ஆமோஸ்

 2 அவர்கள் பாதாளம்வரை* குழிதோண்டிப் பதுங்கிக்கொண்டாலும்,

அவர்களை மேலே இழுத்து வருவேன்.

அவர்கள் வானம்வரை ஏறிப் போனாலும்,

அவர்களைக் கீழே இழுத்து வருவேன்.

 3 அவர்கள் கர்மேல் மலைமேல் ஒளிந்துகொண்டாலும்,

அங்கே அவர்களைத் தேடிக் கண்டுபிடிப்பேன்.+

அவர்கள் என் கண்களிலிருந்து தப்பிக்க கடலுக்கு அடியில் மறைந்துகொண்டாலும்,

அவர்களைக் கடிக்கும்படி பாம்புக்குக் கட்டளை கொடுப்பேன்.

 4 எதிரிகள் அவர்களைப் பிடித்துக்கொண்டு போனாலும்,

அவர்களைக் கொல்லும்படி வாளுக்குக் கட்டளை கொடுப்பேன்.+

அவர்களை ஆசீர்வதிப்பதற்குப் பதிலாக அழிப்பதிலேயே குறியாக இருப்பேன்.+

 5 உன்னதப் பேரரசரான பரலோகப் படைகளின் யெகோவா தேசத்தின் மேல்* கை வைப்பார்.

அப்போது அது அதிரும்,+ ஜனங்களெல்லாம் புலம்புவார்கள்.+

அது எகிப்தின் நைல் நதிபோல் கொந்தளித்து,

அதே நைல் நதிபோல் அடங்கிவிடும்.+

 6 ‘பரலோகம்வரை படிக்கட்டுகளைக் கட்டுபவரும்,

வானம் என்ற கூரையைப் பூமிமேல் விரிப்பவரும்,

கடல்நீரை அள்ளி எடுப்பவரும்,

பூமிமேல் அதைப் பொழிய வைப்பவரும்+

யெகோவா என்ற பெயர் உள்ளவர்தான்.’+

உங்களை நான் எகிப்து தேசத்திலிருந்து விடுதலை செய்யவில்லையா?+

பெலிஸ்தியர்களை கிரேத்தாவிலிருந்தும்,+ சீரியர்களை கீரிலிருந்தும் கூட்டிக்கொண்டு வரவில்லையா?+

 8 யெகோவா சொல்வது இதுதான்: ‘யெகோவாவாகிய நான் உன்னதப் பேரரசர். பாவம் நிறைந்த ராஜ்யத்தை என் கண்கள் பார்க்கின்றன.

அதை இந்தப் பூமியிலிருந்து அழித்துவிடுவேன்.+

 9 இதோ! நான் கட்டளை கொடுக்கிறேன்.

எல்லா தேசத்தார் மத்தியிலும் இருக்கிற இஸ்ரவேலர்களை உலுக்குவேன்.+

10 பாவம் செய்கிற என் ஜனங்கள், “அழிவு எங்களுக்கு வராது, எங்கள் பக்கத்தில்கூட வராது” என்று சொல்கிறார்கள்.

ஆனால், அவர்கள் எல்லாரும் வாளால் சாவார்கள்.’

11 ‘விழுந்துபோன தாவீதின் கூடாரத்தை அந்த நாளிலே எடுத்து நிறுத்துவேன்.+

கூடாரத்தின் கிழிசல்களைத் தைப்பேன்.*

சேதமானவற்றைச் சரிசெய்வேன்.

பூர்வ காலத்தில் இருந்ததைப் போலவே திரும்பக் கட்டுவேன்.+

12 ஏதோமில் மிச்சம் இருப்பதெல்லாம் அப்போது அவர்களுடைய சொத்தாகும்.+

என்னுடைய பெயரால் அழைக்கப்படுகிற எல்லா தேசங்களும் அவர்களுக்குச் சொந்தமாகும்.’

13 யெகோவா சொல்வது இதுதான்: ‘காலம் வரப்போகிறது.

அப்போது, அமோகமான விளைச்சலை அறுவடை செய்வதற்குள் உழுவதற்கான நேரமே வந்துவிடும்.

ஏராளமான திராட்சைப் பழங்களைப் பிழிந்து முடிப்பதற்குள் விதைப்பதற்கான நேரமே வந்துவிடும்.+

மலைகளிலிருந்து தித்திப்பான திராட்சமது சொட்டும்.+

14 சிறைபிடிக்கப்பட்டுப் போன என் ஜனங்களாகிய இஸ்ரவேலர்களைத் திரும்பவும் கூட்டிக்கொண்டு வருவேன்.+

இடிந்து கிடக்கும் நகரங்களை அவர்கள் மறுபடியும் கட்டி அவற்றில் குடியிருப்பார்கள்.+

திராட்சைத் தோட்டங்களை அமைத்து, அவற்றிலிருந்து கிடைக்கும் திராட்சமதுவைக் குடிப்பார்கள்.+

பழத் தோட்டங்களை அமைத்து அவற்றின் பழங்களைச் சாப்பிடுவார்கள்.’+

15 ‘அவர்களுடைய சொந்த தேசத்திலேயே அவர்களை நடுவேன்.

இனி யாரும் அவர்களை அங்கிருந்து பிடுங்கிப்போட மாட்டார்கள்.

நான் கொடுத்த தேசத்திலேயே அவர்கள் குடியிருப்பார்கள்’+ என்று யெகோவா சொல்கிறார்.”