Josué

21 Bi̱ kuya̱ edxu̱u̱ bi̱ naguwáʼ náa xuajin chíʼgíiʼ* ndrígóo Leví, nixuʼmamijná náa inuu ndxajkun Eleazar ga̱jma̱a̱ náa Josué a̱ʼdióo Nun ga̱jma̱a̱ bi̱ kuya̱ edxu̱u̱ bi̱ naguwáʼ náa xuajin majkhaʼ ndrígóo Israel, 2 índo̱ kúwá náa Siló náa ku̱ba̱ʼ Canaán, nithúún: “Jeobá niʼthúu̱n Moisés dí maraxnuxu xuajin náa makuwáanʼxu ga̱jma̱a̱ mbaaʼ náa rígá ra̱jxa̱ mu muphiʼtsu xujkiúxu”. 3 Xó má Jeobá niʼthí, israelitas nixnúún xuajin levitas rí nikhánún ga̱jma̱a̱ mbaaʼ náa rígá ra̱jxa̱.

4 Índo̱ niri̱ya̱ʼ suerte* nigájnuu ginii rí muda̱a̱ mámbá guʼwíin bi̱ naguwáʼ náa cohatitas ga̱jma̱a̱ levitas bi̱ naguwáʼ náa ndxajkun Aarón, nida̱a̱ xó má nigájnuu náa suerte, mbá 13 xuajin dí rígá náa xuajin chíʼgíiʼ* ndrígóo Judá, xuajin chíʼgíiʼ ndrígóo Simeón ga̱jma̱a̱ xuajin chíʼgíiʼ ndrígóo Benjamín.

5 Cohatitas bi̱ xóó naguanún nikhánún mbá gu̱wa̱ʼ xuajin dí nindrigúu xuajin chíʼgíiʼ ndrígóo Efraín, xuajin chíʼgíiʼ ndrígóo Dan ga̱jma̱a̱ mbá ta̱pha̱ xuajin chíʼgíiʼ ndrígóo Manasés.

6 Xúʼko̱ má xa̱bu̱ guersonitas nindrigúu mbá 13 xuajin dí nikhánáá xuajin chíʼgíiʼ ndrígóo Isacar, xuajin chíʼgíiʼ ndrígóo Aser, xuajin chíʼgíiʼ ndrígóo Neftalí ga̱jma̱a̱ mbá ta̱pha̱ xuajin chíʼgíiʼ ndrígóo Manasés náa mbaaʼ Basán.

7 Ga̱jma̱a̱ xa̱bu̱ meraritas xó má nguáthi̱i̱n kúwá náa guʼwún, nindrigúu mbá 12 xuajin dí nikhánáá xuajin chíʼgíiʼ ndrígóo Rubén, xuajin chíʼgíiʼ ndrígóo Gad ga̱jma̱a̱ xuajin chíʼgíiʼ ndrígóo Zabulón.

8 Xígi̱ kaʼnii israelitas nixnúún levitas xuajin rígi̱ ga̱jma̱a̱ mbaaʼ náa rígá ra̱jxa̱ xó má nigájnuu náa suerte, xó má Jeobá nikuʼmaa maʼni Moisés.

9 Xuajin chíʼgíiʼ ndrígóo Judá ga̱jma̱a̱ xuajin chíʼgíiʼ ndrígóo Simeón, nixnúún xuajin rígi̱ dí na̱ʼkha̱ mbiʼyuu. 10 Nixnúún e̱ji̱i̱n Aarón bi̱ naguwáʼ náa cohatitas, bi̱ naguwáʼ náa levitas, ikhiin nikhánún ginii xó má nigájnuu náa suerte. 11 Nixnúún Quiryat-Arbá (Arbá ninindxu̱u̱ anu̱u̱* Anac), xóo muʼthá Hebrón náa kúbá Judá ga̱jma̱a̱ mbaaʼ dí rígá mbájndi náa rígá ra̱jxa̱. 12 Mú mbaaʼ dí rígá náa xuajin mba̱ʼu̱ ga̱jma̱a̱ xuajin dí rígá mijngii nixnáá Caleb a̱ʼdióo Jefuné mu maʼni mbayuuʼ.

13 Ga̱jma̱a̱ e̱ji̱i̱n Aarón bi̱ nindxu̱u̱ ndxajkun nixnúún xuajin náa rí muni̱ kawúmíjná bi̱ nixíyáa xa̱bu̱, itháán náa Hebrón ga̱jma̱a̱ mbaaʼ náa rígá ra̱jxa̱ ma̱ngaa Libná ga̱jma̱a̱ mbaaʼ náa rígá ra̱jxa̱, 14 Jatir ga̱jma̱a̱ mbaaʼ náa rígá ra̱jxa̱, Estemoa ga̱jma̱a̱ mbaaʼ náa rígá ra̱jxa̱, 15 Holón ga̱jma̱a̱ mbaaʼ náa rígá ra̱jxa̱, Debir ga̱jma̱a̱ mbaaʼ náa rígá ra̱jxa̱, 16 Ain ga̱jma̱a̱ mbaaʼ náa rígá ra̱jxa̱, Jutá ga̱jma̱a̱ mbaaʼ náa rígá ra̱jxa̱, ma̱ngaa Bet-Semes ga̱jma̱a̱ mbaaʼ náa rígá ra̱jxa̱: Mbá mijna gu̱wa̱ʼ xuajin náa mbá nájma̱ xuajin majkhaʼ rígi̱.

17 Náa xuajin chíʼgíiʼ ndrígóo Benjamín nikhánáá: Gabaón ga̱jma̱a̱ mbaaʼ náa rígá ra̱jxa̱, Gueba ga̱jma̱a̱ mbaaʼ náa rígá ra̱jxa̱, 18 Anatot ga̱jma̱a̱ mbaaʼ náa rígá ra̱jxa̱, Almón ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin.

19 Mbá xúgíʼ xuajin rí nixnúún bi̱ naguwáʼ náa Aarón bi̱ nindxu̱ún ndxajkun, ninindxu̱u̱ mbá 13 xuajin ga̱jma̱a̱ mbaaʼ náa rígá ra̱jxa̱.

20 Ga̱jma̱a̱ eʼwíinʼ bi̱ kúwá náa guʼwún cohatitas bi̱ nindxu̱ún levitas nixnúún xuajin rí nindrigúu bi̱ naguwáʼ náa xuajin chíʼgíiʼ ndrígóo Efraín xó má nigájnuu náa suerte. 21 Nixnúún xuajin náa muni̱ kawúmíjná bi̱ túradíin gajuunʼ a̱ngiu̱ún, itháán náa Siquem ga̱jma̱a̱ mbaaʼ náa rígá ra̱jxa̱ náa kúbá ndrígóo Efraín, Guézer ga̱jma̱a̱ mbaaʼ náa rígá ra̱jxa̱, 22 Quibzaim ga̱jma̱a̱ mbaaʼ náa rígá ra̱jxa̱, Bet-Horón ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin.

23 Rí nikhánáá náa mbaaʼ rí nigruigúu xuajin chíʼgíiʼ ndrígóo Dan: Eltequé ga̱jma̱a̱ mbaaʼ náa rígá ra̱jxa̱, Guibetón ga̱jma̱a̱ mbaaʼ náa rígá ra̱jxa̱, 24 Ayalón ga̱jma̱a̱ mbaaʼ náa rígá ra̱jxa̱, Gat-Rimón ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin.

25 Rí nikhánáa náa mbaaʼ rí nida̱a̱ bi̱ naguwáʼ náa mbá ta̱pha̱ xuajin chíʼgíiʼ ndrígóo Manasés: Taanac ga̱jma̱a̱ mbaaʼ náa rígá ra̱jxa̱, ma̱ngaa Gat-Rimón ga̱jma̱a̱ mbaaʼ náa rígá ra̱jxa̱: Mbá nájma̱ xuajin.

26 Mbá xúgíʼ rí nindrigúu bi̱ kúwá náa guʼwún cohatitas nindxu̱u̱ mbá gu̱wa̱ʼ xuajin ga̱jma̱a̱ mbaaʼ náa rígá ra̱jxa̱.

27 Guersonitas bi̱ naguwáʼ náa Leví, nindrigúu mbaaʼ rígi̱ dí nigruigúu mbá ta̱pha̱ xuajin chíʼgíiʼ ndrígóo Manasés, ikhaa nindxu̱u̱ xuajin náa nuni̱ kawúmíjná bi̱ túradíin gajuunʼ a̱ngiu̱ún, mú itháán náa Golán dí rígá náa Basán ga̱jma̱a̱ mbaaʼ náa rígá ra̱jxa̱, ma̱ngaa Beesterá ga̱jma̱a̱ mbaaʼ náa rígá ra̱jxa̱: Mbá nájma̱ xuajin.

28 Rígi̱ nindxu̱u̱ mbaaʼ rí nikhánáá náa dí nigruigúu xuajin chíʼgíiʼ ndrígóo Isacar: Quisión ga̱jma̱a̱ mbaaʼ náa rígá ra̱jxa̱, Daberat ga̱jma̱a̱ mbaaʼ náa rígá ra̱jxa̱, 29 Jarmut ga̱jma̱a̱ mbaaʼ náa rígá ra̱jxa̱, ma̱ngaa En-Ganim ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin.

30 Rígi̱ nindxu̱u̱ mbaaʼ dí nikhánáá náa dí nigruigúu xuajin chíʼgíiʼ ndrígóo Aser: Misal ga̱jma̱a̱ mbaaʼ náa rígá ra̱jxa̱, Abdón ga̱jma̱a̱ mbaaʼ náa rígá ra̱jxa̱, 31 Helcat ga̱jma̱a̱ mbaaʼ náa rígá ra̱jxa̱ ma̱ngaa Rehob ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin.

32 Rígi̱ nindxu̱u̱ mbaaʼ dí nikhánáá náa dí nigruigúu xuajin chíʼgíiʼ ndrígóo Neftalí: Xuajin náa nuni̱ kawúmíjná bi̱ tséradíin gajuunʼ a̱ngiu̱ún, mú itháán náa Quedes, náa Galilea ga̱jma̱a̱ mbaaʼ náa rígá ra̱jxa̱, Hamot-Dor ga̱jma̱a̱ mbaaʼ náa rígá ra̱jxa̱, ma̱ngaa Cartán ga̱jma̱a̱ mbaaʼ náa rígá ra̱jxa̱: Mbá najtsú xuajin.

33 Mbá xúgíʼ dí nindrigúu guersonitas xó má nguáthiin bi̱ naguwáʼ náa guʼwún, ninindxu̱u̱ mbá 13 xuajin ga̱jma̱a̱ mbaaʼ náa rígá ra̱jxa̱.

34 Ga̱jma̱a̱ eʼwíinʼ bi̱ naguwáʼ náa meraritas bi̱ naguwáʼ náa levitas nindrigúu xuajin rígi̱ náa dí nigruigúu xuajin chíʼgíiʼ ndrígóo Zabulón: Jocneam ga̱jma̱a̱ mbaaʼ náa rígá ra̱jxa̱ Cartá ga̱jma̱a̱ mbaaʼ náa rígá ra̱jxa̱, 35 Dimná ga̱jma̱a̱ mbaaʼ náa rígá ra̱jxa̱ ma̱ngaa Nahalal ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin.

36 Rígi̱ nindxu̱u̱ mbaaʼ dí nindrigúu náa dí nigruigúu xuajin chíʼgíiʼ ndrígóo Rubén: Bézer ga̱jma̱a̱ mbaaʼ náa rígá ra̱jxa̱, Jáhaz ga̱jma̱a̱ mbaaʼ náa rígá ra̱jxa̱. 37 Quedemot ga̱jma̱a̱ mbaaʼ náa rígá ra̱jxa̱, ma̱ngaa Mefaat ga̱jma̱a̱ mbaaʼ náa rígá ra̱jxa̱: Mbá nájkhu̱ xuajin.

38 Rígi̱ nindxu̱u̱ mbaaʼ dí nikhánún náa dí nigruigúu xuajin chíʼgíiʼ ndrígóo Gad: Xuajin náa nuni̱ kawúmíjná bi̱ tséradíin gajuunʼ a̱ngiu̱ún, mú itháán náa Ramot, náa Galaad ga̱jma̱a̱ mbaaʼ náa rígá ra̱jxa̱, Mahanaim ga̱jma̱a̱ mbaaʼ náa rígá ra̱jxa̱. 39 Hesbón ga̱jma̱a̱ mbaaʼ náa rígá ra̱jxa̱, ma̱ngaa Jazer ga̱jma̱a̱ mbaaʼ náa rígá ra̱jxa̱: Mbá a̱jkhu̱ xuajin dí mbá xúgíʼ.

40 Mbá 12 xuajin dí mbá xúgíʼ nindrigúu meraritas, xó má nguáthi̱i̱n kúwá, bi̱ nindxu̱ún eʼwíinʼ bi̱ naguwáʼ náa levitas.

41 Xuajin dí nida̱a̱ levitas dí rígá náa ta̱pho̱o̱ mbaaʼ dí nida̱a̱ israelitas nindxu̱u̱ mbá 48 xuajin ga̱jma̱a̱ mbaaʼ náa rígá ra̱jxa̱. 42 Náa mámbá xuajin rígi̱ rígá mbaaʼ náa rígá ra̱jxa̱. Xúʼko̱ kaʼnii náa mbá xúgíʼ xuajin.

43 Xúʼko̱ kaʼnii Jeobá nixnúún xa̱bu̱ Israel ku̱ba̱ʼ dí ikhaa nikudaminaʼ maxnún náa wajin xiʼñúúnʼ, ga̱jma̱a̱ ikhiin niguánú nikúwá ikhí. 44 Ma̱ngaa Jeobá niʼni dí makuwá tsímáá* náa ku̱ba̱ʼ, xó má ikhaa nikudaminaʼ náa wajin xiʼñúúnʼ. Nimbáa xa̱bu̱ sia̱nʼ táʼngo̱o̱ gáxminaʼ gajmíi̱n. Jeobá nixnájxi̱i̱n xa̱bu̱ sia̱nʼ náa ñawúúnʼ. 45 Mbá xúgíʼ dí mitsaanʼ* dí Jeobá nikudaminaʼ maʼni náa xa̱bu̱ Israel ni̱jkha̱nú nimbánuu. Mbá xúgíʼ nimbánuu.