சங்கீதம்

8 எங்கள் எஜமானாகிய யெகோவாவே, உங்கள் பெயர் பூமியெங்கும் எவ்வளவு மகத்தானது!

உங்களுடைய மேன்மையை வானத்துக்கும் மேலாக உயர்த்தியிருக்கிறீர்கள்!*+

 2 உங்களுடைய விரோதிகளை அடக்குவதற்காக,

எதிரியையும் பழிவாங்குபவனையும் அடக்குவதற்காக,

பிள்ளைகளின் வாயினாலும் குழந்தைகளின் வாயினாலும்+ உங்கள் பலத்தைக் காட்டியிருக்கிறீர்கள்.

 3 உங்கள் கைகளால்* படைக்கப்பட்ட வானத்தைப் பார்க்கும்போது,

நீங்கள் உண்டாக்கிய சந்திரனையும் நட்சத்திரங்களையும் பார்க்கும்போது,+

 4 அற்ப மனுஷனை நீங்கள் ஞாபகம் வைப்பதற்கோ

மனிதகுமாரனை அக்கறையோடு கவனித்துக்கொள்வதற்கோ

அவன் யார் என்று நினைக்கத் தோன்றுகிறது.+

 5 தேவதூதர்களைவிட* அவனைக் கொஞ்சம் தாழ்ந்தவனாக ஆக்கினீர்கள்.

மகிமையையும் மேன்மையையும் அவனுக்குக் கிரீடமாகச் சூட்டினீர்கள்.

 6 உங்கள் கைகளால் படைத்தவற்றின்மேல் அவனுக்கு அதிகாரத்தைக் கொடுத்தீர்கள்.+

எல்லாவற்றையும் அவனுடைய காலடியின் கீழ் கொண்டுவந்தீர்கள்.

 7 ஆடுகளையும் மாடுகளையும்

காட்டு மிருகங்களையும்+

 8 வானத்துப் பறவைகளையும் கடல் மீன்களையும்

கடலில் நீந்துகிற மற்ற எல்லா உயிரினங்களையும் அவனுடைய கட்டுப்பாட்டின்கீழ் கொண்டுவந்தீர்கள்.