11 ኣምላኽ ድማ ንሰሎሞን ከምዚ በሎ፦ “እዚ ነገር እዚ ትምኒት ልብኻ ስለ ዝዀነ፡ ሃብቲ፡ ጥሪት፡ ክብሪ፡ ወይ ሞት* ጸላእትኻ ስለ ዘይለመንካ፡ ንርእስኻ እውን ነዊሕ ዕድመ* ስለ ዘይለመንካ፡ የግዳስ፡ ነዚ ኣብ ልዕሊኡ ዘንገስኩኻ ህዝበይ ንምፍራድ ጥበብን ፍልጠትን ስለ ዝለመንካ፡+ 12 ጥበብን ፍልጠትን ኪውሃበካ እዩ፣ ከምኡ ድማ ቅድሜኻ ንዝነበሩ ነገስታት ዘይነበሮም፡ ብድሕሬኻ ንዚትንስኡ እውን ዘይህልዎም ሃብትን ጥሪትን ክብርን ክህበካ እየ።”+

17 ኣብ ክንዳኡ ድማ ወዱ ዮሳፋጥ+ ነገሰ፡ ኣብ ልዕሊ እስራኤል እውን ስልጣኑ ኣደልደለ።

5 የሆዋ ኸኣ ነታ መንግስቲ ኣብ ኢዱ ኣጽንዓ፣+ ኵሎም ይሁዳ ድማ ንዮሳፋጥ ህያባት ይህብዎ ነበሩ፣ ኣኺሉ ዚተርፍ ሃብትን ክብርን ከኣ ነበሮ።+