தேவபக்தியில்லாத ஓர் உலகில் சத்தியத்தின் சார்பாக பேசுதல்

“உம்முடைய வசனமே சத்தியம்.”—யோவான் 17:17

1. (எ) எப்பொழுது எவ்விதமாக சத்தியம் விவாதத்திற்குட்பட்டதானது? (பி) ஏதேனில் என்ன மாட்சிமையான புதிய சத்தியம் வெளிப்படுத்தப்பட்டது?

நீண்ட காலமாகவே சத்தியம் விவாதத்துக்குட்பட்டதாக இருந்து வருகிறது. மனிதவர்க்கத்தின் சரித்திரத்தைப் போலவே அத்தனைப் பழைமையானதாக இருக்கும் இந்த விவாதம் பேரரசரும் ஆண்டவருமாகிய யெகோவாவின் உண்மைத்தன்மையைக் குறித்து, பழைய பாம்பு; ஏதேனில் சந்தேகித்த போதே எழும்பியது. சோதிக்கப்படுகையில், நம்முடைய முதல் பெற்றோர் சுய இஷ்டத்தின்படி சிந்திப்பதையும் தங்களுடைய சொந்த சுயநலப் போக்கில் போவதையும் தெரிந்து கொண்டார்கள். அவர்கள் சத்தியத்தின் சார்பாகப் பேசும் உத்தமர்களாக இருக்கவில்லை. ஆனால் கடவுள் அங்கு பிசாசின் கிரியைகளை அழிப்பதற்காக ராஜ்ய “வித்து” ஒன்று பிறப்பிக்கப்படும் என்ற மாட்சிமைமிக்க புதிய சத்தியத்தை வெளிப்படுத்தினார்.—ஆதியாகமம் 3:1-6, 14, 15.

2. (எ) ஜலப்பிரளயத்துக்கு முன்னான உலகில் சத்தியம் எவ்விதமாக தாக்குதலுக்குள்ளானது? (பி) நோவாவுக்கும் அவனுடைய குடும்பத்துக்கும் யெகோவாவின் தயை கிடைத்ததற்கு காரணம் என்ன?

² சத்தியம் இப்பொழுது தாக்குதலுக்குள்ளானது. பிரதான மோசக்காரன், கலகம் செய்யும் கடவுளுடைய மற்ற குமாரர்களையும் தன்னோடு சேர்த்துக் கொண்டு பூமியை கெடுக்க ஆரம்பித்தான். ஜலப்பிரளயத்துக்கு முற்பட்ட காலங்களில் வாழ்ந்து வந்த அந்த ஒழுக்கங்கெட்ட சந்ததி ‘அவர்களுடைய சொந்த காரியத்தை செய்வதிலேயே அவ்வளவு மூழ்கி விட்டிருந்ததன்’ காரணமாக நோவா பிரசங்கித்து வந்த கடவுளின் எச்சரிப்புக்கு அவர்கள் செவி கொடுக்க தவறினார்கள். அவர்கள் அழிந்துபோனார்கள். ஆனால் நோவாவும் அவனுடைய குடும்பமும் அவர்களுடைய உத்தமத்தின் காரணமாக அதில் தப்பிப் பிழைத்தார்கள். சத்தியத்தின் சார்பாக பேசிய இவர்கள், அவர்களை பாதுகாத்த பேழையைவிட்டு வெளியே வந்தவுடன், அவர்களுடைய மனதில் முதலில் தோன்றிய காரியம், நன்றி செலுத்தும் வகையில் பலிகளை செலுத்த வேண்டும் என்பதே. அது யெகோவாவுக்கு “சுகந்த வாசனையாக” இருந்தது.—ஆதியாகமம் 6:4-12; 8:18-21; லூக்கா 17:26, 27; 2 பேதுரு 2:5.

பொய்யின் நாச வேலைகள்

3. மகா பாபிலோன் என்பது என்ன? அது எவ்விதமாக ஆரம்பமானது?

³ இருந்தபோதிலும் அந்த பழைய பாம்பாகிய பிசாசு தொடர்ந்து சத்தியத்தின் தண்ணீர்களை சேறாக்க முயற்சித்து வந்தான். சாத்தானின் தூண்டுதலினால்தானே பூர்வ பாபிலோன் கட்டப்பட்டது என்பதில் சந்தேகமில்லை. “மகா பாபிலோன், வேசிகளுக்கும் பூமியிலுள்ள அருவருப்புகளுக்கும் தாய்” என்பதாக வெளிப்படுத்தின விசேஷம் 17:5 விவரிக்கும் பொய் மத உலக பேரரசுக்கு “பாபிலோனின் இரகசியங்கள்” ஆதாரமாயின. ஒன்றுக்கொன்று முரண்பட்ட குறுகிய மனப்பான்மையுள்ள போதகங்களோடுகூட அதன் மிகப்பல பிரிவுகளின் மதசம்பந்தமான பிழைகள் களஞ்சியமாக இன்று வரையாக தொடர்ந்து இருந்து வருகின்றன.—ஆதியாகமம் 10:8-10; எரேமியா 51:6.

4. இயேசு எவ்விதமாக சத்தியத்தின் சார்பாக பேசினார்? என்ன விளைவோடு?

⁴ இயேசு கிறிஸ்து இருந்தபோது அவர் தைரியமாக சத்தியத்தைக் குறித்து பேசினார். அவருடைய நாளிலிருந்த மாய்மாலக்காரரிடம் அவர் “நீங்கள் உங்கள் பிதாவாகிய பிசாசானவனால் உண்டானவர்கள் . . . சத்தியம் அவனிடத்திலில்லாதபடியால் அவன் சத்தியத்திலே நிலைநிற்கவில்லை” என்று சொன்னார். மேலுமாக முன்னறிவிக்கப்பட்ட வாக்குதத்தத்தின் வித்ததாகிய இயேசு, பொந்தியு பிலாத்துவிடம் “நீர் சொல்லுகிறபடி நான் ராஜாதான்; சத்தியத்தைக் குறித்துச் சாட்சி கொடுக்க நான் பிறந்தேன், இதற்காகவே இந்த உலகத்தில் வந்தேன்” என்பதாகச் சொன்னபோது சத்தியத்தின் முக்கியத்துவத்தை வலியுறுத்தினார். இயேசு சத்தியத்தின்—ராஜ்ய சத்தியத்தின் நிமித்தமாக தம்முடைய மானிட ஜீவனைக் கொடுத்தார்.—யோவான் 8:44; 18:37; ஆதியாகமம் 3:2-5.

5, 6. (எ) சாத்தான் எவ்விதமாக தொடர்ந்து சத்தியத்துக்கு எதிராக போராடினான்? (பி) தூய்மைக்கேடு எவ்விதமாக ஏற்பட்டது? என்ன பொய்கள் இதிலிருந்து தோன்றின? (சி) நாம் ஏன் சத்தியத்துக்காக வைராக்கியமாக வாதாடுகிறவர்களாக இருக்க வேண்டும்?

⁵ பொய்யானது அக்கிரமத்தோடு இணைந்தே செல்லுகிறது. ஆகவே சத்தியத்துக்கு எதிராக தொடர்ந்து அவன் செய்த போராட்டத்தில் “கேட்டின் மகன்” என்பதாக 2 தெசலோனிக்கேயர் 2:3-ல் விவரிக்கப்பட்ட விசுவாச துரோக குருவர்க்கத்தை அவன் எழுப்பியதைக் குறித்து ஆச்சரியப்படுவதற்கில்லை. இயேசு கிறிஸ்துவின் அப்போஸ்தலர்களின் மரணத்தை தொடர்ந்து கீழ்ப்படியாத இந்த விசுவாச துரோகிகள் பாமர மக்களுக்கு எதிராக தங்களை உயர்த்திக் கொண்டு தூய்மையான கிறிஸ்தவ போதகத்தில் பாபிலோனிய “இரகசியங்களையும்” கிரேக்க தத்துவங்களையும் சேர்த்து, அதன் தூய்மையை கெடுத்தார்கள். மனித ஆத்துமா சாவாமையுள்ளது என்ற ப்ளேட்டோவின் கோட்பாடு இதில் குறிப்பிடத்தக்கதாக இருக்கிறது.

⁶ ‘எல்லா நல்ல ஆட்களும் பரலோகத்துக்குப் போகிறார்கள்,’ ‘அவ்வளவு நல்ல ஆட்களாக இராதவர்கள் உத்தரிக்கும் ஸ்தலத்துக்கு போகிறார்கள்,’ ‘கெட்ட ஆட்கள் என்றென்றுமாக வாதனையின் நரகத்தில் வதைக்கப்படுகிறார்கள்,’ என்ற மற்ற பொய்களுக்கு இந்த பொய் ஆதாரமாக இருக்கிறது. பாபிலோனிய மதத்தில் அத்தனை அதிகமான பிழையான போதகங்கள் இருப்பதன் காரணமாக இயேசு இவ்விதமாக வாக்களித்தது குறித்து நாம் எவ்வளவு மகிழ்ச்சியாக இருக்கலாம்: “நீங்கள் என் உபதேசத்தில் நிலைத்திருந்தால் மெய்யாகவே என் சீஷராயிருப்பீர்கள். சத்தியத்தையும் அறிவீர்கள், சத்தியம் உங்களை விடுதலையாக்கும்!“ விடுதலையைக் கொடுக்கும் சத்தியத்தின் சார்பாக இருந்து அதை வைராக்கியமாக பிரஸ்தாபப்படுத்துகிறவர்களாக நாம் இருக்க விரும்ப வேண்டும்.—யோவான் 8:31, 32.

மிகப்பெரிய பொய்யை பிறப்பித்தல்

7. (எ) சாத்தானின் இலக்கு என்ன? அதை முயன்றுபெற அவன் எவ்விதமாக முயற்சிக்கிறான்? (பி) 19-ம் நூற்றாண்டில் என்ன பொய் போதகம் பிரபலமானது?

⁷ ஆனால் சத்தியத்தை எதிர்ப்பதில் பிசாசு தேவைப்படும் அனைத்து முயற்சிகளையும் செய்து பார்த்து விடுகிறான். கடவுளுடைய சத்திய வார்த்தையாகிய பரிசுத்த வேதாகமத்தை எவரும் நம்பும்போது அவன் சீற்றங் கொள்கிறான். கிறிஸ்துவைப் பற்றிய மகிமையான நற்செய்தியை அவர்கள் அறியாதபடிக்கு அவிசுவாசிகளின் மனங்களை குருடாக்க வேண்டும் என்பதே அவனுடைய இலக்காக இருக்கிறது. கிறிஸ்தவ மண்டலத்தின் “கேட்டின் மகன்” பொய் மத போதகங்களை பைபிளோடு மெல்ல இணைத்துவிடச் செய்யும்படியாகச் செய்ததோடில்லாமல் பைபிள், கட்டுக்கதைகளையும் பழங்கதைகளையும் ஆதாரமாக கொண்டுள்ளது என்பதாக சொல்வதன் மூலமாகவும் பிசாசு சத்தியத்தை அவமதிக்க முயற்சித்திருக்கிறான். ஆகவே 19-ம் நூற்றாண்டின்போது, அந்த பழைய பாம்பு மற்றொரு பொய்யான மற்றும் தந்திரமான போதகத்தை பிறப்பித்தது. அது பரிணாமம் கோட்பாடு என்றழைக்கப்பட்டிருக்கிறது.—2 கொரிந்தியர் 4:4.

8. டார்வினின் கோட்பாடு என்பது என்ன?

⁸ 1859-ல், பைபிளின் “முடிவு காலம்” நெருங்கி வந்து கொண்டிருந்தபோது சார்ல்ஸ் டார்வின், இயல் தேர்வு முறையின் மூலமாக இனங்களின் தோற்றம் அல்லது உயர்வாழ்வதற்கான போராட்டத்தில் தோற்றநிலையுடைய இனங்கள் அழியாது காக்கப்படுகிறது என்ற தலைப்பைக் கொண்ட தன்னுடைய புத்தகத்தை வெளியிட்டார். (தானியேல் 12:4) உயிரினங்கள் சிருஷ்டிக்கப்படவில்லை, ஆனால் மாறாக, “வாழ்க்கைப் போட்டியின் விளைவாக இயல் தேர்வின்” மூலமாக ஏற்கெனவே இருந்த உயிர் வகைகளிலிலிருந்து படிப்படியாக தோன்றின என்ற கோட்பாட்டை உருவாக்கினார். கடைசியாக, மனிதன் ஒருவித குரங்கினத்திலிருந்து தோன்றினான். அது வல்லன வாழ்கிற விஷயமாக இருக்கிறது என்று டார்வின் உரிமைப் பாராட்டினார்.

9. பரிணாமம் உண்மையாக இருக்குமானால் இயேசு கற்பித்த என்ன பைபிள் சத்தியங்கள் அர்த்தமற்றதாகிவிடும்? (பி) “வல்லனவற்றின் வாழ்வு” என்ற கருத்து எவ்விதமாக மனிதவர்க்கத்துக்கு பெரும் தீங்கை கொண்டு வந்திருக்கிறது?

⁹ இந்த கோட்பாடு சிருஷ்டிப்பைப் பற்றியும் மனிதன் பாவத்துக்குள் வீழ்ந்தததைப் பற்றியும் பைபிள் சொல்வதை அப்பட்டமாக மறுதலிக்கிறது. இயேசுவின் மீட்பின் பலியையும், ராஜ்யம், உயிர்த்தெழுதல், நித்திய ஜீவன் மற்றும் பரதீஸிய பூமியைப் பற்றிய பைபிள் போதகங்களை அர்த்தமற்றதாக்கிவிடுகிறது. மேலுமாக பரிணாமக் கோட்பாடு உண்மையாக இருக்குமானால் அது சிருஷ்டிகரிடமாகa மனிதவர்க்கத்தை அவனுடைய நடத்தைக்குரிய பொறுப்பிலிருந்து விடுவிப்பதாக இருக்கிறது. “வல்லனவற்றின் வாழ்வு வனத்தைப்” பற்றிய கருத்துக்களே மார்க்ஸிஸம், ஃபாஸிஸம் இன்னும் மற்ற கருத்துக்களுக்கும் ஆதாரமாக அமைந்துவிட்டிருக்கின்றன.b பரிணாமத்தை ஆதரித்துப் பேசுகிறவர்கள் இன்று உலகிலிருக்கும் அவபக்திக்கும் கஷ்டங்களுக்கும் பலத்த உத்திரவாதமுள்ளவர்களாக இருக்கிறார்கள்.—சங்கீதம் 14:1-4.

பொய்யின் சார்பாக பேசுகிறவர்கள்

10. டார்வினின் சம்பந்தமாக, குருமார்கள் என்ன விதங்களில் தங்களை பொய் சார்பாக பேசுகிறவர்கள் என்பதை நிரூபித்தார்கள்?

¹⁰ டார்வினுடைய காலத்தில் வாழ்ந்துவந்த குருமார்கள், கடவுளை கனவீனப்படுத்திய அவருடைய கோட்பாட்டை எதிர்த்து வாதாடினார்களா? கேம்பிரிட்ஜ் பல்கலைக்கழக பேராசிரியர் இவ்விதமாக எழுதுகிறார்: “ஆரம்பத்தில், அத்தாட்சியின் அடிப்படையில் விஞ்ஞானிகளே டார்வினுடைய கோட்பாட்டுக்கு எதிர்ப்பு தெரிவித்தார்கள். வேதவசனங்களின் அடிப்படையில் இறைமையியல் வல்லுநர்கள் இதை எதிர்க்கவில்லை.” மற்றொரு மருத்துவர் இவ்விதமாகச் சொல்லுகிறார்: “வெகு சிலரைத் தவிர, பிரிட்டனிலும் அமெரிக்காவிலுமுள்ள முக்கியமான கிறிஸ்தவ சிந்தனையாளர்கள் டார்வினிஸத்தையும் பரிணாமத்தையும் உடனடியாக ஏற்றுக்கொண்டுவிட்டார்கள்.” 1882-ல் டார்வின் மரித்தபோது அவர் வெஸ்ட்மினிஸ்டரிலுள்ள குருமடத்தில் அரசர்களின் மத்தியில் அடக்கம் செய்யப்பட்டார். அந்த குருமடத்தைச் சேர்ந்த இங்கிலாந்து திருச்சபை குருவை கேட்டு ஒரு விசேஷ ஏற்பாடு இதற்காக செய்யப்பட்டது.—அப்போஸ்தலர் 20:30; 2 தீமோத்தேயு 4:3 ஒப்பிடவும்.

11. டார்வினின் நாஸ்தீக கோட்பாட்டைப் பற்றி குருமார்கள் என்ன சொல்லியிருக்கிறார்கள்?

¹¹ டார்வினின் நாத்திகக் கோட்பாடு இப்பொழுது கிறிஸ்தவ மண்டலத்தின் அநேக குருமார்களால் ’சுவிசேஷ சத்தியமாக’ ஏற்றுக் கொள்ளப்பட்டிருக்கிறது. இங்கிலாந்து சர்ச்சில் இரண்டாவது ஸ்தானத்திலிருக்கும் மடத்தலைவரான யார்க்கின் தலைமை குரு, உயிரியல் பரிணாம கோட்பாடு அவ்வளவு தீர்க்கமாக நிலைநாட்டப்பட்டு விட்டதால், நவீன உயிரியலுக்கு அதுவே புரிந்து கொள்ளத்தக்க ஒரே ஆதாரமாக இருப்பதாக கருதுகிறார். சமீபத்தில், கத்தோலிக்க சர்ச்சின் மேல் மட்ட விஞ்ஞான குழுவை பிரதிநிதித்துவம் செய்யும் 12 கல்விமான்களின் வத்திகனின் பொது சபை கூட்டமொன்றில் இவ்விதமாகச் சொன்னார்கள்: “மனிதனுக்கும் மற்ற உயிரினங்களுக்கும் பரிணாம கருத்து எந்த விவாதத்துக்கும் அப்பால் பொருந்துகிறது என்பதை ஏராளமான அத்தாட்சி தெளிவாக்குவதை நாங்கள் உறுதியாக நம்புகிறோம்.” புதிய கத்தோலிக்க என்ஸைக்ளோபீடியா மேலுமாக இவ்விதமாகச் சொல்லுகிறது: “மனிதனின் சரீரம் உட்பட, பொதுவான உயிர் மலர்ச்சியே தோற்றத்தைப் பற்றிய அதிக சாத்தியமான விஞ்ஞான பதிலாக தோன்றுகிறது.” ஆனால் உண்மையில் அது விஞ்ஞான பூர்வமாக இருக்கிறதா? பரிணாமம் நம்பத்தக்க விஞ்ஞான அத்தாட்சியால் ஆதரிக்கப்பட்டிருக்கிறதா? இந்த விஷயத்தின் பேரில் உண்மையை தீர்மானிப்பதில் உங்களுடைய ஜீவன்தானே சார்ந்திருக்கிறது.—யோவான் 14:6; 16:13; 17:17.

12. படைப்பு கோட்பாடு வேதபூர்வமற்றதாகவும் நம்பத்தகாததாகவும் இருக்கிறது என்று நாம் ஏன் சொல்ல வேண்டும்?

¹² சமீப காலங்களில் வேதத்தில் கூறப்பட்டுள்ளதை அவ்வாறே எடுத்துக் கொள்ளும் ஒரு பிரிவினர் (fundamentalist) பரிணாமத்துக்கு விடையாக தனிச்சிறப்பு படைப்பு கோட்பாட்டை (Creationism) ஆதரித்து அதை முன்னிலையில் வைத்திருக்கிறார்கள். ஆனால் அவ்விதமாகச் செய்கையில் வேத பூர்வமற்றதும் நம்ப முடியாததுமான ஒன்றை அவர்கள் வலியுறுத்துகிறார்கள். வானங்களும் பூமியும், பூமியிலுள்ள அனைத்தும் கடவுளால் 24 மணி நேரங்களைக் கொண்ட 6 நாட்களில் உண்டாக்கப்பட்டன—ஆம், வெறுமென சொல்லர்த்தமான 144 மணிநேரங்களில்! இந்த போதகம் பைபிளை அநேகர் பரிகசிக்கும்படியாகச் செய்திருக்கிறது. ஆனால் பைபிளில் ஒரு “நாள்” என்பது எப்பொழுதும் 24 மணிநேரங்களைக் கொண்ட ஒரு காலமாக இருக்கிறதா? ஆதியாகமம் 2:4 “தேவனாகிய யெகோவா பூமியையும் வானத்தையும் உண்டாக்கின நாளை”ப் பற்றி பேசுகிறது. இந்த ஒரு நாளில், ஆதியாகமம் அதிகாரம் 1-லுள்ள எல்லா ஆறு சிருஷ்டிப்பு நாட்களும் அடங்கியிருக்கிறது. பைபிள் சொல்லின் பிரகாரம், ஒரு “நாள்” என்பது அளவிடப்பட்ட ஒரு காலப் பகுதியாக இருக்கிறது. யெகோவாவுக்கு ஒரு நாள் ஆயிரம் வருடங்களாக அல்லது சிருஷ்டிப்பின் நாட்களைப் போன்று பல ஆயிர வருடங்களாகவும் இருக்கலாம். ஆகவே இந்த குறிப்பின் பேரில் பைபிளின் பதிவு நியாயமானதாகவும் மெய்யான விஞ்ஞானத்தோடு ஒத்திசைவாகவும் இருக்கிறது.—2 பேதுரு 3:8.

உயிரின் தோற்றம்

13. (எ) பரிணாமத்துக்காக வாதாடுபவர்கள் உயிரின் தோற்றத்தை எவ்விதமாக விளக்குகிறார்கள்? (பி) உயிரணு தன்னைத்தானே தற்செயலாக படைத்துக் கொண்டது என்று சொல்வது ஏன் முட்டாள்தனமாக இருக்கிறது?

¹³ பரிணாமத்துக்காக வாதாடுகிறவர்கள், உண்மையாக உயிரின் தோற்றத்தை எவ்விதமாக விளக்குகிறார்கள்? சில கோடிக்கணக்கான ஆண்டுகளுக்கு முன்பாக பூமியை சுற்றியுள்ள சமுத்திரம் “கரிம வடிசாறாக” மாறியிருக்க வேண்டும் என்று அவர்கள் சொல்லுகிறார்கள். அது இன்னும் உயிரற்றதாகவே இருந்திருக்க வேண்டும். பின்பு இயற்கைக்கு மாறான ஒரு தற்செயல் நிகழ்வினால் தனிப்பட குறிப்பிடத்தக்க ஒரு அணு திரண்மம் உருவானது என்று அவர்கள் விளக்குகிறார்கள். அற்புதமாக, இது மற்ற அணுதிரண்மங்களை உருவாக்க இனப்பெருக்கமுற்றது. அவை ஒரு உயிரணுவை உண்டுபண்ணுவதற்காக கொத்தாக வளர்ந்தன. இதைவிட விசித்திரமாக வேறு ஏதாவது இருக்கக்கூடுமா? இந்த விளக்கத்தை கொடுத்த எழுத்தாளர் அவருடைய முன்னுரையில் இவ்விதமாக குறிப்பிட்டிருந்தார்: “இந்த புத்தகத்தை ஒரு அறிவியல் நாவலை வாசிப்பதுபோல வாசிக்க வேண்டும்.” ஆம், இது ஒரு நாவல், விஞ்ஞானம் அல்ல! ஒரு சிறிய அணுவிலுள்ள வம்ச பரம்பரையின் அலகுகளான டி.என்.ஏ. (DNA) “எழுதப்படுமானால் அதற்கு 600 பக்க புத்தகங்கள் ஆயிரம் தேவையாக இருக்கும் என்று நேஷனல் ஜியாக்ராஃபிக் குறிப்பிட்டது. உயிரணு, ஏதோ பண்டைய காலத்திய வடிகற்றில் தன்னைத்தானே தற்செயலாக படைத்துக் கொண்டது என்று சொல்வது எவ்வளவு முட்டாள்தனமாக இருக்கிறது!

14. சத்தியத்தின் சார்பாக பேசுகிறவர்களாக, என்ன அடிப்படையான பைபிள் போதகத்தை நாம் ஆதரிக்க வேண்டும்?

¹⁴ பைபிள் எழுத்தாளனாகிய தாவீது சங்கீதம் 36 வசனங்கள் 5 மற்றம் 9-ல் கொடுக்கும் விளக்கமே அதிக நியாயமானதும் புரிந்து கொள்ளத்தக்கதாகவும் இருக்கிறது: “யெகோவாவே . . . ஜீவ ஊற்று உம்மிடத்தில் இருக்கிறது.” சத்தியத்தின் சார்பாகப் பேசுகிறவர்களாக நாம் அந்த அடிப்படை பைபிள் போதகத்தை ஆதரிக்க வேண்டும்.—சங்கீதம் 100:3; ஏசாயா 42:5, 8.

படிப்படியாக மாறி வளர்ந்த பரிணாமமா அல்லது நேரடியான படைப்பா?

15. பரிணாமம் உண்மையாக இருக்குமானால், புதைப்படிவ பதிவு எவ்விதமாக அதை ஆதரித்திருக்கும்? (பி பதிவு காண்பிப்பது என்ன? டார்வினே இதை எவ்விதமாக ஒப்புக் கொள்கிறார்?

¹⁵ ஆனால், ஏற்கெனவே உயிர் இருந்ததாக வைத்துக் கொண்டாலும்கூட வித்தியாசமான உயிரின வகைகள் படிப்படியாக மாறி மற்ற உயிரின வகைகளாக வளர்ந்ததிருக்கக் கூடுமா? சரி, அவ்விதமாக சம்பவித்திருந்தால், கடந்த கால புதைபடிவ பதிவுகள் இதை காண்பிக்கும். ஆனால் அவ்விதமாக காண்பிக்கிறதா? தொல்லுயிரூழிக் காலம் என்பதாக அழைக்கப்படும் காலத்தை எடுத்துக் கொள்ளுங்கள். இங்கு உயிர் பொருட்களின் ஆச்சரியமான ஒரு “வெடிப்பில்” முதலில் முதுகெலும்பில்லா விலங்குகளின் விரிவான பிரிவுகள் ஒன்றாகச் சேர்ந்து காணப்படுகின்றன. மிகவும் வித்தியாசமான இந்த பிரிவுகள் அனைத்தும் ஒரே சமயத்தில் உயிர் பெற்றிருந்தால் எவ்விதமாக அவை ஒன்றிலிருந்து மற்றொன்று மலர்ந்திருக்க முடியும்? டார்வின் தானே வெளிப்படையாக இதை ஒப்புக் கொண்டார்: “மிகப்பல இனவகைகள் . . . உண்மையில் ஒரே சமயத்தில் உயிர் பெற்றிருந்திருக்குமானால் இந்த உண்மை, பரிணாமக் கோட்பாட்டை வீழ்த்திவிடுவதாக இருக்கும்.” ஆம், வீழ்த்திவிடும்.—1 கொரிந்தியர் 3:19, 20.

16. (எ) உயிர்வகைகளின் தோற்றத்தைக் குறித்ததில் புதைப்படிவ பதிவு எவ்விதமாக பரிணாமத்தை பொய்யென காட்டுகிறது? (பி) ஆதியாகமம் 1:25-ல் உண்மை எவ்விதமாக எடுத்துரைக்கப்பட்டுள்ளது?

¹⁶ வித்தியாசமான மற்றும் மிகவும் சிக்கலான உயிரினங்கள் திடீரென்றம் முழு வளர்ச்சியோடும் தோன்றின என்பதை புதைப்படிவ பதிவுகள் காண்பிக்கின்றன. விஞ்ஞான பேராசிரியர் ஒருவர் குறிப்பிட்ட விதமாகவே: “திமிங்கலம், வெளவால், குதிரைகள், உயிரின தொகுதிகள், யானைகள், முயல்கள் அணில்கள் போன்றவை. இப்பொழுது இருப்பது போலவே அவை தோன்றியபோது அவ்வளவு மாறுபட்ட பண்புகளையுடையதாக இருந்தன. அவைகள் பொதுவான ஒரு முன்னோரிலிருந்து தோன்றியிருக்கக்கூடும் என்பதற்கு ஒரு தடமும் இல்லை. அது ஊர்வனவற்றிலிருந்து தோன்றியிருக்க வேண்டும் என்பது சாத்தியமற்றதாகும்.” சாதாரணமாக காணப்படும் ஒட்டை சிவிங்கியின் கழுத்து நீளத்தில் மூன்றில் இரண்டு பங்கோ முக்கால் அளவு நீளமோ உள்ள ஒட்டைச் சிவிங்கி புதைப் படிவங்கள் இருக்கின்றனவா? இல்லை. காரியத்தின் உண்மை ஆதியாகமம் 1:25-ல் சொல்லப்பட்டிருக்கிறது: “தேவன் பூமியிலுள்ள ஜாதிஜாதியான காட்டு மிருகங்களையும் ஜாதிஜாதியான நாட்டு மிருகங்களையும் பூமியின் ஊரும் பிராணிகள் எல்லாவற்றையும் உண்டாக்கினார்; தேவன் அது நல்லது என்று கண்டார்.” ஆம் மிகவும் நல்லது!

17. என்ன அழகான பல்வகை வேறுபாட்டு நிலையும் திட்ட அமைப்பும் உயிரினங்களின் மத்தியில் காணப்படுகிறது? இது யாரிடமிருந்து மட்டுமே வந்திருக்க வேண்டும்?

¹⁷ இங்கு பூமியின் மீது உயிரினங்கள் மத்தியில் காணப்படும் கிளர்ச்சியூட்டும் பல்வேறு வேறுபாட்டு நிலைகளையும்கூட சிந்தித்துப் பாருங்கள்! ரோசா மலர், வண்ணத்துப் பூச்சி, சிறகடிப்பதன் மூலம் பொம்மென்னும் ஒலி எழுப்புகின்ற சிறு பறவை, மயில், மற்றும் இன்னும் ஆயிரக்கணக்கான மற்ற உயிர் வகைகள் தங்களுடைய தனிச் சிறப்பான அழகை தற்செயலாக, வல்லனவற்றின் வாழ்வு போராட்டத்தில் பெற்றுக் கொண்டனவா? அல்லது மனிதவர்க்கம் தம்முடைய கிரியைகளில் மகிழ்ச்சியைக் காண வேண்டும் என்று விரும்பும் அன்புள்ள கடவுளின் தேர்ச்சிமிக்க திட்டமைப்பாக இவை இருக்கின்றனவா? வியப்பிற்குரிய, பூமி முழுவதிலும் காணப்படும் நேர்த்தியான வனப்பை பார்க்கும்போது நிச்சயமாகவே நாம் இவ்விதமாகச் சொல்ல வேண்டும்: “யெகோவாவே உமது கிரியைகள் எவ்வளவு திரளாயிருக்கிறது! அவைகளையெல்லாம் ஞானமாய்ப் படைத்தீர், பூமி உம்முடைய பொருள்களினால் நிறைந்திருக்கிறது.“—சங்கீதம் 104:24.

18. பிளாட்டிப்பஸ் என்ற ஆஸ்திரேலிய விலங்கின் திட்ட அமைப்பாளர் கடவுளாக மட்டுமே இருக்க முடியும் என்று நீங்கள் ஏன் சொல்லுவீர்கள்?

¹⁸ திட்ட அமைப்பு எப்பொழுதும் புத்திக்கூர்மையுள்ள ஒரு திட்ட அமைப்பாளரை தேவைப்படுத்துகிறது. உயிரினங்களில் வியப்புக் கேதுவான திட்ட அமைப்பு இருக்கிறது. பிளாட்டிப்பஸ் (platypus) என்ற வாத்தலகுடைய ஆஸ்திரேலிய நீர்வாழ் விலங்கை எடுத்துக்கொள்ளுங்கள். அது குழி முயல் அளவாக இருக்கிறது. அதற்கு நீர் நாயைப் போல மென்மையான மயிர் இருக்கிறது. வாத்தைப் போன்ற அலகு இருக்கிறது. வீட்டுச் சேவலைப் போல அது ஏவல் செய்கிறது. அதற்கு வளைநகமும் தோலிழைமத்தால் இணைந்த பாதமும் இருக்கிறது. அது ஊர்வனவற்றைப் போல முட்டையிட்டு, பாலுட்டியைப் போல பால் கொடுக்கிறது. அது நீரிலும் நிலத்திலும் வாழ்கிறது. இந்த பிளாட்டிப்பஸ் எதிலிருந்து தோன்றியது? அது இரவில் மட்டுமே வெளிவருவதால் அதை பரிணாம கோட்பாட்டாளரின் கொடுங்கனவு என்று அழைக்கலாமா? ஹார்வார்ட் பல்கலைக்கழக அறிவியல் நிபுணர் அதை “குறிப்பிட்ட ஒரு அசாதாரணமான வாழ்க்கை முறைக்காக நேர்த்தியாக சிறப்புற திட்டமிட்டு அமைக்கப்பட்ட ஒரு உயிரினம்” என்பதாக விவரிக்கிறார். முதல் தரமான அந்த திட்ட அமைப்பாளர் யார்? “சகல காட்டு ஜீவன்களும் பர்வதங்களில் ஆயிரமாயிரமாய்த் திரிகிற மிருகங்களும் என்னுடையவைகள்” என்று சொல்லும் கடவுளாக மட்டுமே அவர் இருக்க முடியும்.—சங்கீதம் 50:10.

19. (எ) சிறிய பாடும் பறவை வியப்புக்கேதுவான என்ன அருஞ்செயலை செய்கிறது? (பி) இதை எவ்விதமாக அதனால் செய்ய முடிகிறது?

¹⁹ மேலுமாக அநேக உயிரினங்களில் அமைந்துள்ள இயல்புணர்ச்சியைப் பற்றி என்ன? உதாரணமாக 21 கிராம் மட்டுமே எடையுள்ள சிறிய பாடும் பறவை (blackpoll warbler) இருக்கிறது. அதற்கு அலாஸ்காவிலிருந்து புதிய இங்கிலாந்துக்குப் பறந்து செல்ல, சரியான இலையுதிர் பருவ காலத்தை எவ்விதமாக தெரிந்து கொள்வது என்பது தெரியும். அங்கு அது நல்ல உணவை உட்கொண்டு கொழுக்க வளர்ந்து, குளிர்ந்த வான் வெளிக்காற்றுக்காக காத்துக் கொண்டிருக்கிறது. பின்பு அது 20,000 அடி (6100 மீட்டர்கள்) மேலே உயர பறந்து ஆப்பிரிக்காவை நோக்கி வீசும் அந்த உயர்வேக காற்றில் சிக்கிக்கொள்கிறது. சூழ்நிலையில் இருக்கும் காற்றினால் தென் அமெரிக்காவில் அதனுடைய பயண இலக்குக்கு அது இழுத்துக் செல்லப்படுகிறது. பாடும் பறவையின் இயல்பான வழிவகை அறிவு பட்டாணி அளவுள்ள மூளையில் திட்டமிடப்பட்டிருக்கிறது. இத்தகைய இயல்புணர்ச்சி எவ்விதமாக வந்தது என்பதை பரிணாமக் கோட்பாட்டாளரால் விளக்க முடியுமா? முடியாது. ஆனால் “சிறியவைகளாயிருந்தும் மகா ஞானமுள்ள” சிருஷ்டிகர் உட்பட “வானத்தையும் பூமியையும் சமுத்திரத்தையும் அவைகளிலுள்ள யாவையும் உண்டாக்கினவர்” சகல ஞானமுள்ள யெகோவாவே என்பதை பைபிள் சுட்டிக் காட்டுகிறது.—சங்கீதம் 146:5, 6; நீதிமொழிகள் 30:24-28.

நீங்கள் நன்றியுள்ளவர்களாக இருக்கிறீர்களா?

20. (எ) நம்மைச் சுற்றியுள்ள, வியப்படையச் செய்யும் பொருட்களுக்கு எதுவே விளக்கமாக இருக்க வேண்டும்? (பி) நம்முடைய சிருஷ்டிகரின் கிருபை நம்மிடமாக எவ்விதமாக காண்பிக்கப்படுகிறது? (சி) சத்தியத்துக்காக வாதாடுகிறவர்களாக நாம் எவ்விதமாக பிரதிபலிக்க வேண்டும்?

²⁰ காரியத்தின் உண்மை இதுவே: அன்புள்ள, எல்லா வல்லமையுமுள்ள, திட்ட அமைப்பாளர் ஒருவர் சிருஷ்டித்திருப்பதே இதற்கு விளக்கமாக இருக்கிறது என்பதற்கு வானங்களிலும் நம்மைச் சுற்றி பூமியிலும், அழகாகவும், காரியத்துக்கு பயன்படுவதாகவும், அச்சத்தையும் மதிப்பையும் தருவதாகவும் இருக்கும் எத்தனையோ இருக்கின்றன! இயல்பான நிலைமைகளின்கீழ், வாழ்க்கையை அனுபவிப்பதற்குரிய ஒன்றாகச் செய்வதற்கு, கடவுளால் நமக்கு கொடுக்கப்பட்டிருக்கும் உணர்வுகள் எத்தனை அற்புதமாக இயற்கையோடு நேர்த்தியாக இணைகின்றன! நாம் கண்ணால் பார்க்கும் அழகான சூரிய அஸ்தமனம், நாம் முகர்ந்து அறியும் நறுமணமுள்ள பூக்கள், நாம் ருசி பார்க்கும் சுவையுள்ள பழங்கள், நாம் உணரும் மெல்லமைதிப்படுத்துகிற தென்றால், நாம் காது கொடுத்து கவனிக்கும் காட்டின் இசை—எவ்விதமாக இவை நம்முடைய சிருஷ்டிகர் மற்றும் கடவுளின் கிருபையை வெளிப்படுத்துகின்றன! (சங்கீதம் 136:1-6, 25, 26) வேதபக்தியில்லாத இந்த உலகில் சத்தியத்துக்காக வாதாடுவதன் மூலம் நம்முடைய நன்றியுணர்வை எவ்வளவு உறுதியாக வெளிகாட்ட நாம் விரும்ப வேண்டும்! ஆம், கடவுளுடைய “வார்த்தையே சத்தியம்!” (w86 4/1)

[அடிக்குறிப்புகள்]

சத்தியத்தின் சார்பாக பேசுகிறவர்களாக, நீங்கள் எவ்விதமாக பதிலளிப்பீர்கள்?

◻ சத்தியம் எவ்விதமாக விவாதத்திற்குரியதானது?

◻ பைபிள் சத்தியம் எவ்விதமாக பாபிலோனிய பிழைகளை வெளிப்படுத்துகிறது?

◻ உயிரின் தோற்றத்துக்கும், பல்வேறு உயிர் வகைகளுக்கும் எவ்விதமாக மட்டுமே விளக்கமளிக்க முடியும்?

◻ உயிர் பொருட்களிலுள்ள திட்ட அமைப்பு நமக்கு எதை அறுதியிட்டுரைக்கிறது?

◻ நாம் எவ்விதமாக நம்முடைய சிருஷ்கருக்கு நன்றியைத் தெரிவிக்கலாம்?

[பக்கம் 10-ன் படம்]

“நீங்கள் உங்கள் பிதாவாகிய பிசாசானவனால் உண்டானவர்கள் என்று இயேசு சத்தியத்தை எதிர்த்தவர்களிடம் நேரடியாகச் சொன்னார்

[பக்கம் 12-ன் படம்]

சார்ல்ஸ் டார்வின்—குரங்கு-மனிதன் கோட்பாட்டை ஆதரித்து பேசியவர்

[பக்கம் 13-ன் படத்திற்கான நன்றி]

இங்கிலாந்து திருச்சபை டார்வினை வெஸ்ட்மினிஸ்டர் குருமடத்தில் அடக்கம் செய்துள்ளது