சங்கீதம்

68 கடவுள் எழுந்து, தன்னுடைய எதிரிகளைச் சிதறிப்போகச் செய்யட்டும்.

அவரை வெறுக்கிறவர்கள் அவருக்கு முன்பாக ஓடிப்போகட்டும்.+

 2 காற்றில் மறைந்துபோகும் புகைபோல் அவர்களை நீங்கள் மறைந்துபோகச் செய்யுங்கள்.

நெருப்புக்கு முன்னால் மெழுகு உருகுவதுபோல்,

கடவுளுக்கு முன்னால் பொல்லாதவர்கள் அழிந்துபோகட்டும்.+

 3 ஆனால், நீதிமான்கள் சந்தோஷப்படட்டும்.+

கடவுளுக்கு முன்னால் பூரிப்படையட்டும்.

ஆனந்தமும் மகிழ்ச்சியும் அடையட்டும்.

 5 பரிசுத்த இடத்தில் குடிகொண்டிருக்கிற கடவுள்,+

அப்பா இல்லாத பிள்ளைகளுக்கு அப்பாவாக இருக்கிறார்.

விதவைகளுக்குப் பாதுகாவலராக* இருக்கிறார்.+

 6 தன்னந்தனியாக இருக்கிறவர்களுக்குக் குடியிருக்க வீடு தருகிறார்.+

கைதிகளை விடுதலையாக்கி சீரும் சிறப்புமாக வாழ வைக்கிறார்.+

 7 கடவுளே, உங்களுடைய மக்களை நீங்கள் வழிநடத்தியபோது,*+

பாலைவனத்தின் வழியாக நீங்கள் நடந்து வந்தபோது, (சேலா)

 8 பூமி அதிர்ந்தது;+ உங்கள்முன் வானம் மழையைப் பொழிந்தது.

கடவுளுக்குமுன், இஸ்ரவேலின் கடவுளுக்குமுன், இந்த சீனாய் மலை குலுங்கியது.+

 9 கடவுளே, நீங்கள் நிறைய மழையைத் தந்தீர்கள்.

களைத்துப்போன மக்களுக்குப் புதுத்தெம்பு கொடுத்தீர்கள்.

10 அவர்கள் உங்களுடைய கூடாரங்களில் தங்கியிருந்தார்கள்.+

கடவுளே, உங்களுக்கு நல்ல மனம் இருப்பதால் ஏழைகளுக்குத் தேவையானதைத் தந்தீர்கள்.

11 யெகோவா கட்டளை கொடுக்கிறார்.

நல்ல செய்தியை அறிவிக்கிற பெண்கள் படைபோல் ஏராளமாக இருக்கிறார்கள்.+

13 மனிதர்களே, நீங்கள் தீ மூட்டி அதன் பக்கத்தில்* படுத்துக் கிடந்திருந்தாலும்,

வெள்ளிச் சிறகுகளும் சொக்கத்தங்க இறகுகளும் உள்ள புறா

உங்களுக்குக் கிடைக்கும்.

14 சர்வவல்லமையுள்ளவர் ராஜாக்களைச் சிதறிப்போக வைத்தார்.+

அப்போது, சால்மோனில் பனிமழை பெய்தது.*

15 பாசான் மலை+ கடவுளுடைய* மலை.

பாசான் மலை சிகரங்களைக் கொண்ட மலை.

16 சிகரங்களைக் கொண்ட மலைகளே,

குடிகொள்வதற்காகக் கடவுள் தேர்ந்தெடுத்த* மலையை+ ஏன் பொறாமையோடு பார்க்கிறீர்கள்?

18 “யா”வே,* நீங்கள் மேலே ஏறிப் போனீர்கள்.+

சிறைபிடிக்கப்பட்ட கைதிகளைப் பிடித்துக்கொண்டு போனீர்கள்.

மனிதர்களைப் பரிசுகளாக ஆக்கினீர்கள்.+

அவர்கள் நடுவில் தங்கியிருப்பதற்காக, பிடிவாதக்காரர்களைக்கூட பரிசுகளாக ஆக்கினீர்கள்.+

19 ஒவ்வொரு நாளும் நம்முடைய பாரத்தைச் சுமக்கிற யெகோவா புகழப்படட்டும்.+

நமக்கு மீட்பு தரும் உண்மைக் கடவுள் புகழப்படட்டும். (சேலா)

20 உண்மைக் கடவுள் நமக்கு மீட்பு தரும் கடவுளாக இருக்கிறார்.+

உன்னதப் பேரரசரான யெகோவாதான் சாவிலிருந்து நம்மைத் தப்பிக்க வைக்கிறார்.+

21 கடவுள் தன்னுடைய எதிரிகளின் தலையை நொறுக்குவார்.

தொடர்ந்து கெட்ட வழியில் போகிறவர்களின் மண்டையோட்டைப் பிளப்பார்.+

22 யெகோவா இதைச் சொன்னார்:

“நான் அவர்களை பாசானிலிருந்து+ திரும்பக் கூட்டிக்கொண்டு வருவேன்.

கடலின் ஆழத்திலிருந்து கொண்டுவருவேன்.

23 அப்போது, எதிரிகளின் இரத்தம் உன் பாதங்களில் வழிந்தோடும்.+

அந்த இரத்தத்தை உன்னுடைய நாய்கள் நக்கும்.”

24 கடவுளே, நீங்கள் ஊர்வலம் வருவதை அவர்கள் பார்ப்பார்கள்.

என் கடவுளே, என் ராஜாவே, பரிசுத்த இடத்துக்கு நீங்கள் ஊர்வலமாக வருவதைப் பார்ப்பார்கள்.+

25 பாடகர்கள் எல்லாரும் முன்னால் போகிறார்கள்,

நரம்பிசைக் கருவிகளை வாசிக்கிறவர்கள் எல்லாரும் பின்னால் போகிறார்கள்.+

26 சபைகளிலே கடவுளைப் புகழுங்கள்.

இஸ்ரவேலின் ஊற்றிலிருந்து தோன்றியவர்களே, யெகோவாவைப் புகழுங்கள்.+

27 சின்னஞ்சிறு கோத்திரமாகிய பென்யமீன்+ அவர்களை அடக்கி ஆளுகிறது.

அங்கே யூதாவின் தலைவர்களும், ஆரவாரம் செய்கிற அவர்களுடைய கூட்டத்தாரும்,

செபுலோனின் தலைவர்களும், நப்தலியின் தலைவர்களும் இருக்கிறார்கள்.

29 எருசலேமில் இருக்கிற உங்களுடைய ஆலயத்துக்காக+

ராஜாக்கள் உங்களுக்குக் காணிக்கைகளைக் கொண்டுவருவார்கள்.+

30 நாணல்களுக்கு நடுவே இருக்கிற காட்டு விலங்குகளையும்,

கூட்டமாக இருக்கிற காளைகளையும்,+ அவற்றின் கன்றுகளையும் அதட்டுங்கள்.

அப்போது, மக்கள் வெள்ளிக் காசுகளைக் கொண்டுவந்து தலைவணங்குவார்கள்.

31 எகிப்திலிருந்து வெண்கலப் பொருள்கள் கொண்டுவரப்படும்.*+

கடவுளுக்குக் காணிக்கைகளைக் கொடுப்பதற்காக கூஷ்* தேசத்தார் வேகமாக வருவார்கள்.

32 பூமியிலுள்ள ராஜ்யங்களே, கடவுளைப் போற்றிப் பாடுங்கள்.+

யெகோவாவைப் புகழ்ந்து பாடுங்கள்.* (சேலா)

அவருடைய மகிமை இஸ்ரவேலின் மேல் இருக்கிறது.

அவருடைய பலம் வானத்தில்* இருக்கிறது.

அவர்தான் இஸ்ரவேலின் கடவுள்.

அவர்தான் மக்களுக்குப் பலத்தையும் சக்தியையும் தருகிறவர்.+