Бешубҳа, бо ёрии Худо занҷири нафратро кандан мумкин аст. Рӯҳи муқаддаси Худо дар мо хислатҳоеро инкишоф дода метавонад, ки мо танҳо бо қуввати худ ҳаргиз инкишоф дода наметавонистем. Барои ҳамин ба ҷойи дар танҳоӣ бо ҳисси нафрат мубориза бурдан беҳтараш кумакеро, ки Яҳува пешниҳод мекунад, қабул кунем. Агар ин тавр кунем, мисли Павлуси расул чунин гуфта метавонем: «Бо ёрии Оне, ки ба ман қувват мебахшад, ҳама чиз аз дастам меояд» (Филиппиён 4:13). Бале, мо нидо карда метавонем: «Мадади ман аз сӯйи Яҳува меояд» (Забур 121:2).