ትምህርቲ 56

ኣብ ክርስትያናዊት ጉባኤ ዘሎ ሓድነት ንዓቅብ

ብወረቐት ኣብ እተሓትመ

ምስ ክርስትያናት ብጾትና ኽንከውን ከለና፡ ከምቲ ንጉስ ዳዊት፡ “ኣሕዋት ብሓድነት ሓቢሮም ኪቕመጡስ፡ ክንደይ ሰናይን ባህ ዜብልን እዩ!” ኢሉ እተዛረቦ እዩ ዚስምዓና። (መዝሙር 133:1) ሓድነትና ብወዝቢ ዚመጽእ ኣይኰነን። ነፍሲ ወከፍና ነዚ ሓድነት ኣብ ምዕቃብ እጃም ኣሎና።

1. ኣብ መንጎ ህዝቢ ኣምላኽ እንታይ ዜደንቕ ነገር እዩ ዘሎ፧

ኣብ ካልእ ዓዲ ኣብ ኣኼባ ጉባኤ እንተ ተኣኪብካ፡ ነቲ ቛንቋ ኣይትርድኦን ትኸውን፣ ኰይኑ ግና፡ ብብዙሕ መዳያት ኣይትጋየሽን ኢኻ። ስለምንታይ፧ ምኽንያቱ፡ ኣብ ኵሉ ዓዲ፡ ብሕደ ጽሑፋት ጌርና ኢና መጽሓፍ ቅዱስ እነጽንዕ። ንሓድሕድና ኸኣ ክንፋቐር ንጽዕር ኢና። እንነብረሉ ዓዲ ብዘየገድስ፡ ‘ብሓድነት ምእንቲ ኸነገልግል፡ ኵላትና ስም የሆዋ ንጽውዕ’ ኢና።—ጸፎንያስ 3:9።

2. ሓድነት ንምስፋን እንታይ ክትገብር ትኽእል፧

መጽሓፍ ቅዱስ፡ “ካብ ልቢ፡ ንሓድሕድኩም ኣጸቢቕኩም ተፋቐሩ” ይብል። (1 ጴጥሮስ 1:22) ነዚ ምኽሪ እዚ ኸመይ ጌርካ ኽትትግብሮ ትኽእል፧ ኣብ ናይ ካልኦት ዘይፍጽምና ኣብ ክንዲ እተተኵር፡ ሰናይ ባህርያቶም ርአ። ምስቶም ከማኻ ዝኣመሰሉ ሰባት ጥራይ ኣብ ክንዲ እትቀራረብ፡ ካብ በበይኑ ድሕረ ባይታ ንዝመጹ ኣሕዋትን ኣሓትን ክትፈልጦም ጽዓር። ብዘይካዚ፡ ንዅሉ እቲ ኣብ ውሽጥና ዘሎ ኣቐዲምካ ናይ ምፍራድ ባህርይ ካብ ሱሩ ንምምሓው ንጽዕር ኢና።—1 ጴጥሮስ 2:17 ኣንብብ።a

3. ምስ ክርስትያን ብጻይካ ዘይምርድዳእ እንተ ተፈጢሩ፡ እንታይ ኢኻ እትገብር፧

ሓድነት ኣሎና፣ ግናኸ፡ ዘይፍጹማት ኢና። ሓድሓደ ግዜ፡ ሓዴና ነቲ ሓደ የጕህዮ ወይ እውን ይጐድኦ እዩ። ስለዚ፡ ቃል ኣምላኽ፡ “ንሓድሕድኩም ተዓጋገሱን ብናጻ ይቕረ ተባሃሃሉን። ከምቲ የሆዋ ብናጻ ይቕረ ዝበለልኩም፡ ንስኻትኩም እውን ከምኡ ግበሩ” ይብለና እዩ። (ቈሎሴ 3:13 ኣንብብ።) ንየሆዋ ብዙሕ ሳዕ ኣጕሂናዮ ኢና፣ እንተዀነ ግና፡ ይቕረ ኢሉልና እዩ። ስለዚ፡ ንኣሕዋትና ይቕረ ኽንብለሎም ይጽበየና እዩ። ንሓደ ሰብ ከም ዝጐዳእካዮ እንተ ፈሊጥካ፡ ተበግሶ ወሲድካ ነቲ ጕዳይ ኣደቅሶ።—ማቴዎስ 5:23, 24 ኣንብብ።b

ኣዕሚቝካ ዅዓት

ንሓድነትን ንሰላምን ክርስትያናዊት ጉባኤ እጃምካ ኸተበርክተሉ እትኽእል መገድታት ርአ።

ስእልታት፦ ሓደ ሓው ሰላም ይገብር። 1. ካልእ ሓው ተሪር ዘረባ ይዛረቦ። 2. ብዛዕባ እቲ ሓው ዝበሎ ይሓስብ። 3. ብዛዕባ እቲ ብሰብ ክትጕሂ ኸለኻ እንታይ ከም እትገብር ዚምዕድ ምኽሪ መጽሓፍ ቅዱስ ይሓስብ። 4. ምስቲ ሓው እቲ ቡን እናሰተዩ ሰላም ይገብር። — ሰላም ንምግባር እንታይ ጻዕሪ ኢኻ እትገብር፧

4. ኣቐዲምካ ፍርዲ ኣወግድ

ንዅሎም ኣሕዋትና ኸነፍቅሮም ንደሊ ኢና። ካባና ፍልይ ንዝበለ ሰብ ግና ምቕባሉ ይኸብደና ይኸውን። እንታይ ኪሕግዘና ይኽእል፧ ግብሪ ሃዋርያት 10:34, 35 ኣንብብ፡ ድሕሪኡ በዚ ሕቶታት ተመያየጡ፦

የሆዋ ንዅሎም ዓይነት ሰባት ከም መሰኻኽሩ ገይሩ ተቐቢልዎም እዩ። እዚ ነገር እዚ ነቲ ብዛዕባ እቶም እተፈልየ ድሕረ ባይታ ዘለዎም ሰባት ዘሎካ ኣረኣእያ ብኸመይ ኪጸልዎ ይግባእ፧
ኣብ ከባቢኻ ዘሎ እንታይ ዓይነት ኣቐዲምካ ናይ ምፍራድ ባህርይ ኢኻ ኸተወግድ እትደሊ፧

ካልኣይ ቈረንቶስ 6:11-13 ኣንብብ፡ ድሕሪኡ በዚ ሕቶ ተመያየጡ፦