Kumbukumbu la Torati

27 Kisha Musa pamoja na wazee wa Israeli wakaamuru watu, na kusema: “Mushike kila amri yenye ninawapatia leo. 2 Na siku mutavuka Yordani kuingia katika inchi yenye Yehova Mungu wako anakupatia, utasimamisha majiwe makubwa na kuyapiga lipu.*+ 3 Kisha uandike juu yake maneno yote ya Sheria hii wakati utakuwa umevuka, ili uingie katika inchi yenye Yehova Mungu wako anakupatia, inchi yenye kutiririka maziwa na asali, kama vile Yehova, Mungu wa mababu zako, amekuahidi.+ 4 Wakati mutakuwa mumevuka Yordani, mutasimamisha majiwe hayo kwenye Mulima Ebali+ na utayapiga lipu,* kama vile ninawaamuru leo. 5 Pia utamujengea Yehova Mungu wako mazabahu kule, mazabahu ya majiwe. Usitumie vyombo vya chuma juu ya majiwe hayo.+ 6 Utajenga mazabahu ya Yehova Mungu wako kwa majiwe mazima na kumutolea Yehova Mungu wako matoleo ya kuteketezwa juu yake. 7 Utatoa zabihu za ushirika+ na kuzikula mahali pale,+ na utashangilia mbele ya Yehova Mungu wako.+ 8 Na utaandika waziwazi maneno yote ya Sheria hii juu ya majiwe hayo.”+

9 Kisha Musa na makuhani Walawi wakasema na Israeli wote, na kuwaambia: “Nyamaza na usikilize, Ee Israeli. Leo hii umekuwa kikundi cha watu wa Yehova Mungu wako.+ 10 Unapaswa kusikiliza sauti ya Yehova Mungu wako na kushika amri zake+ na masharti yake, yenye ninakuamuru leo.”

11 Siku hiyo Musa akaamuru watu, na kusema: 12 “Makabila haya yatasimama kwenye Mulima Gerizimu+ ili kubariki watu wakati mutakuwa mumevuka Yordani: Simeoni, Lawi, Yuda, Isakari, Yosefu, na Benyamini. 13 Na makabila haya yatasimama kwenye Mulima Ebali+ ili kutangaza laana: Rubeni, Gadi, Asheri, Zabuloni, Dani, na Naftali. 14 Na Walawi watamujibu kila mutu wa Israeli kwa sauti kubwa:+

15 “‘Alaaniwe mutu mwenye anatengeneza sanamu ya kuchongwa+ ao sanamu ya metali,*+ kitu chenye kuwa chukizo kwa Yehova,+ chenye kilitengenezwa na mikono ya fundi,* na mwenye amekificha.’ (Na watu wote watajibu, na kusema, ‘Amina!’*)

16 “‘Alaaniwe mutu mwenye anamutendea baba yake ao mama yake kwa zarau.’+ (Na watu wote watasema, ‘Amina!’)

17 “‘Alaaniwe mutu mwenye anahamisha alama ya mupaka wa jirani yake.’+ (Na watu wote watasema, ‘Amina!’)

18 “‘Alaaniwe mutu mwenye anamufanya kipofu apotee njia.’+ (Na watu wote watasema, ‘Amina!’)

19 “‘Alaaniwe mutu mwenye anapotosha hukumu+ ya mukaaji mugeni, ya mutoto mwenye hana baba,* ao ya mujane.’+ (Na watu wote watasema, ‘Amina!’)

20 “‘Alaaniwe mutu mwenye analala na bibi ya baba yake, kwa sababu amemuletea baba yake haya.’*+ (Na watu wote watasema, ‘Amina!’)

21 “‘Alaaniwe mutu mwenye analala na munyama yeyote.’+ (Na watu wote watasema, ‘Amina!’)

22 “‘Alaaniwe mutu mwenye analala na dada yake, binti ya baba yake ao binti ya mama yake.’+ (Na watu wote watasema, ‘Amina!’)

23 “‘Alaaniwe mutu mwenye analala na mama-mukwe wake.’+ (Na watu wote watasema, ‘Amina!’)

24 “‘Alaaniwe mutu mwenye anavizia na kuua jirani yake.’+ (Na watu wote watasema, ‘Amina!’)

25 “‘Alaaniwe mutu mwenye anakubali rushwa* ili amuue* mutu mwenye hana kosa.’*+ (Na watu wote watasema, ‘Amina!’)

26 “‘Alaaniwe mutu mwenye hataunga mukono maneno haya ya Sheria hii kwa kuyatenda.’+ (Na watu wote watasema, ‘Amina!’)