Sura ya 44

Ufunuo na Wewe

1. (a) Ni uhakikisho gani ambao malaika humpa Yohana kwa habari ya ahadi zote nzuri ajabu katika Ufunuo? (b) Ni nani anayesema, “mimi ninakuja upesi,” na ‘kuja’ huku ni kwa lini?

KWA kusoma elezo juu ya Yerusalemu Jipya lenye kujaa upendezi huenda ukasukumwa kuuliza: ‘Je! kwa kweli kitu fulani kizuri ajabu hivyo kinaweza kutukia?’ Yohana anajibu swali hilo kwa kuripoti maneno yanayofuata ya malaika: “Na yeye akasema kwa mimi: ‘Maneno haya ni yenye uaminifu na ukweli; ndiyo, Yehova Mungu wa semi zilizovuviwa za manabii alituma malaika wake kuonyesha watumwa wake vitu ambavyo lazima vitukie karibuni. Na, tazama! mimi ninakuja upesi. Mwenye furaha ni yeyote anayeshika maneno ya unabii wa hati-kunjo hii.’” (Ufunuo 22:6, 7, NW) Ahadi zote nzuri ajabu za Ufunuo kwa kweli zitatimizwa! Akisema katika jina la Yesu, malaika anajulisha wazi kwamba Yesu anakuja karibuni, “upesi.” Huyo lazima awe ni Yesu akija “kama mwivi” kuharibu maadui wa Yehova na kuleta upeo mtukufu na wenye furaha wa Ufunuo. (Ufunuo 16:15, 16, NW) Kwa hiyo, imetupasa sisi tupatanishe maisha zetu na maneno ya “hati-kunjo hii,” Ufunuo, ili tutamkwe kuwa wenye furaha wakati huo.

2. (a) Yohana anatendaje kwa kuitikia Ufunuo mwingi sana hivyo, na malaika anamwambia nini? (b) Tunajifunza nini kutokana na maneno ya malaika, “Uwe mwangalifu!” na, “Abudu Mungu”?

² Baada ya Ufunuo mwingi sana hivyo, inaeleweka kwamba Yohana alihisi kuwa ameshindwa nguvu: “Basi, mimi Yohana nilikuwa ndiye mmoja aliyekuwa akisikia na kuona vitu hivi. Na wakati mimi nilikuwa nimekwisha sikia na kuona, mimi nilianguka chini ili kuabudu mbele ya nyayo za malaika ambaye alikuwa akionyesha mimi vitu hivi. Lakini yeye aambia mimi: ‘Uwe mwangalifu! Usifanye hivyo! Mimi ni mtumwa mwenzako tu na wa ndugu zako ambao ni manabii na wa wale ambao wanashika maneno ya hati-kunjo hii. Abudu Mungu.’” (Ufunuo 22:8, 9, NW; linga Ufunuo 19:10.) Onyo hili lililonenwa mara mbili la kutoabudu malaika lilikuwa la wakati unaofaa katika siku ya Yohana, wakati ambao kwa wazi wengine walifuata ibada kama hiyo au wakadai kuwa na mafunuo ya pekee kutoka kwa malaika. (1 Wakorintho 13:1; Wagalatia 1:8; Wakolosai 2:18) Leo, linakazia uhakika wa kwamba lazima sisi tuabudu Mungu pekee. (Mathayo 4:10) Haitupasi kufisidi ibada safi kwa ibada ya yeyote mwingine au chochote kingine.—Isaya 42:5, 8.

3, 4. Malaika aendelea kumwambia Yohana nini, na baki la wapakwa-mafuta limetiije maneno yake?

³ Yohana aendelea: “Yeye aambia mimi pia: ‘Usitie kifungo maneno ya unabii wa hati-kunjo hii, kwa maana wakati uliowekwa u karibu. Yeye ambaye anafanya ukosefu wa uadilifu, acha yeye azidi kufanya ukosefu wa uadilifu; na acha mmoja aliye mchafu azidi kufanywa kuwa mchafu; lakini acha mmoja aliye mwadilifu azidi kufanya uadilifu, na acha mmoja aliye mtakatifu azidi kufanywa kuwa mtakatifu.’”—Ufunuo 22:10, 11, NW.

⁴ Baki la wapakwa-mafuta leo limetii maneno ya malaika. Wao hawakuyatia kifungo maneno ya unabii. Kwani, hata toleo la kwanza hasa la Zion’s Watch Tower and Herald of Christ’s Presence (Julai 1879) lilitoa maelezo juu ya mistari kadhaa ya Ufunuo. Kama tulivyoona katika sura ya kufungua, Mashahidi wa Yehova kwa muda wa miaka iliyopita wametangaza vitabu vingine vyenye kutoa nuru juu ya Ufunuo. Sasa tunavuta tena uangalifu wa wote wapendao ukweli kwenye unabii wa Ufunuo wenye kujaa nguvu na utimizo wao.

5. (a) Namna gani ikiwa watu wanataka kupuuza maonyo na shauri katika Ufunuo? (b) Itikio la wasikivu na waadilifu limepasa kuwa nini?

⁵ Ikiwa watu wanataka kupuuza maonyo na shauri katika Ufunuo, basi, acha wao wafanye hivyo! “Yeye ambaye anafanya ukosefu wa uadilifu, acha yeye azidi kufanya ukosefu wa uadilifu.” Kama ni chaguo lao, wale ambao wanagaagaa katika uchafu wa kizazi hiki chenye uendekevu wanaweza kufa katika uchafu huo. Karibuni, hukumu za Yehova zitatekelezwa mpaka utimilifu, kuanzia uharibifu wa Babuloni Mkubwa. Acha watu wasikivu wawe na bidii-endelevu kutii maneno ya nabii: “Mtafuteni BWANA . . . itafuteni haki, utafuteni unyenyekevu; huenda mtafichwa katika siku ya hasira ya BWANA.” (Sefania 2:3) Kwa habari ya wale ambao tayari wamejiweka wakfu kwa Yehova, “acha mmoja aliye mwadilifu azidi kufanya uadilifu, na acha mmoja aliye mtakatifu azidi kufanywa kuwa mtakatifu.” Wale wenye hekima wanajua kwamba faida ya kitambo inayopatikana kutokana na dhambi haiwezi kulingana na baraka zenye kudumu zitakazofurahiwa na wale ambao hufuatilia uadilifu na utakatifu. Biblia husema: “Fulizeni kutahini kama nyinyi mmo katika imani, fulizeni kuthibitisha mlivyo nyinyi.” (2 Wakorintho 13:5, NW) Ikitegemea mwendo unaochagua na kukaa nao, wewe utapokea thawabu.—Zaburi 19:9-11; 58:10, 11.

6. Yehova husema nini anapohutubia wasomaji wa Ufunuo kwa mara ya mwisho katika unabii huu?

⁶ Yehova, Mfalme wa umilele, sasa ahutubia wasomaji wa Ufunuo kwa mara ya mwisho katika unabii, akisema: “Tazama! Mimi ninakuja upesi, na thawabu ninayotoa mimi iko na mimi, kulipa kila mmoja kama kazi yake ilivyo. Mimi ndimi Alfa na Omega, wa kwanza na wa mwisho. Wenye furaha ni wale ambao hufua majoho yao ili mamlaka ya kwenda kwenye miti ya uhai imkini kuwa yao na kwamba wao wamkini kupata mwingilio ndani ya jiji kupitia malango yalo. Nje kuna mbwa na wale ambao huzoea uwasiliano na roho na waasherati na wauaji kimakusudi na waabudu sanamu na yeyote ambaye anapenda na kuendeleza uwongo.”—Ufunuo 22:12-15, NW.

7. (a) Yehova ‘anakuja upesi’ kwa ajili ya nini? (b) Ni kwa nini viongozi wa kidini wa Jumuiya ya Wakristo hawatakuwa na ushiriki katika Yerusalemu Jipya?

⁷ Kwa mara nyingine tena, Yehova Mungu anakazia enzi yake kuu ya milele na uhakika wa kwamba mwishowe atafanya analokusudia. Yeye ‘anakuja upesi’ kutekeleza hukumu na atathawabisha wale wanaomtafuta kwa bidii. (Waebrania 11:6) Viwango vyake huamua ni nani ambao watathawabishwa na ni nani watakaokataliwa. Viongozi wa kidini wa Jumuiya ya Wakristo wametenda kama “mbwa wasio na usemi,” wakiachilia maovu ambayo Yehova anaeleza hapa. (Isaya 56:10-12; ona pia Kumbukumbu 23:18, New World Translation Reference Bible, kielezi cha chini.) Kwa hakika, wao ‘wamependa na kuendeleza’ mafundisho na itikadi za uwongo na wamepuuza kabisa shauri la Yesu kwa makundi saba. Kwa sababu hiyo, wao hawana hisa katika Yerusalemu Jipya.

8. (a) Ni nani pekee ‘wanaokwenda kwenye miti ya uhai,’ na hili humaanisha nini? (b) Umati mkubwa ‘umefuaje majoho yao,’ na wanadumishaje msimamo safi?

⁸ Ni wale Wakristo wapakwa-mafuta pekee ambao “hufua majoho yao” kikweli ili wawe safi machoni pa Yehova ndio wanaopendelewa “kwenda kwenye miti ya uhai.” Yaani, wanapokea haki na cheti cha kuwa na uhai usioweza kufa katika cheo chao cha kimbingu. (Linga Mwanzo 3:22-24; Ufunuo 2:7; 3:4, 5.) Baada ya kifo chao wakiwa binadamu, wanapata mwingilio ndani ya Yerusalemu Jipya kwa ufufuo. Malaika 12 wanawaruhusu kuingia ndani, huku wakizuia wowote wanaozoea uwongo au utovu wa usafi ingawa wanadai kuwa na tumaini la kimbingu. Umati mkubwa duniani pia ‘umefua majoho yao na kuyafanya meupe katika damu ya Mwana-Kondoo’ na huhitaji kudumisha msimamo wao safi. Wanaweza kufanya hivyo kwa kuepuka maovu ambayo Yehova anaonya juu yayo hapa, pamoja na kuzingatia moyoni onyo la Yesu katika jumbe zake saba kwa makundi.—Ufunuo 7:14, NW; sura 2 na 3.

9. Yesu anasema maneno gani, na ujumbe wake na Ufunuo kwa ujumla umeelekezwa kwa akina nani kwanza kabisa?

⁹ Baada ya Yehova, Yesu anasema. Yeye huelekeza maneno yenye kutia moyo kwa walio na mioyo sahihi wanaosoma Ufunuo, akisema: “Mimi, Yesu, nilituma malaika wangu atoe ushahidi kwenu nyinyi watu juu ya vitu hivi kwa ajili ya makundi. Mimi ndimi mzizi na mzao wa Daudi, na nyota nyangavu ya asubuhi.” (Ufunuo 22:16, NW) Ndiyo, kwanza kabisa maneno haya ni kwa “ajili ya makundi.” Kwanza kabisa, huu ni ujumbe kwa makundi ya Wakristo wapakwa-mafuta walio duniani. Kila kitu katika Ufunuo kinaelekezwa kwanza kabisa kwa Wakristo wapakwa-mafuta, ambao watakaa katika Yerusalemu Jipya. Kupitia kundi hilo, umati mkubwa unapendelewa pia kupata uelewevu wa kweli hizi za kiunabii zenye thamani.—Yohana 17:18-21.

10. Ni kwa nini Yesu alijiita mwenyewe (a) “mzizi na mzao wa Daudi”? (b) “nyota nyangavu ya asubuhi”?

¹⁰ Yesu Kristo aliaminishwa uwasilisho wa Ufunuo kwa Yohana na kupitia yeye kwa makundi. Yesu ndiye “mzizi na mzao wa Daudi” pia. Yeye alitokana na ukoo wa Daudi kulingana na mnofu na hivyo anastahili kuwa Mfalme wa Ufalme wa Yehova. Yeye atakuwa pia “Baba wa milele” wa Daudi, na hivyo “mzizi” wa Daudi. (Isaya 9:6; 11:1, 10, NW) Yeye ndiye Mfalme wa daima, asiyeweza kufa katika nasaba ya Daudi, akitimiza agano la Yehova kwa Daudi, na “nyota nyangavu ya asubuhi” iliyotabiriwa katika siku ya Musa. (Hesabu 24:17; Zaburi 89:34-37, NW) Yeye ndiye “nyota ya mchana” inayozuka, ikifanya siku ipambazuke. (2 Petro 1:19, NW) Janja zote za adui mkubwa Babuloni Mkubwa hazikuzuia kuzuka huko kwenye utukufu.

Sema: “Njoo!”

11. Sasa Yohana anatoa mwaliko upi kwa wote, na ni nani wanaoruhusiwa kuuitikia?

¹¹ Sasa ni zamu ya Yohana mwenyewe kusema. Kwa moyo uliojaa farafara uthamini wa yote ambayo yeye ameona na kusikia, yeye anapaaza sauti: “Na roho na bibi-arusi hufuliza kusema: ‘Njoo!’ Na acha yeyote anayesikia aseme: ‘Njoo!’ Na acha yeyote anayeona kiu aje; acha yeyote ambaye anataka atwae maji ya uhai bure.” (Ufunuo 22:17, NW) Manufaa za dhabihu ya ukombozi ya Yesu si za 144,000 pekee, kwa maana hapa pana mwaliko wa wote. Roho ya Yehova yenye kusukuma inafanya kazi kupitia jamii ya bibi-arusi, hivi kwamba ujumbe huendelea kuvumishwa kwa uwazi wote: “[Twaa] maji ya uhai bure.” (Ona pia Isaya 55:1; 59:21.) Yeyote ambaye anaona kiu kwa ajili ya uadilifu anaalikwa “aje” na kupokea kutokana na utele wa Yehova. (Mathayo 5:3, 6) Wote wanaotazamia kuwa jamii ya kidunia ambao wanaitikia mwaliko huu wa jamii ya Yohana iliyopakwa mafuta ni wenye pendeleo kama nini!

12. Umati mkubwa unaitikiaje mwaliko wa Ufunuo 22:17?

¹² Tangu miaka ya mapema ya 1930, hesabu inayokua ya umati mkubwa imekuwa ‘ikisikia’—ikitoa uangalifu kwenye huo mwaliko. Kama watumwa wenzao wapakwa-mafuta, wao wamefikia msimamo safi mbele za Yehova. Wao wanatamani sana wakati ufike ambapo Yerusalemu Jipya litashuka kutoka katika mbingu kuwasilisha baraka kwa aina ya kibinadamu. Ukiwa umesikia ujumbe wa Ufunuo wenye kuamsha, umati mkubwa hausemi tu “Njoo!” bali kwa kutenda hukusanya wengine kuwaleta kwenye tengenezo la Yehova, kuwazoeza hawa pia wapige mbiu: “Acha yeyote anayeona kiu aje.” Kwa hiyo hesabu ya umati mkubwa huendelea kukua, maana zaidi ya 6,000,000 wao pamoja na walio punde ya 9,000 wa jamii ya bibi-arusi iliyopakwa mafuta katika mabara 235 kuzunguka dunia hushiriki kutoa mwaliko wa ‘kutwaa maji ya uhai bure.’

13. Yesu anatoa onyo gani?

¹³ Afuataye, ni Yesu anayenena tena, akisema: “Mimi ninatoa ushahidi kwa yeyote ambaye husikia maneno ya unabii wa hati-kunjo hii: Ikiwa yeyote afanya nyongeza kwenye vitu hivi, Mungu ataongeza kwa yeye tauni ambazo zimeandikwa katika hati-kunjo hii; na ikiwa yeyote anaondolea mbali kitu chochote kutoka maneno ya hati-kunjo ya unabii huu, Mungu ataondolea mbali aria yake kutoka miti ya uhai na kutoka jiji takatifu, vitu ambavyo vimeandikwa juu yavyo katika hati-kunjo hii.”—Ufunuo 22:18, 19, NW.

14. Jamii ya Yohana inaonaje “unabii” wa Ufunuo?

¹⁴ Wale wa jamii ya Yohana lazima waelekeze uangalifu kwenye “unabii” wa Ufunuo. Haiwalazimu kuuficha au kuuongezea. Lazima ujumbe wao uhubiriwe waziwazi, kutoka “juu ya nyumba.” (Mathayo 10:27) Ufunuo umevuviwa na Mungu. Ni nani anayeweza kuthubutu kubadili neno la yale ambayo Mungu mwenyewe amesema na kuwasilisha kupitia mmoja ambaye sasa ndiye Mfalme anayetawala, Yesu Kristo? Kwa hakika, mtu kama huyo angestahili kukosa kupata kitu katika mfuatilio wake wa uhai na kuangukiwa na tauni ambazo lazima zije juu ya Babuloni Mkubwa na juu ya ulimwengu kwa ujumla.

15. Ni nini maana ya maneno ya Yesu kwamba yeye “hutoa ushahidi wa vitu hivi” na “mimi ninakuja upesi”?

¹⁵ Sasa Yesu aongeza neno la mwisho la kitia-moyo: “Yeye ambaye hutoa ushahidi wa vitu hivi asema, ‘Ndiyo; mimi ninakuja upesi.’” (Ufunuo 22:20a, NW) Yesu ndiye “shahidi mwaminifu na wa kweli.” (Ufunuo 3:14, NW) Ikiwa yeye hutoa ushahidi wa njozi za Ufunuo, lazima ziwe za kweli. Yeye na Yehova Mungu mwenyewe pia wanakazia kwa kurudia-rudia uhakika wa kwamba wanakuja “upesi,” au karibuni, Yesu akisema hivyo hapa kwa mara ya tano. (Ufunuo 2:16; 3:11; 22:7, 12, 20) ‘Kuja’ huko ni kutekeleza hukumu juu ya kahaba, juu ya “wafalme” wa kisiasa na wengine wote wanaopinga “ufalme wa Bwana [Yehova] wetu na wa Kristo wake.”—Ufunuo 11:15; 16:14, 16; 17:1, 12-14, NW.

16. Ukijua kwamba Yehova Mungu na Yesu wanakuja upesi, imekupasa wewe uchukue tendo gani la kuazimia?

¹⁶ Kujua kwako kwamba Yehova Mungu na Yesu wanakuja upesi kwapasa kukutie moyo uweke “karibu akilini kuwapo kwa siku ya Yehova.” (2 Petro 3:12, NW) Wowote unaoonekana kuwa uthabiti wa dunia ya mfumo wa mambo wa Shetani ni udanganyo. Lolote linaloonekana kuwa fanikio ambalo mbingu za watawala walimwengu chini ya Shetani huenda wakapata linapita tu. Vitu hivi vinapitilia mbali. (Ufunuo 21:1) Udumu pekee unapatikana katika Yehova, Ufalme wake chini ya Yesu Kristo, na ulimwengu mpya wake ulioahidiwa. Usikose kamwe kuona hilo!—1 Yohana 2:15-17.

17. Uthamini wako wa utakatifu wa Yehova wapasa ukuathirije?

¹⁷ Basi, wewe na uruhusu yale ambayo umejifunza kutoka kitabu cha Ufunuo yaathiri sana maisha yako. Je! mtupio-jicho wako ndani ya kuwapo kwa kimbingu kwa Yehova haukutia juu yako chapa ya utukufu na utakatifu unaopita wote wa Muumba wetu? (Ufunuo 4:1–5:14) Ni pendeleo wee kutumikia Mungu kama huyo! Uthamini wako wa utakatifu wake na ukusukume uchukue kwa uzito sana shauri la Yesu kwa makundi saba na kuepuka vitu kama utafutaji vitu vya kimwili, ibada ya sanamu, utovu wa adili, uvuguvugu, ufaraka wa uasi-imani, au kingine chochote ambacho kingeweza kufanya utumishi wako kuwa usiokubalika kwa Yehova. (Ufunuo 2:1–3:22) Maneno ya mtume Petro kwa jamii ya Yohana yanatumika pia kikanuni kwa umati mkubwa: “Kupatana na Aliye Mtakatifu ambaye aliita nyinyi, nyinyi pia mwe watakatifu wenyewe katika mwenendo wenu wote.”—1 Petro 1:15, 16, NW.

18. Ni katika nini yakupasa ushiriki sehemu kamili iwezekanavyo, na kwa nini kazi hii ni ya muhimu leo?

¹⁸ Kwa kuongezea, wewe na usukumwe kwenye bidii mpya unapotangaza “mwaka wa nia njema upande wa Yehova na siku ya kisasi upande wa Mungu wetu.” (Isaya 35:4; 61:2, NW) Kwamba wewe ni wa kundi dogo au wa umati mkubwa, na uwe na hisa kamili zaidi iwezekanavyo katika kutangaza wazi kumiminwa kwa mabakuli saba ya kasirani ya Yehova, kusimulia habari za hukumu za Mungu juu ya ulimwengu wa Shetani. Wakati uo huo, ungisha sauti yako kwenye mbiu yenye shangwe ya habari njema kuhusu Ufalme uliosimamishwa wa Yehova na Kristo wake. (Ufunuo 11:15; 14:6, 7) Uwe katika kazi hii kihima. Na ung’amuzi wa kwamba sisi tumo katika siku ya Bwana na usukume wengi ambao hawatumikii Yehova bado wajiunge katika kazi ya kupiga mbiu ya habari njema. Hawa pia na wasonge mbele kuelekea kuweka maisha zao wakfu kwa Mungu kwa kutazamia ubatizo. Kumbuka, “wakati uliowekwa u karibu”!—Ufunuo 1:3, NW.

19. Ni maneno gani yenye kufunga ya mtume Yohana mwenye umri wa uzee, na wewe unayaitikiaje?

¹⁹ Hivyo, pamoja na Yohana, sisi tunasali kwa bidii: “Ameni! Njoo, Bwana Yesu.” Na Yohana, mtume mwenye umri wa uzee, aongeza: “Fadhili zisizostahiliwa za Bwana Yesu Kristo na ziwe pamoja na watakatifu.” (Ufunuo 22:20b, 21, NW) Na ziwe pia na nyinyi nyote mnaosoma kichapo hiki. Na mwe na imani ya kwamba upeo mtukufu wa Ufunuo umekaribia, ili nyinyi pia mweze kujiunga nasi katika kusema kutoka moyoni “Ameni!”

[Picha katika ukurasa wa 314]

“Nje kuna mbwa . . . ”

[Picha katika ukurasa wa 315]

“Wenye furaha ni wale ambao . . . wamkini kupata mwingilio ndani ya jiji kupitia malango yalo”