ምኽሪ መጽናዕቲ

መጽሓፍ ቅዱስ ከነንብብ ከለና፡ እቲ ዘንበብናዮ ብንጹር ምእንቲ ኺርድኣና፡ እተፈላለየ ናውቲ መጽናዕቲ ንጥቀም ኢና። ኰይኑ ግና፡ ፍልጠት ካብ ምድላብ ንላዕሊ ኢና ኽንገብር እንጽዕር። ብዛዕባ ባህርያት የሆዋ ዚገልጽ መንፈሳዊ ሃብቲ ኽንረክብ ንደሊ ኢና፣ እዚ ድማ ነቲ ንዕኡ ዘሎና ፍቕሪ የዕዝዞ እዩ። ከምኡ ንምግባር፡ ‘እዚ ጸብጻብ መጽሓፍ ቅዱስ ብዛዕባ የሆዋ እንታይ ይምህረኒ፧’ ኢልና ገዛእ ርእስና ኽንሓትት ንኽእል ኢና።

የሆዋ ብኸመይ ፍቕሩን ጥበቡን ፍትሑን ሓይሉን ከም ዘርኣየ ንምፍላጥ ጻዕሪ ኽንገብር ንኽእል ኢና። ኰይኑ ግና፡ ባህርያት የሆዋ ኣብዚ ዝጠቐስናዮ ጥራይ እተደረተ ኣይኰነን። ካልእ ማራኺ ባህርያት እውን ኣለዎ። ብዛዕባ እዚ ባህርያቱ እዚ ኣበይ ሓበሬታ ኽትረክብ ትኽእል፧

ኣብ መሐበሪ ምርምር ናይ የሆዋ መሰኻኽር፡ “የሆዋ ኣምላኽ” ኣብ ትሕቲ ዚብል ኣርእስቲ፡ “ባህርያት የሆዋ” ኣብ ትሕቲ ዚብል ንኡስ ኣርእስቲ ርአ። ድሕሪኡ፡ ኣብቲ እተንብቦ ዘለኻ ንባብ መጽሓፍ ቅዱስ ዘሎ ባህርያት ኣተኵር።