சங்கீதம்

 2 அவருடைய சன்னிதிக்கு வந்து நன்றி சொல்வோம்!+

அவர்முன் பாடல் பாடி, வெற்றி முழக்கம் செய்வோம்!

 3 ஏனென்றால், யெகோவாதான் மகத்தான கடவுள்.

அவர்தான் மற்ற எல்லா தெய்வங்களுக்கும் மேலான மகா ராஜா.+

 4 பூமியின் ஆழங்கள் அவருடைய கையில் இருக்கின்றன.

மலைகளின் சிகரங்களும் அவருடைய கையில்தான் இருக்கின்றன.+

 5 அவர் உண்டாக்கிய கடலும் அவருக்குத்தான் சொந்தம்.+

நிலத்தையும் அவருடைய கைகள்தான் உண்டாக்கின.+

 6 வாருங்கள், அவரை வணங்குவோம்; அவர்முன் தலைவணங்குவோம்.

நம்மைப் படைத்த யெகோவாவுக்குமுன் மண்டிபோடுவோம்.+

 7 ஏனென்றால், அவர்தான் நம் கடவுள்.

நாம் அவருடைய ஜனங்களாகவும்,

அவர் அக்கறையோடு மேய்க்கிற ஆடுகளாகவும் இருக்கிறோம்.+

இன்று நீங்கள் அவருடைய பேச்சைக் கேட்டால் எவ்வளவு நன்றாக இருக்கும்!+

 8 உங்களுடைய முன்னோர்கள் மேரிபாவில்* செய்தது போலவும்,

வனாந்தரத்திலுள்ள மாசாவில்* செய்தது போலவும்,+

உங்கள் இதயத்தை இறுகிப்போகச் செய்யாதீர்கள்.+

 9 அங்கே அவர்கள் என்னைச் சோதித்தார்கள்.+

நான் செய்த செயல்களைப் பார்த்திருந்தும், என்னிடமே சவால்விட்டார்கள்.+

“அவர்களுடைய இதயம் எப்போதும் வழிவிலகிப் போகிறது” என்றும்,

“அவர்கள் என் வழிகளைத் தெரிந்துகொள்ளாமல் இருக்கிறார்கள்” என்றும் சொன்னேன்.