35 “‘ኣብ ጥቓኻ ዘሎ ሓውካ እንተ ደኽዩ እሞ ኢዱ እንተ ሓጺርዎ፡ ምሳኻ ብህይወት ምእንቲ ኺነብር፡ ከምቲ ንጓናን ንሰፋርን እተናብሮ+ ጌርካ ኣናብሮ።+ 36 ካብኡ ወለድ ወይ መኽሰብ* ኣይትውሰድ።+ ንኣምላኽካ ደኣ ፍራህ፣+ ሓውካ ድማ ምሳኻ ብህይወት ኪነብር እዩ።

19 “ወለድ ገንዘብ ኰነ፡ ወለድ እኽሊ ዀነ፡ ወለድ ኪኽፈለሉ ናይ ዚኽእል ዝዀነ ነገር ወለድ ኰነ፡ ንሓውካ ወለድ ኣይተኽፍል።+

34 ኪፈድዩኹም ንእትጽበይዎም እንተ ኣለቂሕኩምከ፡* እንታይ ምስጋና ኣሎኩም፧+ ሓጥኣን እኳ ንሓጥኣን ክንድኡ ኺፍደዩ ኢሎም የለቅሕዎም እዮም። 35 ግናኸ፡ ንጸላእትኹም ኣፍቅሩ፡ ጽቡቕ ግበሩ፡ ክትፍደዩ ኸይተጸበኹም ከኣ ኣለቅሑ፣+ እቲ ልዑል ንዘየመስግኑን ንእኩያትን ለዋህ እዩ እሞ፡ ዓስብኹም ብዙሕ ኪኸውን እዩ፡ ውሉዳቱ እውን ክትኰኑ ኢኹም።+