Miaka ya 1990—Mwongo wa Ukosefu wa Uhakika
Kuwasili kwa miaka ya 1990 kumetokeza matumaini mapya ya amani ya ulimwengu. Lakini pia kumetokeza ukosefu wa uhakika na mvurugo usio na kifani.
Kwa kielelezo, kuna ukosefu mkubwa wa uhakika juu ya kitakachotukia katika mataifa yanayoacha msingi uliokadiriwa wa uchumi mbalimbali ambao umeshindwa. Baadhi ya nchi hizo zinasonga kuingia kwenye ubepari wa biashara isiyo na vizuizi. Lakini mataifa mengi ambayo tayari ni ya kibepari yana umaskini na ukosefu wa kazi ulioenea sana, gharama za juu na deni. Hata United States ina deni kubwa la kindani—dola zipatazo bilioni tatu—na pia ndilo taifa lenye deni kubwa zaidi katika biashara ya kimataifa.
Tokeo moja la ole za ulimwengu za kiuchumi laonyeshwa na makala ya mhariri mojawapo ya New York Times, ambayo ilisema hivi: “Kuna watu fukara zaidi katika ulimwengu kushinda wakati mwingineo wote.”
Kwa sehemu, ikiwa ni kwa sababu ya ukosefu mbalimbali wa uhakika, wengi wamezama katika ubinafsi: mtazamo wa mimi kwanza, pupa ya mali, tamaa ya kutosheleza tamaa za mwili mara moja bila kujali matokeo. Matumizi mabaya yaliyoenea sana ya madawa ya kulevya ni uthibitisho wa hilo. Christopher Lasch, profesa moja wa historia kwenye Chuo Kikuu cha Rochester, alilisema jambo hilo hivi: “Msingi wa adili umeondoka katika utamaduni wetu.”
Mwanauchumi anayesfika kimataifa Arjo Klamer ataarifu hivi: “Mafundi, wanauchumi, wafanya biashara na familia mbalimbali wamepoteza imani katika uhakika wa mamboleo. . . . Kukosa tumaini kumekuja kuwa maono ya ndani yanayoshirikiwa na watu wa nyanja na kazi mbalimbali.” Akisema kwamba “vurugu imeenea sana,” yeye aliongeza hivi: “Mvunjiko. Utupu. Kinyume. Mchafuko. Hayo ni baadhi ya maneno yaliyo ya kawaida. Yanaeleza utando uliotatanika wa kipindi cha baada ya mamboleo ambamo ndani yake watu wa ki-siku-hizi wamepotelea.”
Kwa kusikitisha, ni wazi mno kwamba mifumo ya ulimwengu huu ya kisiasa, kiuchumi, na kijamii haina masuluhisho ya kudumu ya matatizo na ukosefu wa uhakika mkubwa wa leo. Lakini hali iyo hiyo ilitabiriwa katika unabii mbalimbali wa Biblia wa wakati wetu. Angalia vielelezo vichache: “Katika siku za mwisho nyakati ngumu kushughulika nazo zitakuwa hapa.” “Duniani huzuni kuu ya mataifa, yasijue njia ya kutokea . . . huku watu wakizirai kwa sababu ya hofu na taraja la vitu vinavyokuja juu ya dunia inayokaliwa.”—2 Timotheo 3:1, NW; Luka 21:25, 26, NW.
[Hisani ya Picha katika ukurasa wa 31]
Fotografía de Publicaciones Capriles, Caracas, Venezuela