Ya Kwanza ya Yohana

3 Muone namna ya upendo wenye Baba ametupatia sisi,+ kwamba tuitwe watoto wa Mungu!+ Na ni vile tuko. Ndiyo sababu ulimwengu hautujue,+ kwa sababu haumujue yeye.+ 2 Wapendwa, sasa sisi ni watoto wa Mungu,+ lakini bado haijafunuliwa namna tutakuwa.+ Tunajua kama wakati atafunuliwa tutakuwa kama yeye, kwa sababu tutamuona vile iko.* 3 Na kila mutu mwenye kuwa na tumaini hili ndani yake anajisafisha,+ kama vile huyo iko* safi.

4 Kila mutu mwenye anazoea kufanya zambi anaendelea pia kufanya uvunjaji wa sheria, na zambi ni uvunjaji wa sheria. 5 Munajua pia kama alifunuliwa ili kutosha zambi zetu,+ na hakuna zambi ndani yake. 6 Kila mutu mwenye anakaa katika umoja naye haendelee kufanya zambi;+ hakuna mutu mwenye anazoea kufanya zambi mwenye amemuona ao kumujua. 7 Watoto wadogo, mutu yeyote asiwapotoshe ninyi; mutu mwenye anazoea kutenda haki ni mwenye haki, kama vile huyo ni mwenye haki. 8 Mutu mwenye anazoea kufanya zambi anatokana na Ibilisi, kwa sababu Ibilisi amekuwa akifanya zambi tangu mwanzo.*+ Kwa kusudi hili Mwana wa Mungu alifunuliwa, ili avunje* kazi za Ibilisi.+

9 Kila mutu mwenye amezaliwa kutokana na Mungu hazoee kufanya zambi,+ kwa sababu mbegu* Yake inakaa ndani ya mutu huyo, na hawezi kuwa na mazoea ya kufanya zambi, kwa sababu amezaliwa kutokana na Mungu.+ 10 Watoto wa Mungu na watoto wa Ibilisi wanaonekana kupitia jambo hili: Mutu yeyote mwenye hazoee kutenda haki hatokane na Mungu, na pia ule mwenye hamupendi ndugu yake.+ 11 Kwa maana huu ndio ujumbe wenye mumesikia tangu mwanzo, kwamba tunapaswa kupendana;+ 12 hapana kama Kaini, mwenye alitokana na ule muovu na akamuua ndugu yake.+ Na sababu gani alimuua? Kwa sababu matendo yake mwenyewe yalikuwa maovu,+ lakini matendo ya ndugu yake yalikuwa ya haki.+

13 Ndugu, musishangae kwamba ulimwengu unawachukia ninyi.+ 14 Tunajua kama tumevuka kutoka kifo mupaka uzima,+ kwa sababu tunapenda ndugu.+ Mutu mwenye hapendi anakaa katika kifo.+ 15 Kila mutu mwenye anamuchukia ndugu yake ni muuaji,+ na munajua kama hakuna muuaji mwenye uzima wa milele unakaa ndani yake.+ 16 Kupitia jambo hili, sisi tumejua upendo, kwa sababu huyo alitoa uzima wake* kwa ajili yetu,+ na sisi tunalazimika kutoa uzima wetu* kwa ajili ya ndugu zetu.+ 17 Lakini kama mutu yeyote iko* na vitu vya ulimwengu huu na anaona ndugu yake katika uhitaji lakini anakataa kumuonyesha huruma, namna gani upendo wa Mungu unakaa ndani yake?+ 18 Watoto wadogo, ­tunapaswa kupendana, hapana kwa neno ao kwa ulimi,+ lakini kwa tendo+ na kweli.+

19 Kwa jambo hili tutajua kama tunatokana na ­kweli, na ­tutahakikishia* mioyo yetu mbele yake 20 juu ya jambo lolote lenye pengine mioyo yetu inaweza kutuhukumu, kwa sababu Mungu ni mukubwa kuliko mioyo yetu na anajua mambo yote.+ 21 Wapendwa, kama mioyo yetu haituhukumu, tuko na uhuru wa kusema mbele ya Mungu;+ 22 na chochote chenye tunaomba tunakipokea kutoka kwake,+ kwa sababu tunashika amri zake na tunafanya mambo yenye kupendeza mbele ya macho yake. 23 Kwa kweli, hii ndiyo amri yake: kwamba tukuwe na imani katika jina la Mwana wake Yesu Kristo+ na tupendane,+ kama vile alitupatia amri. 24 Zaidi ya hayo, mutu mwenye anashika amri zake anakaa katika umoja naye, na yeye anakaa katika umoja na mutu huyo.+ Na kupitia roho yenye alitupatia, tunajua kama anakaa katika umoja na sisi.+