சங்கீதம்

94 பழிவாங்குகிற கடவுளாகிய யெகோவாவே,+

பழிவாங்குகிற கடவுளே, உங்கள் வெளிச்சம் பிரகாசிக்கட்டும்!

 3 இன்னும் எவ்வளவு காலத்துக்கு, யெகோவாவே,

இன்னும் எவ்வளவு காலத்துக்குத்தான் பொல்லாதவர்கள் ஆட்டம் போடுவார்கள்?+

 4 அவர்கள் ஏதேதோ பிதற்றுகிறார்கள், ஆணவமாகப் பேசுகிறார்கள்.

தவறு செய்கிற எல்லாரும் தங்களைப் பற்றிப் பெருமையடிக்கிறார்கள்.

 5 யெகோவாவே, அவர்கள் உங்களுடைய மக்களைக் கொடுமைப்படுத்துகிறார்கள்.+

உங்களுடைய சொத்தாகிய ஜனங்களை அடக்கி ஒடுக்குகிறார்கள்.

 6 விதவைகளையும் வேறு தேசத்தைச் சேர்ந்தவர்களையும் கொலை செய்கிறார்கள்.

அப்பா இல்லாத பிள்ளைகளைச் சாகடிக்கிறார்கள்.

 7 “இதையெல்லாம் ‘யா’* பார்க்க மாட்டார்.+

இதையெல்லாம் யாக்கோபின் கடவுள் கண்டுகொள்ள மாட்டார்” என்று சொல்லிக்கொள்கிறார்கள்.+

 8 புத்தியில்லாதவர்களே, இதைப் புரிந்துகொள்ளுங்கள்.

அறிவில்லாதவர்களே, எப்போதுதான் விவேகமாக* நடந்துகொள்வீர்கள்?+

11 மனிதர்களுடைய யோசனைகளெல்லாம் யெகோவாவுக்குத் தெரியும்.

அவை வெறும் மூச்சுக்காற்றுதான் என்பது அவருக்குத் தெரியும்.+

12 “யா”வே,* நீங்கள் யாரைத் திருத்துகிறீர்களோ அவர் சந்தோஷமானவர்.+

யாருக்கு உங்களுடைய சட்டத்தைக் கற்றுக்கொடுக்கிறீர்களோ அவர் சந்தோஷமானவர்.+

13 கஷ்ட காலத்திலும் நீங்கள் அவருக்கு நிம்மதி கொடுப்பீர்கள்.

பொல்லாதவர்களுக்குக் குழி தோண்டப்படும்வரை அவருக்கு நிம்மதி கொடுப்பீர்கள்.+

14 யெகோவா தன்னுடைய மக்களைக் கைவிட மாட்டார்.+

தன்னுடைய சொத்தை ஒதுக்கித்தள்ள மாட்டார்.+

15 மறுபடியும் நீதியான தீர்ப்பு கொடுக்கப்படும்.

நேர்மை நெஞ்சமுள்ள எல்லாரும் அதன்படி நடப்பார்கள்.

17 யெகோவா மட்டும் எனக்குத் துணையாக இருந்திருக்காவிட்டால்,

நான் சீக்கிரத்திலேயே செத்துப்போயிருப்பேன்.+

19 கவலைகள் என்னைத் திணறடித்தபோது,*

நீங்கள் எனக்கு ஆறுதல் தந்து, என் இதயத்துக்கு இதமளித்தீர்கள்.+

20 ஊழல் செய்கிற அதிகாரிகள்* உங்களோடு சேர முடியுமா?

அவர்கள் சட்டத்தின் பெயரில் பிரச்சினை உண்டாக்குகிறார்கள்.+

21 நீதிமானைப் பயங்கரமாகத் தாக்குகிறார்கள்.+

நிரபராதிக்கு மரணத் தீர்ப்பு கொடுக்கிறார்கள்.+

22 ஆனால், யெகோவா எனக்குப் பாதுகாப்பான* அடைக்கலமாக இருப்பார்.

என் கடவுள் எனக்குத் தஞ்சம் தருகிற கற்பாறையாக இருப்பார்.+