ஏசாயா
13 பாபிலோனுக்கு எதிரான தீர்ப்பைப்+ பற்றி ஆமோத்சின் மகனாகிய ஏசாயா+ பார்த்த தரிசனம்:
2 “மரங்கள் இல்லாத மலைமேல் கொடியை ஏற்றுங்கள்.*+
சத்தமாக அவர்களைக் கூப்பிடுங்கள்.
அதிபதிகளுடைய வாசல்கள் வழியாக வரச் சொல்லி சைகை காட்டுங்கள்.
3 நான் நியமித்த ஆட்களுக்குக்+ கட்டளை கொடுத்திருக்கிறேன்.
என்னுடைய தண்டனையை நிறைவேற்ற என் வீரர்களை அழைத்திருக்கிறேன்.
அவர்கள் பெருமிதத்தோடு வருகிறார்கள்.
4 மலைகளில் ஏராளமான ஆட்கள் திரண்டிருக்கிறார்கள்.
அவர்கள் போடும் சத்தத்தைக் கேளுங்கள்!
பல தேசத்தார் கூடியிருக்கிறார்கள்.+
அவர்கள் போடும் கூச்சலைக் கேளுங்கள்!
பரலோகப் படைகளின் யெகோவா போருக்காகப் படையைத் திரட்டுகிறார்.+
ஆம், தொடுவானத்தின் எல்லையிலிருந்து,
உலகம் முழுவதையும் அழிப்பதற்காக+ யெகோவா வருகிறார்,
அவருடைய கோபத்தின் ஆயுதங்களும் வருகின்றன.
6 புலம்பி அழுங்கள்! யெகோவாவின் நாள் நெருங்கிவிட்டது!
சர்வவல்லமையுள்ளவர் அழிவைக் கொண்டுவரும் நாள் அது.+
8 ஜனங்கள் கதிகலங்கிப்போவார்கள்.+
பிரசவ வேதனைப்படுகிற பெண்ணைப் போல
வேதனையிலும் வலியிலும் துடிப்பார்கள்.
பயத்தில் அவர்களுடைய முகம் வெளுத்துப்போகும்.
மிரண்டுபோய் ஒருவரை ஒருவர் பார்ப்பார்கள்.
9 இதோ! யெகோவாவின் நாள் வருகிறது.
அவர் தன்னுடைய ஆக்ரோஷத்தையும் ஆவேசத்தையும் கொட்டப்போகும் நாள் அது.
அப்போது, தேசத்திலுள்ள கெட்டவர்கள் அழிக்கப்படுவார்கள்.
தேசத்துக்குக் கோரமான முடிவு வரும்.+
10 வானத்தில் நட்சத்திரங்கள் மின்னாது.
நட்சத்திரக் கூட்டங்கள்*+ ஒளி தராது.
சூரியன் பிரகாசிக்காது.
நிலவு வெளிச்சம் கொடுக்காது.
அகங்காரம்* பிடித்தவர்களின் பெருமைக்கு முடிவுகட்டுவேன்.+
அடக்கி ஒடுக்குகிறவர்களின் ஆணவத்தை அடக்குவேன்.
13 அந்த நாளில், பரலோகப் படைகளின் யெகோவாவாகிய நான் பயங்கரமான கோபத்தைக் காட்டுவேன்.
நான் வானத்தை அதிர வைப்பேன்.
பூமியை உலுக்குவேன்.+
14 அப்போது அவர்கள், துரத்தப்படுகிற கலைமான்கள்* போலவும், மேய்ப்பன் இல்லாத ஆடுகள் போலவும் ஆவார்கள்.
எல்லாரும்* அவரவர் தேசத்துக்கு ஓடுவார்கள்.
அவரவர் ஜனங்களிடம் திரும்புவார்கள்.+
16 அவர்கள்* கண்ணெதிரிலே அவர்களுடைய பிள்ளைகள் கொடூரமாய் அடித்துக் கொல்லப்படுவார்கள்.+
அவர்களுடைய வீடுகள் சூறையாடப்படும்.
அவர்களுடைய மனைவிகள் பலாத்காரம் செய்யப்படுவார்கள்.
17 இதோ, நான் மேதியர்களை அவர்களுக்கு எதிராக வரவழைப்பேன்.+
அவர்கள் வெள்ளியைப் பெரிதாக நினைப்பதில்லை.
தங்கத்துக்காக ஆசைப்படுவதில்லை.
18 அவர்கள் வில்லுகளால் வாலிபர்களை நொறுக்குவார்கள்.+
பிள்ளைகள்மேல் ஈவிரக்கம் காட்ட மாட்டார்கள்.
குழந்தைகளைக்கூட விட்டுவைக்க மாட்டார்கள்.
19 ராஜ்யங்களிலேயே மிகப் பிரமாண்டமான* பாபிலோன் ராஜ்யம்+ அழிக்கப்படும்.
கல்தேயர்களின் மேன்மையும் பெருமையுமான சாம்ராஜ்யம்+ ஒழிக்கப்படும்.
கடவுள் அழித்துப்போட்ட சோதோம் கொமோராவைப் போல அது ஆகும்.+
அரேபியர்கள் யாரும் அங்கே கூடாரம் போட மாட்டார்கள்.
மேய்ப்பர்கள் யாரும் மந்தைகளோடு அங்கே தங்க மாட்டார்கள்.
22 கோபுரங்களில் மிருகங்கள் சத்தமிடும்.
பெரிய மாளிகைகளில் நரிகள் ஊளையிடும்.
பாபிலோனுக்கு நேரம் நெருங்கிவிட்டது; அவளுக்கு இன்னும் அதிக நாள் இல்லை.”+