na kuhakikisha vijambo vingine vingi ili kufanya kukaa kwa Yesu kuwe kwenye kufurahika na kustareheka zaidi.

Kwa upande ule mwingine, Mariamu dada ya Martha anaketi chini kwenye nyayo za Yesu na kumsikiliza. Baada ya kitambo, Martha anakaribia na kusema kwa Yesu hivi: “Bwana, si kitu kwako wewe kwamba dada yangu ameniacha mimi peke yangu nihudumu mambo? Kwa hiyo, mwambie ajiunge katika kunisaidia mimi.”

Lakini Yesu anakataa kusema lolote kwa Mariamu. Badala ya hivyo, yeye anashauri Martha kwa kuhangaikia kupita kiasi vitu vya kimwili. “Martha, Martha,” yeye anakaripia kwa fadhili, “wewe una hangaiko na sumbuko juu ya mambo mengi. Ingawa hivyo, mambo machache yanahitajiwa, au moja tu.” Yesu anasema kwamba si jambo la lazima kabisa kutumia wakati mwingi kutayarisha mapishi mengi kwa ajili ya mlo mmoja. Mapishi machache tu, au hata upishi mmoja tu, unatosha.

Makusudio ya Martha ni mema; yeye anataka kuwa mwanamke mwenye ukaribishaji mzuri. Hata hivyo, kwa hangaikio lake la kuelekeza fikira kwenye maandalizi ya kimwili, yeye anakosa ile fursa ya kupokea agizo la kibinafsi kutoka kwa Mwana wa Mungu mwenyewe! Kwa hiyo Yesu anamalizia hivi: “Kwa sehemu yake, Mariamu alichagua fungu jema, na hilo halitachukuliwa kutoka kwake.”

Baadaye, katika pindi nyingine, mwanafunzi mmoja anauliza Yesu: “Bwana, fundisha sisi jinsi ya kusali, sawa na vile Yohana pia alifundisha wanafunzi wake.” Inawezekana mwanafunzi huyu hakuwapo karibu mwaka mmoja na nusu mapema kidogo wakati Yesu alipoandaa ile sala ya kifuatisho katika Mahubiri ya Mlimani yake. Kwa hiyo Yesu anarudia maagizo yake lakini ndipo anapotoa kielezi kukazia uhitaji wa kudumu katika sala.

“Ni nani wa ninyi atakuwa na rafiki,” Yesu anaanza, “na atamwendea usiku wa manane na kusema kwa yeye, ‘Rafiki, kopesha mimi mikate mitatu, kwa sababu rafiki mmoja wangu amekuja sasa hivi katika safari na mimi sina kitu cha kuweka mbele yake’? Na huyo akiwa ndani asema katika kujibu, ‘Acha kunifanyia mimi matata. Mlango tayari umefungwa kufuli, na watoto wangu wachanga wamo pamoja na mimi kitandani; mimi siwezi kuinuka na kukupa wewe kitu chochote.’ Mimi naambia ninyi, Ingawa yeye hatainuka na kumpa kitu chochote kwa sababu ya kuwa rafiki yake, kwa uhakika kwa sababu ya udumifu wake wa kijasiri yeye ataamka na kumpa vitu ambavyo yeye anahitaji.”

Kwa ulinganisho huu Yesu hakusudii kugusia maana ya kwamba Yehova Mungu hana nia ya kujibu maombio-rasmi, kama vile alivyokuwa yule rafiki katika hadithi yake. Sivyo, bali yeye anatoa kielezi cha kwamba ikiwa rafiki asiye na nia atajibu maombi yenye kufanywa kwa udumifu, ni zaidi kama nini Baba yetu wa kimbingu mwenye upendo! Kwa hiyo Yesu anaendelea hivi: “Kulingana na hilo mimi nasema kwa ninyi, Fulizeni kuomba, na ninyi mtapewa; fulizeni kutafuta, na ninyi mtapata; fulizeni kubisha hodi, na ninyi mtafunguliwa. Kwa maana kila mmoja ambaye anaomba hupokea, na kila mmoja ambaye anatafuta hupata, na kila mmoja ambaye anabisha hodi atafunguliwa.”

Ndipo Yesu anapotoa rejezo kwenye mababa wa kibinadamu wasiokamilika, wenye dhambi, akisema: “Kweli kweli, ni baba yupi aliye miongoni mwa ninyi ambaye, ikiwa mwana wake anaomba samaki, labda atampa nyoka badala ya samaki? Au ikiwa yeye anaomba yai pia, atampa nge? Kwa hiyo, ikiwa ninyi, ingawa ni waovu, mnajua jinsi ya kuwapa watoto wenu vipaji vyema, ni zaidi kama nini yule Baba mbinguni atawapa roho takatifu wale ambao wanamwomba!” Kweli kweli, ni kitia-moyo chenye kusukuma kama nini ambacho Yesu anaandaa ili kuwa na udumifu katika sala. Luka 10:38–11:13, NW.

◆ Kwa nini Martha anafikia kiasi cha kufanya matayarisho mengi hivyo kwa ajili ya Yesu?

◆ Mariamu anafanya nini, na kwa nini Yesu anampongeza yeye badala ya Martha?

◆ Ni jambo gani lililoharakisha Yesu arudie maagizo yake juu ya sala?

◆ Ni jinsi gani Yesu alionyesha uhitaji wa kudumu katika sala?