Забур

8 Эй Яҳува, Худованди мо,

Чӣ пуршукӯҳ аст номи ту дар тамоми замин,

Ту ҷалолатро баландтар аз осмон гузоштаӣ!*+

 2 Ба сабаби бадхоҳонат,

Барои хомӯш кардани душман ва интиқомҷӯ

Бо сухани даҳони кӯдакон ва ширмакон+ қуввататро нишон додӣ.

 3 Вақте ба осмон, ба амали ангуштонат, менигарам,

Ба моҳ ва ситорагоне, ки ту офаридаӣ,+

 4 Дар дил мегӯям: чист инсони хокӣ, ки ӯро дар ёд дорӣ,

Ва фарзанди одам, ки ба ӯ ғамхорӣ кунӣ?+

 5 Ӯро аз фариштагон* андаке кам кардаӣ

Ва бар сараш тоҷи шукӯҳу ҷалол гузоштаӣ.

 6 Ӯро бар амали дастонат ҳукмрон кардаӣ,+

Ҳама чизро зери пойи ӯ гузоштаӣ:

 7 Тамоми гову мол

Ва ҷонварони ваҳширо,+

 8 Мурғони ҳавову моҳиёни баҳр

Ва, ҳар он чиро, ки дар об шино мекунад.

 9 Эй Яҳува, Худованди мо,

Чӣ пуршукӯҳ аст номи ту дар тамоми замин!