ናይ ሓሶት ሃይማኖት “ነቲ ሓቂ ኣምላኽ ብሓሶት [ለዊጣቶ]” ኣላ። (ሮሜ 1:25) ንኣብነት፡ መብዛሕትአን ሃይማኖታት ንሰዓብተን ብዛዕባ ስም ኣምላኽ ኣይምህራኦምን እየን። መጽሓፍ ቅዱስ ግና፡ ንስም ኣምላኽ ክንጥቀመሉ ኸም ዚግባእ ይምህር እዩ። (ሮሜ 10:13, 14) ገሊኦም መራሕቲ ሃይማኖት፡ ሕማቕ ነገር ኬጋጥም ከሎ፡ እዚ ፍቓድ ኣምላኽ ከም ዝዀነ ይምህሩ እዮም። እዚ ግና ሓሶት እዩ። ኣምላኽ ከቶ ምንጪ እከይ ኣይኰነን። (ያእቆብ 1:13 ኣንብብ።) እቲ ዜሕዝን ድማ፡ ሃይማኖታዊ ሓሶት ንሰባት ካብ ኣምላኽ የርሕቖም እዩ።

4. ጠንቂ መከራና

ብዙሓት ሰባት፡ ኣምላኽ ንብዘላ ዓለም ከም ዚቈጻጸራ ይኣምኑ እዮም። እዝስ ሓቂ ድዩ፧ ቪድዮ ኣጻውት።

ቪድዮ፦ ንዓለም ዚቈጻጸራ ዘሎ መን እዩ፧ (1:24)

ያእቆብ 1:13ን 1 ዮሃንስ 5:19ን ኣንብብ፡ ድሕሪኡ በዚ ሕቶ ተመያየጡ፦

• ኣምላኽ ብመከራን ብእከይን ተሓታቲ ድዩ፧