Панднома

18 Одамгурез аз пайи хоҳишҳои худ аст,

Ӯ зидди фаҳму хирад рафтор мекунад.

 2 Ба аблаҳ бофаҳм будан неву

Гапи дилашро гуфтан маъқул аст.+

 3 Бадкор ки омад, бадбинӣ ҳам меояд

Ва бо беобрӯйӣ бадномӣ меояд.+

 4 Суханони даҳони одам оби даруни чоҳ аст,+

Чашмаи хирад ҷӯйбори серобест.

 5 Бадкорро тарафгирӣ кардан

Ва дар доварӣ ба росткор ноинсофӣ намудан хуб нест.+

 6 Сухани аблаҳ ҷанҷол мехезонад,+

Ӯ доим аз даҳонаш шатта мехӯрад.+

 7 Даҳони аблаҳ шикасти ӯст+

Ва лабони ӯ балои ҷонаш аст*.

 8 Суханони туҳматгарро мисли луқмаҳои лазиз маза карда фурӯ мебаранд,+

Онҳо рост ба даруни одам мераванд.+

10 Номи Яҳува қалъаи мустаҳкам аст,+

Росткор сӯйи он медавад ва паноҳ меёбад*.+

11 Боигарии пулдор барояш шаҳри ҳисордор аст,

Он дар хаёлаш девори мустаҳкам аст.+

12 Оқибати ғурур шикаст аст,+

Оқибати хоксорӣ — сарбаландӣ.+

13 Ҳар кӣ нашунида ҷавоб гардонад,

Аҳмақу шарманда аст.+

14 Иродаи қавӣ дар беморӣ дастгирӣ мекунад,+

Аммо ирода ки суст шавад, кӣ ба ин тоб меорад?+

15 Дили бофаҳм дониш ба даст меорад+

Ва гӯши хирадманд ҷӯёи дониш аст.

16 Туҳфа ба рӯйи кас дарҳоро боз мекунад+

Ва барояш пеши калоншавандагон роҳ мекушояд.

17 Касе, ки аввал даъво кардааст, ҳақ метобад,+

Аммо ҳарифаш омада, ӯро саволу ҷавоб мекунад.+

18 Қуръапартоӣ ба ҷанг хотима мебахшад+

Ва баҳси ҳарифони бақувватро ҳал мекунад.

19 Ёфтани дили бародари ранҷида аз забт кардани шаҳри ҳисордор душвортар аст,+

Баъзеҳо чунон қаҳриянд, ки гӯё байнашон девори мустаҳкам* бошад.+

20 Одам аз самари даҳонаш шикамашро пур мекунад+

Ва аз ҳосили лабонаш сер мешавад.

21 Зиндагониву марг дар дасти забон аст,+

Касе кор фармудани онро дӯст дорад, аз мевааш мечашад.+

22 Ҳар кӣ зани нағз ёфта бошад, некуӣ ёфтааст+

Ва ризои Яҳуваро соҳиб гаштааст.+

23 Камбағал зора карда гап мезанад,

Бой дағалона ҷавоб медиҳад.

24 Ёроне ҳастанд, ки тайёранд якдигарро пора-пора кунанд,+

Аммо дӯсте ҳаст, ки аз бародар сахттар мечаспад.+