33 ናብ ቅፍርናሆም ድማ መጹ። ናብ ቤት ምስ ኣተወ ኸኣ፡ “ኣብ መገዲ ብዛዕባ እንታይ ትካትዑ ኔርኩም፧” ኢሉ ሓተቶም።+ 34 ንሳቶም ከኣ ኣብ መገዲ መኖም ከም ዚዓቢ ይካትዑ ነበሩ እሞ፡ ኣጽቀጡ። 35 ምስ ተቐመጠ ድማ፡ ነቶም ዓሰርተው ክልተ ጸዊዑ፡ “ቀዳማይ ኪኸውን ዚደሊ እንተ ኣልዩ፡ ድሕሪ ዅሉን ኣገልጋሊ ዅሉን ይኹን” በሎም።+ 36 ቈልዓ ወሲዱ ኸኣ፡ ኣብ ማእከሎም ደው ኣበሎ፣ ሓቚፍዎ ድማ፡ 37 “እቲ ኻብዞም ከምዚ ቘልዓ ዝኣመሰሉ ንሓደ ብስመይ ዚቕበል ዘበለ፡+ ንዓይ ይቕበለኒ፣ እቲ ንዓይ ዚቕበለኒ ዘበለ ኸኣ፡ ንዓይ ጥራይ ዘይኰነስ፡ ነቲ ዝለኣኸኒ እውን ይቕበሎ” በሎም።+

46 ካባታቶም መን ከም ዚዓቢ ኸኣ ኣብ መንጎኦም ክርክር ኰነ።+ 47 የሱስ ድማ ሓሳብ ልቦም ፈሊጡ፡ ቈልዓ ወሰደ እሞ፡ ኣብ ጥቓኡ ደው ኣቢሉ፡ 48 “እቲ ነዚ ቘልዓ እዚ ብስመይ ዚቕበሎ ዘበለ፡ ንዓይ ይቕበለኒ፣ እቲ ንዓይ ዚቕበለኒ ዘበለ ኸኣ፡ ነቲ ዝለኣኸኒ እውን ይቕበሎ።+ እቲ ኣብ መንጎ ዅላትኩም ርእሱ ዜንእስ፡ ንሱ እዩ ዓብዪ” በሎም።+

24 ግናኸ፡ መኖም ዝዓበየ ኸም ዝዀነ እውን፡ ኣብ መንጎኦም ብርቱዕ ክርክር ኰነ።+