உன்னதப்பாட்டு

8 “நீங்கள் என் தாயிடம் பால் குடித்த என் சகோதரனாக இருந்திருக்கக் கூடாதா?

இருந்திருந்தால், வீட்டுக்கு வெளியே பார்க்கும்போதுகூட உங்களுக்கு முத்தம் கொடுப்பேனே.+

 2 நான் உங்களை அழைத்து வருவேன்.

எனக்குக் கற்றுக்கொடுத்த தாயின் வீட்டுக்குள் அழைத்து வருவேன்.+

நறுமணப் பொருள்கள் கலந்த திராட்சமதுவைக் குடிக்கக் கொடுப்பேன்.

 3 அவருடைய இடது கை என் தலையின் கீழ் இருக்கும்.

அவருடைய வலது கை என்னை அணைத்துக்கொள்ளும்.+

 5 “வனாந்தரத்திலிருந்து வருகிற இவள் யார்?”

காதலன்மேல் சாய்ந்தபடி வருகிற இவள் யார்?

 6 உங்கள் இதயத்தில் என்னை முத்திரையாகப் பதியுங்கள்.

உங்கள் கையில் என்னை முத்திரையாகக் குத்துங்கள்.

அன்பு, மரணத்தைப் போல் வலிமையானது.+

இணைபிரியாத* நேசம், கல்லறையைப் போல் விடாப்பிடியானது.

 7 பாய்ந்து வரும் வெள்ளம்கூட அன்பின் ஜுவாலையை அணைக்க முடியாது.+

ஓடிவரும் நதிகள்கூட அன்பை அடித்துச் செல்ல முடியாது.+

ஒருவன் அன்பை விலைக்கு வாங்க தன் செல்வத்தைக் கொட்டிக் கொடுத்தாலும்,

அந்தச் செல்வம் அடியோடு ஒதுக்கித்தள்ளப்படும்.”*

 8 “நமக்கு ஒரு தங்கை இருக்கிறாள்.+

அவளுக்கு மார்புகள் இல்லை.

அவளை யாராவது பெண் கேட்டு வரும்போது

நாம் என்ன செய்வோம்?”

 9 “அவள் ஒரு மதிலாக இருந்தால்,

அவள்மேல் வெள்ளிக் கொத்தளம் அமைப்போம்.

அவள் ஒரு கதவாக இருந்தால்,

அவள்மேல் தேவதாரு பலகை அடிப்போம்.”

10 “நான் மதில்தான்,

என் மார்புகள் கோபுரம்போல் இருக்கின்றன.

என் மனதில் அமைதி குடிகொண்டிருக்கிறது,

என்னவர் அதை அறிந்திருக்கிறார்.

சாலொமோன் ராஜாவே, ஆயிரம் வெள்ளிக் காசுகள் உங்களிடமே இருக்கட்டும்.

இருநூறு வெள்ளிக் காசுகள் அந்தத் தோட்டக்காரர்களிடமே இருக்கட்டும்.”

13 “தோட்டங்களில் தங்கியிருப்பவளே,+

உன் குரல் கேட்க நண்பர்கள் காத்திருக்கிறார்கள்.

14 “என் அன்பே, சீக்கிரம் வாருங்கள்.

நறுமணச் செடிகள் மண்டிக்கிடக்கிற மலைகளிலே

துள்ளியோடுகிற கலைமான்* போலவும்,+

மான்குட்டி போலவும் துள்ளியோடி வாருங்கள்.”