உலகத்தைக் கவனித்தல்

பரவும் ஏய்ட்ஸ்

உயிரைக் குடிக்கும் இந்த நோய் பரவுவதானது ஏய்ட்ஸால் பாதிக்கப்பட்டவர்களுடன் அனுதினமும் கொள்ளும் நேரடி தொடர்புகளால் ஏற்படுவது இல்லை என்பதை ஏய்ட்ஸால் பாதிக்கப்பட்ட ஒரு குடும்பத்தை உட்படுத்திய தீவிரமான ஆராய்ச்சியானது முடிவான சான்றுகளை நிலைநாட்டியிருப்பதாக உரிமைப் பாராட்டுகிறது என்று தி நியு இங்லாந்து ஜெர்னல் ஆப் மெடிசன் அறிக்கை செய்கிறது. 39 ஏய்ட்ஸ் நோயாளிகளின் நூறுக்கும் மேற்பட்ட குடும்ப அங்கத்தினர்களை உட்படுத்திய ஒரு ஆராய்ச்சியில், “வீட்டிலுள்ள வசதிகள் மற்றும் உடல் வெளியேற்றும் பொருட்களால் அழுக்கடையக்கூடிய உருப்புகள் ஆகியவற்றைக் கணிசமான அளவுக்குப் பகிர்ந்து கொள்ளுதல் நடைப்பெற்றது,” என்று விஞ்ஞானிகள் குறிப்பிட்டனர். மற்றும் குடும்ப அங்கத்தினர்கள் ஏய்ட்ஸ் நோயாளிகளை முத்தமிடுவது, கட்டித்தழுவுவது, அதோடு துவாலைகளையும் பானம் பருகும் கோப்பைகளையும் பல்துலக்கும் புருஷ்களையும் கழிவறைகளையும் மற்றும் படுக்கைகளையும் பகிர்ந்துகொள்வது உட்பட்டிருந்தது. ஆராய்ச்சியாளர்கள் பரிசோதனைச் செய்த 101 ஆட்களில், 5 வயது சிறுவன் ஒருவன் மட்டுமே ஏய்ட்ஸ் தொற்று நச்சுத்தன்மையின் அறிகுறியினைக் காண்பித்தான். இந்தப் பிள்ளையின் தாய்க்கு இந்த நோய் இருந்தமையால் சிசுவிலிருந்தே அத்துடன் சம்பந்தப்பட்ட கோளாறுகளின் சரித்திரத்தைக் கொண்டதாய் அந்த நோய் கிருமியோடு பிறந்திருக்க வேண்டும். அந்த ஆராய்ச்சியின் பேரில் குறிப்புரைக் கூறுபவராய் டாக்டர் ஹெரால்ட் ஜாஹப் (இவர் நோய்க் கட்டுப்பாட்டிற்காக கூட்டரசு அமைப்பு நிறுவனங்களைக் கொண்ட ஒரு அதிகாரி) குறிப்பிட்டதாவது: “இது [ஏய்ட்ஸ்] தற்செயலாக கடத்தப்படுவது இல்லை என்பதற்குக் கூடுதலான சான்றளிக்கும் ஒரு வலுவான செய்தியாக இருக்கிறது.

நேரம் கணக்கிடும் பிரச்னைகள்

சுவீடன் நாட்டு பருவ இளைஞர்கள் (13-19 வயதிலுள்ளவர்கள்) வழக்கமான முள்காட்டும் கடிகாரங்களைப் பார்த்து நேரம் சொல்வதில் கஷ்டப்படுவதாகத் தெரிகிறது. எண் காட்டும் (டிஜிட்டல்) கடிகாரங்கள் மற்றும் கைக்கடிகாரங்கள் ஆகியவை பேரளவாய் இருப்பதே இதற்குக் காரணம் என்று தி டைம்ஸ் ஆப் லண்டன் அறிக்கை செய்தது. சுமார் 2,000 சுவீடன் நாட்டு பருவப் பிள்ளைகளிடம் நடத்தப்பட்ட ஒரு சுற்றாய்வின்படி ஐந்து பேரில் ஒருவர் “இரண்டே முக்கால்” என்ற கூற்றைப் புரிந்துகொள்ள முடியாத நிலையிலிருந்தனர். அதற்கு மாறாக அவர்கள் “2:45” அல்லது “14:45” என்று சொல்லப்படுவதை விரும்பினர். மேலுமாக, அந்தச் சுற்றாய்வுக் காண்பித்ததென்னவெனில், மூன்று இளைஞரில் ஒருவர் எண்காட்டும் (டிஜிட்டல்) கடிகாரத்தில் நேரம் கணிக்கும் பிரச்னையைக் கொண்டிருந்தார், “ஏனெனில் அது 10 அல்லது 100 சமப்பகுதிகளாக பிரிக்கப்பட்டிருப்பதற்கு மாறாக 60 சமப்பகுதிகளாக பிரிக்கப்பட்டிருக்கிறது.”

தற்கொலை அபாயம்

ஐக்கிய மாகாணங்களில் இருபது நிமிடத்துக்கு ஒரு தற்கொலை நிகழுகிறது. 1970 முதல் 1980-ற்குள் 2,37,322 தற்கொலைகள் பதிவு செய்யப்பட்டிருக்கின்றன. இது நாட்டில் மரணத்துக்குப் பத்தாவது காரணமாக நிரூபிக்கப்பட்டிருக்கிறது. அட்லாண்டா, ஜார்ஜியாவில் நோய்க் கட்டுப்பாட்டு நிறுவனத்தின் டாக்டர் மார்க் L. ரோசன் பெர்க் குறிப்பிடுவதாவது, 15 முதல் 34 வரையான வயதிலிருப்பவர்களுக்கு இடையில் தற்கொலையானது மரணத்துக்கு மூன்றாம் தலைமைக் காரணியாக இருக்கிறது. 15 முதல் 24 வயதில் உள்ள ஆண்களின் மத்தியில் தற்கொலை 50 சதவிகிதமாக உயர்ந்திருக்கிறது, இளைஞர் தற்கொலைகள் பேரில் நிகழ்ந்த சமீப மாநாடு ஒன்றில் பேசும்போது டாக்டர் ரோசன் பெர்க் குறிப்பிட்டதாவது: “பல ஆண்டுகளுக்கு முன்பாக தற்கொலைச் செய்துகொண்டது உன் தந்தையாக இருந்திருப்பார், ஆனால் இப்பொழுதோ உன் மகனாக இருக்கிறான்.” தற்கொலை மரணங்களில் அடிக்கடி வெடிகுண்டுகளும் துப்பாக்கிகளுமே பயன்படுத்தப்படுவதாகக் குறிப்பிடப்பட்டிருக்கிறது.

பாதிக்கப்பட்ட குழந்தைகள்

சுமார் 231 குழந்தைகள் ஐக்கிய மாகாணத்தில் ஏய்ட்ஸ் நோயுடன் பிறந்திருப்பதாக 1986-ம் ஆண்டின் ஆரம்பத்தில் நோய்க் கட்டுப்பாட்டிற்கான கூட்டரசு அமைப்பு அறிக்கை செய்தது. அவர்களில் 40 சதவிகிதத்திற்கும் அதிகமானோர், அல்லது 103 நோயாளிகள் நியுயார்க் நகரிலிருந்திருக்கின்றனர். இது நகரின் சில பகுதிகளில் ஏய்ட்ஸ் நோயை “புதிதாய் பிறக்கும் குழந்தைகளில் அதிக சர்வசாதாரண தொத்து நோயாக” ஆக்கிக் கொண்டிருக்கிறது என்று டெய்லி நியூஸ் அறிக்கை செய்கிறது. ஏய்ட்ஸ் நோயைக் கொண்ட 52 சதவிகிதமான பெரியவர்களுடன் ஒப்பிடுகையில் ஏய்ட்ஸ் நோயைக் கொண்ட 69 சதவிகிதமான நகரத்துப் பிள்ளைகள் மாண்டு போயிருக்கின்றனர். அப்படியானால் பெரியவர்களைக் காட்டிலும் சிறு பிள்ளைகள் மீது இந்த நோய் அதிக சீக்கிரமான மரணத்தை ஏற்படுத்துகிறது என்று ஒரு நகர அதிகாரி குறிப்பிட்டார். பெரும்பாலான இந்தக் குழந்தைகள் நரம்பு வழியாக போதை மருந்துகளை ஏற்றிக்கொள்ளும் பெண்களுக்குப் பிறந்தவர்கள். அவர்கள் இந்த நோயை பெரும்பாலும் பகிர்ந்து கொள்ளப்பட்ட ஊசிகளின் வழியாகப் பெற்றிருக்கின்றனர்.

காபி ஏற்றிச்செல்லும் வாகனம்

ஒரு வங்கியைக் கொள்ளையடிப்பதைக் காட்டிலும் காபி ஏற்றிச் செல்லும் ஒரு வண்டியைத் தடுத்து நிறுத்தி கொள்ளையடிப்பது அதிக லாபகரமானது மற்றும் சிக்கிக்கொள்ளும் ஆபத்தும் குறைவு என்று பிரேசில் நாட்டு கொள்ளைக்காரர்கள் கண்டுபிடித்திருக்கிறார்கள் என்று லாட்டின் அமெரிக்கா டெய்லி போஸ்ட் அறிக்கை செய்கிறது. பிரேசிலில் தேசிய பானமாகிய காபி, இப்பொழுது அதிக விலையுயர்ந்த பொருளாக ஆகிவிட்டிருக்கிறது. 220 முதல் 880 பவுண்டுகள் (100 முதல் 400 கிலோ) காபியைச் சுமந்து செல்லும் சிறிய மற்றும் பெரிய வாசனங்கள் சுலபமாக சிக்கிக்கொள்ளும் ஒன்றாக ஆகிவிட்டிருக்கின்றன. ரியோ டி ஜேனரியோ, 1986-ம் ஆண்டில் முதல் மாதத்திலேயே குறைந்த பட்சம் 25 வாகனங்கள் நிறுத்தப்பட்டு கொள்ளையடிக்கப்பட்டதைக் கண்டது. சுமார் 1,48,000 டாலருக்கும் அதிகமான விலைமதிப்புள்ள எட்டு டன்கள் காபி கொள்ளையடிக்கப்பட்டது.

சீனர்களின் சுவையான உணவு

‘முதலில் அதை நீராவியில் வேகவையுங்கள். பின்பு உப்பு நீரில் இஞ்சி மற்றும் மிளகு ஆகியவற்றுடன் சில நிமிடங்கள் ஊறவையுங்கள். அதன் பின்பு அதை பிழிந்தெடுத்து, இறைச்சிக் கண்டங்களாக ஒரு நாள் முழுவதும் உலரவையுங்கள். அரிசி மற்றும் தவிடு மற்றும் எள் எண்ணெயின் கலவையில் சமயலறை முழுவதிலும் அதன் நறுமணம் நிரம்பும் வரையில் சமைத்திடுங்கள்.’ புகழ்பெற்ற இந்தத் தென் சீன நேர்த்தியான உணவில் முக்கியமான பண்டம் என்ன? எலி இறைச்சி! இந்த உணவை தயாரிப்பதற்கு ஒரு காரணம் சீனாவின் எலி எண்ணிக்கையைக் குறைப்பதற்கேயாகும். அது தற்போது சுமார் “உலகத்தின் 800 கோடி எலிகளில் பாதி என்பதாக மதிப்பிடப்பட்டிருக்கிறது” என்று கார்டியன் லண்டன் அறிக்கை செய்கிறது. கடந்த ஆண்டு கொறித்துத் தின்னும் பிராணிகளால் உட்கொள்ளப்பட்ட 150 லட்சம் டன்களுக்கும் அதிகமான தானியம் முற்றிலும் வீணாகிவிடாது என்று நம்பப்படுகிறது. ஏன்? சீனாவின் எக்கனாமிக் டெய்லி என்ற இதழுக்கு நிருபராக பணியாற்றும் ஒருவர் அறிக்கை செய்ததாவது தானிய உணவுகளால் ஊட்டிவளர்க்கப்பட்டிருக்கும் எலிகள் அதிக சுவையான உணவை உண்டுபண்ணுகின்றன, சமைப்பதற்கு எளிதாகவும் இருக்கிறது.

உயிரைக் காக்கும் பிரதி பிம்பங்கள்

ஜப்பானில் முகம்பார்க்கும் கண்ணாடிகள் உயிர்களைக் காப்பாற்றுவதாக தோன்றுகிறது என்று அசாஹி ஈவனிங் நியூஸ் அறிக்கை செய்கிறது. தற்கொலைகளைத் தடுப்பதற்காக சாப்போரோ நகரின் வாகனப் போக்குவரத்துக் கழகமானது சுரங்க ரயில் நிலையங்களின் தளத்துச் சுவர்களில் சமீபத்தில் முகம் பார்க்கும் கண்ணாடிகளைப் பொருத்தி வைத்திருக்கிறது. 1971-ல் சுரங்க பாதைத் திறக்கப்பட்டது முதற்கொண்டு, 60 ஆட்கள், வந்து கொண்டிருக்கும் ரயில் முன் குதித்துத் தற்கொலைச் செய்து கொண்டிருக்கின்றனர். என்றபோதிலும் 1984-ல் ஓடோர் ரயில் நிலையத்தில் அந்தப் பெரிய முகம் பார்க்கும் கண்ணாடிகள் பொருத்தப்பட்டதிலிருந்து தற்கொலை முயற்சிகள் ஏதும் இருக்கவில்லை. அந்த முகம் பார்க்கும் கண்ணாடிகள் அளித்திருக்கும் வெற்றிக்கான காரணத்தை அதிகாரிகள் அறியாமலிருக்கின்றனர். ஆனால் தற்கொலைச் செய்வதற்காக முயற்சிக்கும்போது தங்கள் பிரதிபிம்பத்தைப் பார்ப்பது அல்லது அந்த முகம் பார்க்கும் கண்ணாடி முன்னால் கூடிவர முற்படும் தொகுதியான ஆட்களுடைய பிரசன்னம் தானே, தற்கொலைச் செய்துகொள்ள வேண்டும் என்ற எண்ணமுடையவர்கள் தங்கள் எண்ணத்தை மறு பரிசீலனைச் செய்வதற்குத் தூண்டியிருக்கலாம் என்று சுட்டிக் காட்டியது.

சிறு பிள்ளை துர்பிரயோகம் அதிகரிக்கிறது

கனடாவிலுள்ள பிள்ளைகள் மீது பாலுறவுத் தாக்குதல்கள் கடந்த ஆண்டு அதிகரித்திருப்பதாக நம்பப்படுகிறது என்று கனடாவின் தி க்ளோப் அண்டு மெயில் அறிக்கை செய்கிறது. மூன்று வயதுள்ள இளம் சிறுமிகளுங்கூட உடலுறவுக் கொள்ளும்படி பலவந்தஞ் செய்யப்பட்டிருக்கிறார்கள் என்று ஒட்டாவா காவல் துறை அதிகாரி ஒருவர் சொல்லுகிறார். இப்படிப்பட்ட துர்ப்பிரயோகத்தின் காரணமாக “பாலுறவினால் கடத்தப்படும் நோய்களைப் பிள்ளைகள் கொண்டிருக்கின்றனர்.” ஒட்டாவாவில் பாலுறவினால் துர்ப்பிரயோகம் செய்யப்பட்ட பிள்ளைகள் சம்பந்தப்பட்ட புள்ளிவிவரமானது தங்களைக் கற்பழித்தவர்கள் யார் என்று 93 சதவிகிதமான சிறுமிகள் அறிந்திருக்கின்றனர் என்று தெரிவிக்கிறது.

மாட்டிறைச்சியைக் காட்டிலும் அதிகம்

சராசரியாக 1000 பவுண்டுகள் (454 கிலோ) எடையுள்ள ஒரு காளை மாடு சுமார் 435 பவுண்டுகள் (197 கிலோ) இறைச்சியை மட்டுமே கொடுக்கக்கூடும். என்றாலும் அதில் எஞ்சியுள்ள மிச்சம் மீதி எதுவும் வீணாவது இல்லையென்று கனடாவின் மாட்டிறைச்சித் தகவல் நிறுவனம் உரிமைபாராட்டுவதாக தி டொரன்டோ ஸ்டார் அறிக்கை செய்கிறது. மீதமாக இருப்பவை எதுவோ அவை அனைத்தும் உப பொருட்களை உற்பத்திச் செய்வதற்குப் பயன்படுத்தப்படுகின்றன. பசை, ஜவ்வு மிட்டாய் மற்றும் வயலின் கம்பிகள் ஆகியவை உற்பத்தி செய்யப்படும் சில பொருட்கள் ஆகும். கூடுதலாக, எலும்பு கொம்பு தோல் ஆகியவற்றிலிருந்து சவ்வு உணவுப் பொருட்கள், பதமிடப்பட்டு டப்பிகளில் பாதுகாக்கப்பட்ட மாம்சம், மற்றும் ஐஸ் கிரீம் ஆகியவை தயாரிக்கப்படுகின்றன. மற்ற உப பொருட்கள் பீங்கான், சோப்பு, பொத்தான்கள், உதட்டு பூச்சு வண்ணக்கோல்கள் (லிப் ஸ்டிக்), வெடி மருந்துகள், நெய்யப்பட்ட துணிவகைகளை மென்மைப்படுத்தும் பொருட்கள் ஆகும். உயிர்காக்கும் மற்றும் உயிரை முன்னேற்றுவிக்கும் மருந்துகளில் அடங்கியிருக்கும் மிகமுக்கியமான நூறுக்கும் மேற்பட்ட ஆக்ககூறுகள் இந்த விலங்கிலிருந்து பெறப்பட்டவை. நீரிழிவு நோய்ச் சிகிச்சைக்காகப் பயன்படுத்தப்படும் இன்சுலின் (Insulin) என்ற மருந்து, விலங்கின் கணயத்தில் காணப்படுகிறது. மற்றும் அறுவைச் சிகிச்சையின்போது இரத்தம் உறைந்துவிடுவதைத் தடுப்பதற்கும் அதோடுகூட பனிக்கடுப்பு மற்றும் தீப்புண்கள் ஆகியவற்றின் சிகிச்சைக்காகவும் பயன்படுத்தப்படக்கூடிய ஹெப்பாரின் என்ற மருந்து இந்த விலங்கின் நுறையீரலிருந்து எடுக்கப்படுகிறது.

அதிர்வுச் சிகிச்சை

எலும்புகளுக்கு அதிர்வுதரும் இயந்திரத்திற்கு (bone shaker) இணையான ஒரு கருவியின் சமீபகால வளர்ச்சி படுமோசமான எலும்பு முறிவைக் கொண்டிருக்கும் நோயாளிகளைக் குணப்படுத்தி, வேகமாக சுகத்தை அளிக்கும் என்ற நல்நம்பிக்கையை மருத்துவர்களுக்கு அளித்திருக்கிறது என்று தி டைம்ஸ் ஆப் லண்டன் அறிக்கை செய்கிறது. அது என்ன? கம்பிச் சுருளால் (spring) நிறைந்த இயந்திர நுட்பம் கொண்ட ஒரு விசேஷ உலோகக் கட்டுமானம், அழுத்தத்தை அதிகரிக்கும் கருவியுடன் (compressor) இணைக்கப்படுகிறது. இது நோயாளியின் முறிந்துபோன கை, கால் போன்ற உறுப்புகளில் பொருத்தப்படுகையில் லேசான அதிர்வை உண்டுபண்ணுகிறது. இது புதிய உயிரணுவின் (cell) வளர்ச்சியைத் தூண்டுவதற்குத் திட்டமிடப்பட்டிருக்கிறது. இந்தக் கருவி நடப்பதற்கு ஒத்த அசைவை ஏற்படுத்துவதால் சிகிச்சையின் ஆரம்பக்கட்டங்களில் படுக்கையை விட்டு எழும்பாமலேயே நோயாளிகள் “உல்லாச நடைக்குச் செல்லலாம்.” நோயாளி தன் கால்களால் எழுந்து நிற்கையில் அந்த எலும்பு முறிவுக்குக் கட்டுப்பாடுள்ள அசைவை அளிப்பதற்காக அந்த உலோகக் கட்டுமானம் அமைக்கப்பட்டிருக்கிறது. இவ்வாறாக அது தசைப் படிப்படியாக மெலிந்து அழிந்துவிடும் அபாயத்தைக் குறைக்கிறது. எலும்பு முறிவுக்கு அளிக்கப்படும் இவ்வகையான சிகிச்சையானது மாவு கட்டைக் காட்டிலும் 20 சதவிகிதம் விரைவில் குணமளிப்பதாக சொல்லப்படுகிறது.

“அக்கிரம சகாப்தம்”

பிரிட்டன், இப்பொழுது ஒரு லட்சத்துக்கும் மேற்பட்ட பிள்ளைகளை வழக்குமன்ற மேற்பார்வைச் சட்ட பராமரிப்பு அல்லது கட்டுப்பாட்டின் கீழ் கொண்டிருக்கிறது—மற்றெந்த ஐரோப்பிய நாடுகளைக் காட்டிலும் இது மிக அதிகமாக இருக்கிறது என்று ஒரு தேசிய சிறுவர் இல்லம் தெரிவிக்கிறது. உச்ச உயர்வான சட்ட மீறுதல்கள் சமீப ஆண்டுகளில் 14 முதல் 16 வயது பையன்கள் மத்தியிலிருந்திருப்பதாகவும் மற்றும் சட்ட மீறுதலுக்குரிய குற்றமுள்ளவர்களாக இருந்த பாதிக்கு மேற்பட்ட ஆண்கள் 21 வயதுக்கு கீழானவர்களாயிருந்தனர் என்றும் தெரிவிக்கிறது. அப்படியானால் பிரிட்டனில் உள்ள ஐந்து ஆண்களில் இரண்டு பேர் தங்கள் வாழ்நாட்களில் குற்றச் செயல் பதிவைக் கொண்டிருப்பார்கள். உண்மைகளை ஆராய்ந்த பின்பு லண்டனின் டெய்லி மெய்ல் என்ற செய்தித்தாள் “ஓர் அக்கிரம சகாப்தம்” என்ற தலையங்கத்தைக் கொண்டிருந்ததில் ஆச்சரியம் ஏதுமில்லை!

சட்டவிரோதமான பிள்ளைபேறுச் செலவுகள்

பதிமூன்று முதல் பத்தொன்பது வயது இளம் பெண்கள் கர்ப்பமடைந்துவிடுவதால் கடந்த ஆண்டு ஐக்கிய மாகாணங்கள் சுமார் 16.6 பில்லியன் டாலர்கள் செலவழித்திருக்கிறது. இந்த இளம் தாய்மாரின் (13 முதல் 19 வயது) அந்தப் பிள்ளைகள் 20 வயதை எட்டுவதற்குள்ளாக மருத்துவ உதவி, உணவு வழங்கீடு போன்ற திட்டங்களால் அவர்களைப் பராமரிப்பதற்கு அரசாங்கம் சுமார் 6.04 டாலர்களைச் செலவழித்துவிட்டிருக்கும். அரசாங்க உரிமைப் பெற்ற திட்டங்கள் வாயிலாக உதவி பெறக்கூடிய 53 சதவிகிதமான எல்லா குடும்பங்களுக்கும் காரணம் இந்த 13-19 வயது இளைஞர்களால் துவங்கப்பட்ட குடும்பங்களே என்று மதிப்பிடப்பட்டிருக்கிறது. இந்த இளம் வயது தாய்மார்கள் தங்கள் முதல் பிள்ளையைப் பெற்றெடுக்க தாங்கள் 20 வயதை எட்டும் வரையில் காத்திருப்பார்களேயானால் 2.4 பில்லியன் டாலர்கள் மிச்சப்படுத்தப்படலாம் என்றும் அந்த அறிக்கைத் தெரிவித்தது. ஒவ்வொரு ஆண்டும் தங்கள் முதல் பிள்ளையைப் பெற்றெடுக்கக்கூடிய 3,85,000 பருவப் பெண்களில் பாதிப்பேர் 18 வயதுக்கும் கீழானவர்கள்.

பொருளாதார துயரம்

“பூகோள நடவடிக்கைக்காக தைரியம்” என்பதே கடந்த பிப்ரவரி (1986) மாதம் நடைப்பெற்ற 16-வது உலக பொருளாதார கருத்தரங்கின் தலையங்க பொருளாக இருந்தது. என்றபோதிலும் பொருளாதார நடவடிக்கைகளுக்குப் பூகோள ஒத்துழைப்புக் கொடுக்கும் உற்சாகம் வருந்தக்கூடிய அளவிற்கு இல்லாமலிருந்தது. ஒரு பிரிட்டிஷ் வணிக வங்கியின் இயக்குநரான குவன்டின் டேவிஸ் என்பவர் புலம்பினதாவது: “கடந்த ஆண்டு இங்கே மேற்கத்திய பொருளாதாரத்தில் முன்னேற்றத்துக்கான ஒரு உணர்வு இருந்தது. ஆனால் இந்த ஆண்டோ ஒரு கஷ்டம் இருக்கிறது.” 52 நாடுகளிலிருந்து வந்த 600 பிரதிநிதிகளில் 44 அரசு அமைச்சர்கள் அடங்கும். தொழில் மயமாக்கப்பட்டதும் மற்றும் வளர்ச்சியடைந்து வரக்கூடியதுமான இரு நாடுகளிலும் வளர்ச்சிக்கான தைரியமுள்ள நடவடிக்கைகள் பற்றிய தலையங்க பொருளை அரசாங்க அதிகாரிகள் வலியுறுத்திச் சொன்னபோதிலும் அங்கு வருகை தந்திருந்த வாணிக தொழிலாளர்கள் ஓரளவு அச்சத்துடனேயே பிரதிபலித்தனர். எண்ணெய் விலையில் இறக்கம் இல்லாத நிலை, நிலையில்லாத டாலரின் மதிப்பு, மற்றும் வளர்ச்சியடைந்து வரும் நாடுகள் பலவற்றின் மிகுதியான கடன்கள் ஆகியவை சர்வதேச வாணிக தொழிலாளருக்குப் பொருளாதார துயரத்தை ஏற்படுத்தக்கூடிய அம்சங்களில் அடங்கிய ஒரு சில காரியங்களாகும். (g86 5/22)