SOMO YA 01
Unawaza Biblia Inaweza Kukusaidia?
Karibu siye wote tunajiulizaka hii maulizo: Juu ya nini tuko hapa ku dunia? Juu ya nini kuko mateso na kifo? Maisha itakuwa namna gani mu siku zenye ziko nakuya? Tena, kuko mambo ingine yenye inatuhangaishaka kila siku. Kwa mufano, tunajiulizaka wapi njo tutapata makuta ya kuuza vitu vyenye tuko navyo lazima, ao tunaweza kufanya nini juu familia yetu ikuwe na furaha. Watu wengi wameona kama Biblia inajibia maulizo ya maana yenye wanajiulizaka. Na wameona kama Biblia inawapatia mashauri yenye inawasaidia kila siku. Na weye unawaza Biblia inaweza kutusaidia?
1. Biblia inajibia maulizo gani?
Biblia inajibia hii maulizo ya maana: Uzima ulianza namna gani? Juu ya nini tuko hapa ku dunia? Juu ya nini watu wazuri wanatesekaka? Mutu mwenye anakufa iko mu hali gani? Kila mutu anapendaka amani, sasa juu ya nini kunakuwaka vita? Dunia itakuwa namna gani mu siku zenye ziko nakuya? Biblia inatuambia kama ni muzuri tutafute majibu ya ile maulizo na ya maulizo ingine. Na watu wengi wameona kama Biblia inajibia muzuri maulizo yenye wanajiulizaka.
2. Namna gani Biblia inaweza kutusaidia tukuwe na furaha?
Biblia iko na mashauri ya muzuri. Kwa mufano, inaonyesha mambo yenye kila mutu mu familia anaweza kufanya juu familia ikuwe na furaha ya kweli. Inatuambia mambo ya kufanya wakati tuko na mahangaiko, na pia mambo ya kufanya juu tufurahie kazi yetu. Utajua Biblia inasema nini juu ya ile mambo na juu ya mambo ingine wakati tutakuwa tunajifunza hii kitabu. Utafikia kuona kama kila Andiko [mambo yote yenye Biblia inasema] iko na faida.—2 Timoteo 3:16.
Hii kitabu haikamate nafasi ya Biblia. Lakini, inakutia moyo uchunguze Biblia weye peke. Njo maana ni muzuri ukuwe unasoma maandiko yenye iko mu kila somo. Na kisha, uone kama inapatana na mambo yenye uko unajifunza.
TUJIFUNZE MAMBO MINGI ZAIDI
Tuone namna Biblia imesaidia watu, mambo yenye unaweza kufanya juu ufurahie kuisoma, na juu ya nini ni muzuri uombe mutu akusaidie kuielewa.
3. Biblia inaweza kutuongoza
Biblia iko sawa torshe. Torshe inatusaidiaka kuona njia. Biblia nayo inaweza kutusaidia tukamate maamuzi ya muzuri na inaweza kutusaidia tujue mambo yenye itatokea mu siku zenye ziko nakuya.
Musome Zaburi 119:105, na kisha muzungumuzie hii maulizo:
Mwenye aliandikaka hii zaburi alikuwa na mawazo gani juu ya Biblia?
Na weye uko na mawazo gani juu ya Biblia?
4. Biblia iko na majibu ya maulizo yenye tunajiulizaka
Mwanamuke mumoja alipata mu Biblia majibu ya maulizo yenye alikuwaka anajiuliza miaka mingi. Muangalie VIDEO, na kisha muzungumuzie maulizo yenye iko hapa chini.
Vile uliona mu video, ule mwanamuke alikuwaka anajiuliza maulizo gani?
Namna gani kujifunza Biblia kulimusaidia?
Biblia inasema ni muzuri tukuwe tunauliza maulizo. Musome Matayo 7:7, na kisha muzungumuzie hii ulizo:
Na weye unajiulizaka maulizo gani yenye Biblia inaweza kujibia?
5. Unaweza kufurahia kusoma Biblia
Watu wengi wanafurahia kusoma Biblia na wamepata faida. Muangalie VIDEO, na kisha muzungumuzie maulizo yenye iko hapa chini.
Vile uliona mu video, wale vijana wako na mawazo gani juu ya kusoma?
Lakini juu ya nini wanafurahiaka kusoma Biblia?
Mafundisho ya Biblia inaweza kutufariji na kutupatia tumaini. Musome Waroma 15:4, na kisha muzungumuzie hii ulizo:
Unapenda kujua mambo mingi yenye Biblia inasema, yenye inaweza kukufariji na kukupatia tumaini?
6. Wengine wanaweza kukusaidia uelewe Biblia
Watu wengi wanajisomeaka Biblia. Hata vile, wameona kama kuizungumuzia na wengine kunasaidiaka sana. Musome Matendo 8:26-31, na kisha muzungumuzie hii ulizo:
Inaomba nini juu mutu aelewe Biblia?—Ona mustari wa 30 na 31.
Mwanaume Mwetiopia alikuwa na lazima ya mutu wa kumusaidia kuelewa Maandiko. Leo watu wengi wameona kama juu waelewe Biblia, wako na lazima ya kuizungumuzia na mutu mwingine
WATU FULANI WANASEMAKA: “Kujifunza Biblia ni kupoteza wakati.”
Na weye unawazaka vile? Juu ya nini unasema vile?
KWA KIFUPI
Biblia inatupatia mashauri ya muzuri, inajibia maulizo ya maana, na inatufariji na kutupatia tumaini.
Maulizo ya kujikumbusha
Mashauri ya Biblia inaweza kutusaidia mu mambo gani?
Biblia inajibia maulizo gani?
Utapenda kujifunza mambo gani mu Biblia?
HABARI ZINGINE
Ona namna mashauri ya Biblia inaweza kutusaidia leo.
“Mafundisho ya Biblia Ni Yenye Hekima Sikuzote” (Munara wa Mulinzi Na. 1 2018)
Ona namna Biblia ilisaidia mwanaume fulani mwenye alikuwa anapiganisha mahangaiko tangu wakati alikuwa mutoto.
Uchunguze mashauri ya Biblia yenye inaweza kusaidia familia.
“Siri 12 ili Kuwa na Familia Yenye Furaha” (Amuka! Na. 2 2018)
Ona namna Biblia inatusaidia kujua ni nani anatawala kabisa ulimwengu.