Salmo
David nia knananuk.
29 Imi kbiit-naʼin nia oan-mane sira, fó hahiʼi ba Jeová,
Fó hahiʼi ba Jeová tanba nia iha glória no kbiit.+
2 Fó glória ba Jeová tanba ninia naran.
Hakruʼuk ba* Jeová hodi uza roupa neʼebé santu.*
3 Ema rona Jeová nia lian husi kalohan leten;*
Maromak nia lian neʼebé iha glória boot hanesan rai-tarutu.+
Jeová iha kalohan mahar* nia leten.+
4 Jeová nia lian mak iha kbiit;+
Jeová nia lian mak kmanek.
5 Jeová nia lian halo tohar ai-sedru sira;
Sin, Jeová harahun ai-sedru sira iha Líbanu.+
7 Jeová nia lian sai mai hanesan rai-lakan;*+
8 Jeová nia lian halo rai-fuik nakdoko;+
Jeová halo rai-fuik iha Kades+ nakdoko.
9 Jeová nia lian halo bibi-rusa inan neʼebé kabuk sai nakdedar no hahoris kedas
No ninia lian halakon ai-laran hotu.+
No sira hotu neʼebé iha ninia templu dehan: “Glória ba Maromak!”
10 Jeová nia kadunan mak iha bee barak nia leten;+
Jeová tuur iha kadunan nuʼudar Liurai ba nafatin.+
11 Jeová sei fó forsa ba ninia povu.+
Jeová sei haraik dame nuʼudar bensaun ba ninia povu.+