መዝሙር

88 ኦ የሆዋ፡ ኣምላኽ ድሕነተይ፡+

ብመዓልቲ አእዊ፡

ብለይቲ እውን ኣብ ቅድሜኻ እቐርብ ኣለኹ።+

 2 ጸሎተይ ናባኻ ይብጻሕ፣+

እዝንኻ ናብ ኣውያተይ ኣድንን።*+

 3 ነፍሰይሲ* መዓት ጸጊባ፡+

ህይወተይ እውን ናብ መቓብር* ቀሪባ ኣላ።+

 4 ምስቶም ናብ ጕድጓድ* ዚወርዱ ተቘጺረ፣+

ረዳኢ ኣልቦ* ሰብኣይ ኰይነ፣+

 5 ከምቶም ደጊም ዘይትዝክሮም፡

ካብ ሓልዮትካ* እተፈልዩ፡

ኣብ መቓብር እውን በጥ ዝበሉ ቕቱላት፡

ኣብ መንጎ ምዉታት ተሓዲገ።

 6 ኣብ ዝተሓተ ጕድጓድ፡

ኣብ ጸልማት፡ ኣብ ዓብዪ መዓሙቝ ኣንቢርካኒ።

 7 ነድርኻ ይኸብደኒ ኣሎ፣+

ብዚጻፋዕ ማዕበላትካ ውሒጥካኒ። (ሴላ)

 8 ንፈለጥተይ ካባይ ኣርሒቕካዮም፣+

ኣባታቶም ፍንፉን ጌርካኒ።

ኦ የሆዋ፡ ምሉእ መዓልቲ እጽውዓካ ኣለኹ፣+

ኣእዳወይ ናባኻ እዝርግሕ ኣለኹ።

11 ብተኣማንነት እተርእዮ ፍቕርኻ ኣብ መቓብር፡

ተኣማንነትካ እውን ኣብ ቦታ ጥፍኣትዶ* ይንገር እዩ፧

12 ተኣምራትካ ኣብ ጸልማት፡

ወይስ ጽድቅኻ ኣብ ምድሪ ርሳዐዶ ይፍለጥ እዩ፧+

13 ኦ የሆዋ፡ ኣነ ግና ናባኻ አእዊ ኣለኹ፣+

ንግሆ ንግሆ ጸሎተይ ኣብ ቅድሜኻ ይቐርብ ኣሎ።+

15 ካብ ንእስነተይ ኣትሒዘ

ውጹዕን ንምጥፋእ ዝቐረብኩን እየ፣+

በቲ ኺወርደኒ ዝፈቐድካዮ ኽፉእ ነገር ደንዚዘ ኣለኹ።

16 እቲ ዚነድድ ቍጥዓኻ ውሒጡኒ፡+

ሽበራታትካ እውን ኣጥፊኡኒ ኣሎ።

17 ምሉእ መዓልቲ ኸም ማያት ከቢቡኒ፡

ብዅሉ ሸነኽ* ድማ ዓጽዩኒ ኣሎ።

18 ንፈተውተይን ንብጾተይን ካባይ ኣርሒቕካዮም፣+

ጸልማት ከኣ ብጻየይ ኰይኑ ኣሎ።