Cha Pili cha Wafalme

9 Kisha nabii Elisha akamuita mumoja wa wana wa manabii na kumuambia: “Funga nguo zako kuzunguka kiuno chako, na ukamate haraka chupa hii ya mafuta na uende Ramoti-gileadi.+ 2 Wakati utafika kule, tafuta Yehu+ mwana wa Yehoshafati mwana wa Nimshi; ingia ndani na umusimamishe kutoka katikati ya ndugu zake na umupeleke katika chumba cha ndani kabisa. 3 Kisha ukamate chupa ya mafuta na uyamwange juu ya kichwa chake na kusema, ‘Yehova anasema hivi: “Ninakutia mafuta kuwa mufalme juu ya Israeli.”’+ Kisha ufungue mulango na ukimbie bila kukawia.”

4 Basi ule mutumishi wa nabii akaondoka na kuenda Ramoti-gileadi. 5 Wakati alifika, wakubwa wa jeshi walikuwa wamekaa pale. Akasema: “Niko na ujumbe kwa ajili yako, Ee mukubwa.” Yehu akauliza: “Ni kwa ajili ya nani kati yetu?” Akasema: “Ni kwa ajili yako, Ee mukubwa.” 6 Basi Yehu akasimama na kuingia ndani ya nyumba; ule mutumishi akamwanga yale mafuta juu ya kichwa chake na kumuambia, “Yehova Mungu wa Israeli anasema hivi: ‘Ninakutia mafuta kuwa mufalme juu ya watu wa Yehova, juu ya Israeli.+ 7 Unapaswa kupiga na kuua nyumba ya Ahabu bwana wako, na mimi nitalipiza damu ya watumishi wangu manabii na ya watumishi wote wa Yehova wenye walikufia katika mikono ya Yezebeli.+ 8 Na nyumba yote ya Ahabu itaangamia; na nitaharibu kutoka kwa Ahabu kila mwanaume,* kutia ndani wenye hawana uwezo na wenye kuwa wazaifu katika Israeli.+ 9 Na nitafanya nyumba ya Ahabu kuwa kama nyumba ya Yeroboamu+ mwana wa Nebati na kama nyumba ya Baasha+ mwana wa Ahiya. 10 Na Yezebeli, imbwa watamukula katika shamba kule Yezreeli,+ na hakuna mutu yeyote mwenye atamuzika.’” Kisha akafungua mulango na kukimbia.+

11 Wakati Yehu alirudia kwa watumishi wa bwana wake, wakamuuliza: “Je, mambo yote ni sawa? Sababu gani mwenda-wazimu huyu alikuja kwako?” Akawajibu: “Ninyi munajua muzuri mutu huyo na namna yake ya kuongea.” 12 Lakini wakasema: “Hiyo haiko kweli! Tafazali, utuambie.” Kisha akasema: “Aliniambia hivi, na kisha akaongezea, ‘Yehova anasema hivi: “Ninakutia mafuta kuwa mufalme juu ya Israeli.”’”+ 13 Halafu kila mumoja wao akakamata nguo yake haraka na kuitia chini yake juu ya zile ngazi zenye kuwa wazi,+ na wakapiga baragumu na kusema: “Yehu amekuwa mufalme!”+ 14 Kisha Yehu+ mwana wa Yehoshafati mwana wa Nimshi akafanya mupango mubaya juu ya Yehoramu.

Yehoramu alikuwa anafanya ulinzi kule Ramoti-gileadi,+ yeye na Israeli wote, kwa sababu ya Mufalme Hazaeli+ wa Siria. 15 Kisha wakati fulani Mufalme Yehoramu akarudia Yezreeli+ ili kupona vidonda vyenye Wasiria walikuwa wamemuumiza wakati alipigana na Mufalme Hazaeli wa Siria.+

Sasa Yehu akasema: “Kama munakubali,* musiache mutu yeyote aponyoke kutoka katika muji na kupeleka habari hii katika Yezreeli.” 16 Kisha Yehu akapanda gari lake na kuenda Yezreeli, kwa maana Yehoramu alikuwa amelala kule akiwa ameumizwa, na Mufalme Ahazia wa Yuda alikuwa ameshuka kuenda kuona Yehoramu. 17 Wakati mulinzi alikuwa amesimama juu ya munara katika Yezreeli, aliona kundi kubwa la wanaume wa Yehu likikaribia. Mara moja akasema: “Ninaona kundi kubwa la wanaume.” Yehoramu akasema: “Chukua mupanda-farasi mumoja na umutume akutane nao, na aseme, ‘Munakuja kwa amani?’” 18 Basi mupanda-farasi akaenda kukutana naye na akasema: “Mufalme anasema hivi: ‘Munakuja kwa amani?’” Lakini Yehu akasema: “Je, mambo ya ‘amani’ yanakuangalia? Pita nyuma yangu!”

Kisha ule mulinzi akatoa habari: “Mujumbe aliwafikia, lakini hakurudia.” 19 Basi akatuma mupanda-farasi wa pili, na wakati alikutana nao alisema: “Mufalme anasema hivi: ‘Munakuja kwa amani?’” Lakini Yehu akasema: “Je, mambo ya ‘amani’ yanakuangalia? Pita nyuma yangu!”

20 Kisha ule mulinzi akatoa habari: “Aliwafikia, lakini hakurudia, na namna yake ya kuendesha gari ni kama namna ya kuendesha gari ya Yehu mujukuu* wa Nimshi, kwa maana anaendesha gari kama mwenda-wazimu.” 21 Yehoramu akasema: “Funga gari!” Basi gari lake la vita likafungwa na Mufalme Yehoramu wa Israeli na Mufalme Ahazia+ wa Yuda wakaondoka ili kukutana na Yehu, kila mumoja akiwa katika gari lake la vita. Wakakutana naye katika shamba la Naboti+ Muyezreeli.

22 Wakati tu Yehoramu alimuona Yehu, akasema: “Yehu, unakuja kwa amani?” Lakini akasema: “Kunaweza kuwa amani gani wakati kungali ukahaba wa Yezebeli+ mama yako na ulozi wake mwingi?”+ 23 Mara moja Yehoramu akageuza gari lake ili akimbie, na akamuambia Ahazia: “Tumedanganywa, Ahazia!” 24 Yehu akakamata upinde wake na akamupiga Yehoramu mushale katikati ya mabega, na mushale huo ukatokea katika moyo wake, na akaanguka ndani ya gari lake la vita. 25 Kisha akamuambia Bidkari kamanda wake musaidizi: “Umuinue na kumutupa katika shamba la Naboti Muyezreeli.+ Kumbuka, wewe na mimi tulikuwa tunapanda farasi pamoja* nyuma ya Ahabu baba yake wakati Yehova mwenyewe alitoa tangazo hili juu yake:+ 26 ‘“Kama vile hakika niliona damu ya Naboti+ na damu ya wana wake jana,” ni vile Yehova anasema, “nitakulipa+ wewe katika shamba hilihili,” ni vile Yehova anasema.’ Basi sasa umuinue na umutupe katika shamba hili, kulingana na neno la Yehova.”+

27 Wakati Mufalme Ahazia+ wa Yuda aliona mambo yenye yalikuwa yanafanyika, alikimbia kupitia njia ya nyumba ya bustani. (Kisha wakati fulani Yehu akamufuatilia na kusema: “Mumupige yeye pia na kumuua!” Basi wakamupiga na kumuua ndani ya gari wakati alikuwa anapanda kuelekea Guri, yenye kuwa karibu na Ibleamu.+ Lakini akaendelea kukimbia mupaka Megido na akakufia kule. 28 Kisha watumishi wake wakamubeba ndani ya gari mupaka Yerusalemu, na wakamuzika katika kaburi lake pamoja na mababu zake katika Muji wa Daudi.+ 29 Ilikuwa katika mwaka wa kumi na moja [11] wa Yehoramu mwana wa Ahabu+ ndipo Ahazia alikuwa mufalme juu ya Yuda.)

30 Wakati Yehu alifika Yezreeli,+ Yezebeli+ akasikia habari hiyo. Basi akapakaa rangi nyeusi* kwenye macho yake na akapamba kichwa chake na akaangalia chini kupitia dirisha. 31 Wakati Yehu aliingia kupitia mulango mukubwa, Yezebeli akasema: “Je, mambo yalikuwa muzuri kwa Zimri, muuaji wa bwana wake?”+ 32 Yehu akaangalia juu kwenye dirisha, akasema: “Ni nani mwenye kuwa upande wangu? Ni nani?”+ Mara moja maofisa wawili ao watatu (3) wa makao ya mufalme wakaangalia chini na kumuona. 33 Akasema: “Mumutupe chini!” Basi wakamutupa chini, na sehemu fulani ya damu yake ikasambaa kwenye ukuta na kwenye farasi, na akamukanyanga-kanyanga. 34 Kisha pale akaingia ndani na akakula na kunywa. Kisha akasema: “Tafazali, mushugulikie mwanamuke huyu mwenye kulaaniwa na mumuzike. Kwa maana yeye ni binti ya mufalme.”+ 35 Lakini wakati walienda kumuzika, hawakupata kitu chochote isipokuwa mufupa wake wa kichwa na miguu yake na viganja vya mikono yake.+ 36 Wakati walirudia na kumuambia, akasema: “Jambo hilo linatimiza neno la Yehova+ lenye alisema kupitia mutumishi wake Eliya Mutishbi, akisema, ‘Katika shamba la Yezreeli, imbwa watakula mwili wa Yezebeli.+ 37 Na maiti ya Yezebeli itakuwa kama mbolea juu ya uso wa shamba katika shamba la Yezreeli, ili watu wasiseme: “Huyu ni Yezebeli.”’”