Süleýmanyň aýdymy

Gözleriň bürenjek astyndan bakýar,

Gögerçiniň gözlerini ýatladýar.

Gilead daglaryndan+ inip gelýän

Geçi sürüsine meňzeýär saçyň.

 2 Ýaňy gyrkylyp ýuwlan,

Goýun sürüsine meňzär dişleriň.

Her biriniň taýy bardyr,

Ekiz taýy ýiten däldir.

 3 Gyrmyzy sapak deý dodagyň,

Bal deý süýji sözleriň.

Bürenjegiň astynda,

Nara meňzär ýaňaklaryň.

 4 Boýnuň+ daşdan örülen

Dawudyň diňi+ kimin.

Diwarynda müňlerçe galkan asylgy,

Batyr ýigitleriň+ tegelek galkany.

 5 Göwsüň jübüt keýige+ meňzär,

Çigildemli meýdanda otlaýan

Ekiz owlagy ýatladar».

 6 «Öwüsýärkä salkyn şemal, ýitmänkä kölege,

Mür* dagyna çykaýyn,

Ladan* baýryna baraýyn»+.

 7 «Boý-syratyň owadan, näzli ýarym+.

Birkemsiz gözel sen, dildarym.

 8 Eý gelinligim, Liwandan gideli,

Ýör, Liwandan+ bile gaçaly!

Emin* depesinden, Senir depesinden,

Hermon depesinden+ aşak ineli.

Olar arslanlaryň, alajabarslaryň mesgeni.

 9 Mähribanym, gelinligim,

Bir bakyşda göwnüm awladyň+,

Ýesiri men boýnuňdaky monjugyň.

10 Mähribanym, gelinligim,

Maýyl seniň näziňe+,

Şerapdan süýji söýgiňe+,

Seniň atyr ysyňa+,

Müşk-anbaryň şasyna.

Diliň asty bal-süýtdür+.

Owadan lybasyňdan,

Liwan ysy bark urýandyr.

12 Mähribanym, gelinligim daşy diwarly bagdyr,

Gulply bag-bakjadyr, agzy ýapyk guýudyr*.

13 Şahalaryň* nar biten jennet bagydyr,

Süýji miwä, hynagülüne, sünbüle* baýdyr.

14 Sünbül+, zagpyran*, ýeken*+, dalçyn+,

Ladanyň her görnüşi, mür*, aloe güli+ bardyr,

Gül-gunçanyň hoşboý ysy+ bark urýandyr.

15 Sen bagyň çeşmesi, sowuk suwly guýusyň,

Sen Liwandan akýan çeşme-çaýsyň+.

16 Demirgazyk ýeli tursun,

Günorta şemaly oýansyn.

«Ezizim bagyna girsin,

Süýji miwelerden iýsin».